完整藏文原文 · 德格版页 当前仅加载第 42 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
རྫོགས་པའི་སངས་རྒྱས་རྣམས་ཀྱིས་ཐུགས་སུ་ཆུད་པ་ཡིན་གྱིས། རྒྱལ་པོ་ཆེན་པོ་ཁྱོད་ཀྱིས་ཇི་ལྟར་ན་བདག་ལྷ་དང་བཅས་པའི་འཇིག་རྟེན་གྱི་མིག་དང་། སྒྲོན་མ་དང་། མར་མེ་དང་། སྣང་བ་དང་། གྲུ་དང་། ངོགས་དང་། འབབ་སྟེགས་དང་། འདྲེན་པ་དང་། ཡོངས་སུ་འདྲེན་པ་དང་།
D60.042.0151b01.01སྟོན་པ་དང་། དེད་དཔོན་དང་། སྔོན་དུ་འགྲོ་བར་འགྱུར་སྙམ་པ་དང་། བདག་གྲོལ་ནས་དགྲོལ་བར་བྱའོ། །རྒལ་ནས་བསྒྲལ་བར་བྱའོ། །དབུགས་ཕྱིན་ནས་དབུགས་དབྱུང་བར་བྱའོ། །ཡོངས་སུ་མྱ་ངན་ལས་འདས་ནས་ཡོངས་སུ་མྱ་ངན་ལས་བཟླ་བར་བྱའོ་སྙམ་དུ་ཡིད་ལ་གཞག་པར་བྱའོ། །
D60.042.0151b02.01རྒྱལ་པོ་ཆེན་པོ་དབང་ཕྱུག་ལྟ་ཞིག་ནི་སྔོན་མྱོང་བར་གྱུར་པའི་མཐའ་ཡང་མི་མངོན་ཏེ། རྒྱལ་པོ་ཆེན་པོ་དེ་ལྟར་དབང་པོ་རྣམས་ནི་སྒྱུ་མ་ལྟ་བུ་སྟེ། ཆོག་མི་ཤེས་པའོ། །ཚིམ་པར་མི་རུང་བའོ། །ཡུལ་རྣམས་ནི་རྨི་ལམ་ལྟ་བུ་སྟེ། ཚིམ་པར་མི་ནུས་པ། ངོམས་པར་མ་གྱུར་པའོ། །རྒྱལ་པོ་ཆེན་པོ་སྔོན་
D60.042.0151b03.01བྱུང་བ་འདས་པའི་དུས་ན་རྒྱལ་པོ་གྲགས་པ་མཐའ་ཡས་ཞེས་བྱ་བ་བྱུང་སྟེ། རྒྱལ་པོ་ཆེན་པོ་རྒྱལ་པོ་གྲགས་པ་མཐའ་ཡས་དེ་ནི་ཁྱོགས་དང་། དཔུང་དང་། བཞོན་པ་མཐའ་ཡས་ཤིང་འཁོར་ལོ་ཐོགས་པ་མེད་པས་སྒྱུར་བ། མི་འཁྲུགས་པའི་ཐེག་པ་དང་ཚུལ་ཕུན་སུམ་ཚོགས་པ་དང་ལྡན་པ། སྔོན་
D60.042.0151b04.01གྱི་སངས་རྒྱས་ལ་དགེ་བའི་རྩ་བ་བསྐྱེད་པ། ཡིད་བཞིན་དུ་འགྱུར་བའི་སྟོབས་དང་ལྡན་པ་སྟེ། དེ་གང་ཅི་སེམས་ཀྱང་རུང་། དེའི་དེ་ཐམས་ཅད་འགྲུབ་ཅིང་དེའི་བསམ་པ་དོན་མེད་པར་འགྱུར་བ་གང་ཡང་མེད་དོ། །དེ་ལྟར་རྒྱལ་པོ་དེ་ནི་རང་གི་དགེ་བའི་རྩ་བའི་གཟི་བརྗིད་ཀྱིས་བསམ་པ་ཡིད་
D60.042.0151b05.01བཞིན་དུ་དོན་མེད་པ་མ་ཡིན་པར་གྱུར་ཏོ། །རྒྱལ་པ་ཆེན་པོ་དེ་ནས་རྒྱལ་པོ་གྲགས་པ་མཐའ་ཡས་དེ་འདི་སྙམ་དུ་བདག་གི་བསོད་ནམས་ཀྱི་སྟོབས་ཉམས་པ་མེད་པ་ལ་བརྟག་པར་བྱའོ་སྙམ་ནས་དེ་འདི་སྙམ་དུ་སེམས་ཏེ། ཀྱེ་མ་བདག་གི་གླིང་ཆེན་པོ་བཞི་པའི་འཇིག་རྟེན་གྱི་ཁམས་ན་ཤིང་ལྗོན་
D60.042.0151b06.01པ་ཇི་སྙེད་ཅིག་ཡོད་པ་དེ་དག་ཐམས་ཅད་ཡིད་བཞིན་དུ་འབྲས་བུ་ཆགས་པར་གྱུར་ཅིག་སྙམ་པ་དང་། རྒྱལ་པོ་གྲགས་པ་མཐའ་ཡས་དེའི་སེམས་བསྐྱེད་མ་ཐག་ཏུ་གླིང་ཆེན་པོ་བཞི་པའི་འཇིག་རྟེན་གྱི་ཁམས་ན་ཤིང་ལྗོན་པ་ཇི་སྙེད་ཅིག་ཡོད་པ་དེ་དག་ཐམས་ཅད་ཡིད་བཞིན་དུ་འབྲས་བུ་ཆགས་པར་
D60.042.0151b07.01