完整藏文原文 · 德格版页 当前仅加载第 42 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཡི་སེང་གེས་འཛུམ་པ་འདི་མཛད་པ། །མི་ཡི་ཟླ་བ་རང་བྱུང་གྱུར་པ་ནི། །རྒྱུ་མ་མཆིས་པར་འཛུམ་པ་མི་མཛད་ན། །འཛུམ་པ་དེ་ཡི་རྒྱུ་ནི་བཀའ་སྩལ་གསོལ། །སྟོན་པའི་ཞལ་ནས་འཛུམ་པ་དེ་མཐོང་ནས། །བཅོམ་ལྡན་འཇིག་རྟེན་འདི་དག་ཐེ་ཚོམ་འཚལ། །
D60.042.0048a01.01མགོན་པོས་དེ་དག་ཐེ་ཚོམ་བསལ་དུ་གསོལ། །འཇིག་རྟེན་འདི་དག་དགའ་བའི་ཡིད་དུ་འགྱུར། །དེ་རིང་སུ་ཞིག་རྒྱལ་ལ་དད་པ་སྐྱེད། །གང་གིས་ཆོས་རྒྱ་ཆེན་པོ་རྣམ་པར་རྟོགས། །གང་གི་སེམས་ནི་མི་སྒུལ་གནས་པར་གྱུར། །དེ་དག་རྒྱལ་བས་འགྲོ་བ་བསྟན་དུ་གསོལ། །
D60.042.0048a02.01དེ་རིང་འཁོར་རྣམས་ཐེ་ཚོམ་ཆེ་འཚལ་ཞིང་། །ཀུན་ཀྱང་རྒྱལ་བའི་ཞལ་དུ་ལྟ་ཞིང་སྡོད། །ཅི་ནས་ཐེ་ཚོམ་མ་མཆིས་ཀུན་འགྱུར་བ། །དེ་ལྟར་དཔའ་བོས་ཐེ་ཚོམ་བསལ་དུ་གསོལ། །དེ་རིང་འདི་ནི་གང་གི་རྣམ་འཕྲུལ་ལགས། །གང་གིས་བརྩོན་འགྲུས་བཟང་པོ་འདིར་བསྟན་ལགས། །
D60.042.0048a03.01གང་ཞིག་ཁྱོད་དང་འདིར་མཇལ་དོན་མཆིས་གྱུར། །དེ་ནི་ལེགས་པར་འགྲོ་ལ་བཀའ་སྩལ་གསོལ། །རྒྱལ་བ་འགྲོ་བ་དག་ལ་ཕན་བཞེད་པ། །ཐེ་ཚོམ་འཚལ་བའི་ཡིད་གཉིས་ལེགས་བསལ་གསོལ། །དེ་ཐོས་ལྷ་དང་བཅས་པའི་འཇིག་རྟེན་རྣམས། །དགའ་ཞིང་མགུ་བ་དག་ཀྱང་འཐོབ་པར་
D60.042.0048a04.01འགྱུར། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རྟ་ཐུལ་ལ་ཚིགས་སུ་བཅད་དེ་སླར་བཀའ་སྩལ་པ། རྟ་ཐུལ་ཁྱོད་ཀྱིས་དྲི་བ་ལེགས་པར་དྲིས། །དེ་རིང་འགྲོ་བ་དག་གི་དོན་ཆེན་བྱས། །རང་བྱུང་འཛུམ་མཛད་རྒྱུ་ནི་དྲིས་པས་ན། །སྟོན་པའི་དགོངས་པའང་ཁྱོད་ཀྱིས་ལེགས་
D60.042.0048a05.01པར་མཐོང་། །དེ་དག་ལུང་བསྟན་མ་ལུས་བསྟན་པར་བྱས། །གནོད་སྦྱིན་ཚོགས་ཀྱི་ཡིད་ནི་གཟིགས་གྱུར་ནས། །འགྲོ་ལ་ཕན་པའི་དོན་དུ་འཛུམ་མཛད་པ། །དད་པའི་ཡིད་ཀྱིས་རྟ་ཐུལ་མཉན་པར་གྱིས། །རྒྱལ་བའི་བྱང་ཆུབ་ཞི་བ་ཤེས་གྱུར་ནས། །གནོད་སྦྱིན་ཚོགས་ཀྱིས་མོས་
D60.042.0048a06.01པའི་སེམས་བསྐྱེད་དེ། །འབྱུང་པོའི་ཚོགས་དབུས་སངས་རྒྱས་བསྟོད་བྱས་ནས། །རང་བྱུང་དམ་པ་མཆོག་ཏུ་ཡིད་ཀྱང་བཏང་། །ཆོས་རྣམས་སྟོང་པ་ཉིད་དུ་ཤེས་བྱ་དང་། །མཚན་མ་ཐམས་ཅད་རྣམ་པར་གཞིག་པའི་ཕྱིར། །འགྲོ་བ་ཀུན་ཏུ་སྨོན་པ་རྣམས་སྤངས་ཤིང་། །བྱང་ཆུབ་མཆོག་ཏུ་དེ་
D60.042.0048a07.01