完整藏文原文 · 德格版页 当前仅加载第 42 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཏོ། །རྫིང་བུ་དེ་དག་ཀྱང་ཆུ་ཡན་ལག་བརྒྱད་དང་ལྡན་པས་བྱ་རོག་གིས་བཏུང་དུ་རུང་བ་ཙམ་དུ་ཁ་ད་ཆད་དུ་ཡོངས་སུ་གང་བར་གྱུར་ཏོ། །རྫིང་བུ་དེ་དག་ཏུ་མེ་ཏོག་ཆུ་ལས་སྐྱེས་པ་འདི་ལྟ་བུ་དག་བསྐྱེད་པར་གྱུར་ཏེ། འདི་ལྟར་མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་
D60.042.0153b01.01དཀར་པོ་དང་། དྲི་ཞིམ་ལྡན་རྣམས་སོ། །ཁོར་ཡུག་ཏུ་ཡང་ཐང་ལས་སྐྱེས་པའི་མེ་ཏོག་འདི་ལྟ་བུ་དག་བསྐྱེད་པར་གྱུར་ཏེ། འདི་ལྟར་ཨ་ཏི་མུག་ཏ་ཀ་དང་། ཙམ་པ་ཀ་དང་། བར་ཤ་ཀ་དང་། སྣ་མའི་མེ་ཏོག་དང་། མ་ཡུ་ཀ་དང་། ད་ནུ་སྐ་རི་དང་། དེ་མ་ཡིན་པའི་མེ་ཏོག་ཐང་ལས་སྐྱེས་པ་
D60.042.0153b02.01མང་པོ་དག་ཀྱང་བསྐྱེད་པར་གྱུར་ཏོ། །རྒྱལ་པོའི་ཕོ་བྲང་འཁོར་རིན་པོ་ཆེས་རབ་ཏུ་བརྒྱན་པ་དེའི་སྟེང་གི་བར་སྣང་ལ་དྲིལ་བུ་གཡེར་ཀའི་དྲ་བ་ཆེན་པོ་བྲེས་པ་དང་། རྒྱལ་པོའི་ཕོ་བྲང་འཁོར་རིན་པོ་ཆེས་རབ་ཏུ་བརྒྱན་པའི་ཤིང་ཏ་ལ་དེ་དག་དང་། རིན་པོ་ཆེའི་དྲ་བ་དེ་དག་དང་། དྲིལ་བུ་གཡེར་
D60.042.0153b03.01ཀའི་དྲ་བ་དེ་དག་རླུང་གིས་བསྐྱོད་པ་ལས་འདི་ལྟ་བུའི་སྒྲ་སྙན་ཅིང་ཡིད་དུ་འོང་ལ་མཉན་ན་བདེ་བ་འདི་ལྟ་སྟེ་དཔེར་ན་ཡན་ལག་ལྔ་དང་ལྡན་པའི་རོལ་མོ་སིལ་སྙན་མཁས་པས་ལེགས་པར་བླངས་པའི་སྒྲ་ལྟ་བུ་བྱུང་བར་གྱུར་ཏོ། །དེའི་ཚེ་རྒྱལ་པོའི་ཕོ་བྲང་འཁོར་རིན་པོ་ཆེས་རབ་ཏུ་བརྒྱན་པ་དེ་ན་
D60.042.0153b04.01མི་ཇི་སྙེད་ཅིག་འཁོད་པ་དེ་དག་ཐམས་ཅད་ཀྱང་སྒྲ་དེས་རྩེ་དགའ་ཞིང་ཡོངས་སུ་སྤྱོད་པར་གྱུར་ཏོ། །རྒྱལ་པོའི་ཕོ་བྲང་འཁོར་རིན་པོ་ཆེས་རབ་ཏུ་བརྒྱན་པ་དེ་ནི་འབྱོར་པ་རྒྱས་པ། བདེ་བ། ལོ་ལེགས་པ། སྐྱེ་བོ་མང་པོ་དང་། མིས་ཡོངས་སུ་གང་བ། མེ་ཏོག་ཨུད་པ་ལ་དང་། པད་མ་དང་།
D60.042.0153b05.01ཀུ་མུ་ད་དང་། པད་མ་དཀར་པོས་ཡོངས་སུ་གང་བར་གྱུར་ཏོ། །དེ་ནས་རྒྱལ་པོ་གྲགས་པ་མཐའ་ཡས་དེ་འདི་སྙམ་དུ་སེམས་ཏེ། འོ་ན་བདག་ནི་ཤར་གྱི་ལུས་འཕགས་གླིང་དུ་འགྲོའོ་སྙམ་པ་དང་། སེམས་བསྐྱེད་མ་ཐག་ཏུ་དཔུང་གི་ཚོགས། ཡན་ལག་བཞི་པ་དང་ལྷན་ཅིག་ཏུ་ནམ་མཁའ་
D60.042.0153b06.01ལ་མངོན་པར་འཕགས་ནས་ཤར་གྱི་ལུས་འཕགས་གླིང་ག་ལ་བ་དེར་སོང་སྟེ། དེས་དེར་ལོ་བརྒྱ་ཕྲག་མང་པོ་དང་། ལོ་སྟོང་ཕྲག་མང་པོར་རྒྱལ་པོ་བྱས་སོ། །དེ་ནས་རྒྱལ་པོ་གྲགས་པ་མཐའ་ཡས་དེ་འདི་སྙམ་དུ་སེམས་ཏེ། འོ་ན་བདག་ནི་ནུབ་ཀྱི་བ་ལང་སྤྱོད་ཀྱི་གླིང་དུ་འགྲོའོ་སྙམ་པ་
D60.042.0153b07.01