完整藏文原文 · 德格版页 当前仅加载第 42 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བར་མ་སོང་ཞིང་། །འོང་བ་མེད་ལ་དངོས་མེད་པར། །དེ་ནི་ཐུབ་ཆེན་ཁྱོད་ཀྱིས་གཟིགས། །ལྷའི་བུ་ཚོར་བ་དང་བྲལ་བས་གསོལ་པ། ཚོར་བ་དང་ནི་ཚོར་བ་པོ། །རང་བཞིན་མེད་པར་ཁྱོད་ཀྱིས་གཟིགས། །ཟབ་མོ་བལྟ་དཀའི་ཚིག་དེ་ཡང་། །ཁྱོད་ཀྱིས་སེམས་ཅན་
D60.042.0102b01.01རྣམས་ལ་བསྟན། །ལྷའི་བུ་ཚོར་བའི་རྒྱུད་ལ་ངེས་པས་གསོལ་པ། ཚོར་བ་དེ་ནི་ཀུན་རྫོབ་ཙམ། །དོན་དམ་ཉིད་དུ་མི་དམིགས་ཏེ། །ཁྱོད་ཀྱིས་སེམས་ཅན་དེར་བཏུལ་བས། །འགྲོ་བ་ཐེ་ཚོམ་མ་མཆིས་གྱུར། །ལྷའི་བུ་ཚོར་བ་ལ་མཁས་པས་གསོལ་པ། ཚོར་བའི་ཕུང་
D60.042.0102b02.01པོ་མཁས་པ་པོ། །མཁའ་ལ་རླུང་གི་དཀྱིལ་འཁོར་བཞིན། །བྱིས་པའི་བློ་ཅན་རྨོངས་བགྱིད་པ། །དེ་ནི་ཁྱོད་ཀྱིས་ཡང་དག་གཟིགས། །ལྷའི་བུ་ཚོར་བ་མངོན་པར་ཤེས་པས་གསོལ་པ། ཚོར་བའི་ཕུང་པོ་མངོན་མཁྱེན་པ། །རིག་ཅིང་རིག་པའི་མཐར་བྱོན་པའི། །
D60.042.0102b03.01མཁས་པ་རྣམས་ཀྱི་མཆོག་ཁྱོད་ཀྱིས། །ཚོར་བ་བདག་མེད་རབ་ཏུ་གཟིགས། །ལྷའི་བུ་ཚོར་བ་ལས་རྒལ་བས་གསོལ་པ། རྐང་གཉིས་གཙོ་བོ་དམ་པ་ཁྱོད། །རྒལ་དཀའ་ཚོར་བའི་མཚོ་ལས་རྒལ། །འདམ་ལ་རྒལ་ཅིང་སྡིག་མེད་པ། །བྱང་ཆུབ་མཆོག་འདི་སངས་
D60.042.0102b04.01རྒྱས་གྱུར། །ལྷའི་བུ་ཚོར་བ་ལས་བྱུང་གིས་གསོལ་པ། རྣམ་པར་འདྲེན་པས་འཇིག་རྟེན་དུ། །ཚོར་བ་རྣམས་ནི་འབྱུང་མཁྱེན་ནས། །ཚོར་བའི་ཕུང་པོ་རབ་རྒལ་ཏེ། །སངས་རྒྱས་འཇིག་རྟེན་ཆགས་མི་མངའ། །ལྷའི་བུ་ཚོར་བ་རིག་པས་གསོལ་པ། མི་རྣམས་
D60.042.0102b05.01དག་ལ་གང་འཆིང་བའི། །ཚོར་བ་ཐམས་ཅད་ཁྱོད་ཀྱིས་མཁྱེན། །ཉོན་མོངས་ཞགས་པས་འཆིང་འགྱུར་བ། །དེ་ཡི་རང་བཞིན་ཁྱོད་ཀྱིས་གཟིགས། །ལྷའི་བུ་སེམས་ལ་མཁས་པས་གསོལ་པ། ཁྱོད་ཀྱི་སེམས་ཀྱིས་ཉོན་མོངས་ཕམ། །བདུད་རྣམས་ཀྱང་ནི་སྤ་བཀོང་སྟེ། །
D60.042.0102b06.01སེམས་དེ་རང་བཞིན་མ་མཆིས་པར། །ཐུབ་པ་ཆེན་པོ་ཁྱོད་ཀྱིས་གཟིགས། །ལྷའི་བུ་སེམས་ཡོངས་སུ་ཤེས་པས་གསོལ་པ། ཇི་ལྟར་སྒྱུ་མའི་མཁན་པོ་ཡིས། །སྒྱུ་མ་སྣ་ཚོགས་སྤྲུལ་པ་བཞིན། །སེམས་ནི་བདེ་གཤེགས་ཁྱོད་ཀྱིས་མཁྱེན། །དེ་ཕྱིར་ཁྱོད་ལ་འཇིག་རྟེན་
D60.042.0102b07.01