完整藏文原文 · 德格版页 当前仅加载第 42 函德格 13a 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་ཀྱིས། །འདྲེན་པ་མི་མཆོག་ལ་ནི་དད་པ་སྐྱེད། །བཅོམ་ལྡན་དེ་ནི་མ་དུལ་སེམས་ཅན་འདུལ། །ཐུགས་རྗེ་མངའ་བ་མ་ཞི་ཞི་མཛད་ཅིང་། །རྒོད་པ་རྣམས་ཀྱང་ཉོན་མོངས་ཞི་མཛད་ཀྱིས། །འདྲེན་པ་མི་མཆོག་ལ་ནི་དད་པ་སྐྱེད། །སྐྱེ་བོ་རྣམས་ཀྱི་སྲིད་
D60.042.0013a01.01པའི་རྒྱ་མཚོ་སྐེམས། །རྒྱ་མཚོ་ལས་ནི་ལྷ་བུས་ཇི་ལྟ་བར། །སྟོབས་བཅུ་ཐུགས་རྗེ་ཆེ་མངའ་སྒྲོལ་མཛད་ཀྱིས། །འདྲེན་པ་མི་མཆོག་ལ་ནི་དད་པ་སྐྱེད། །ཚད་མེད་ཡོན་ཏན་ཚོགས་ཀྱིས་མཛེས་གྱུར་པ། །ཐུགས་རྗེ་ཆེན་པོ་དད་པའི་ཐུགས་ཀྱིས་སྤྱོད། །ཡུན་རིང་འཁྲུགས་
D60.042.0013a02.01པའི་སྐྱེ་བོ་དད་མཛད་ཀྱིས། །འདྲེན་པ་མི་མཆོག་ལ་ནི་དད་པ་སྐྱེད། །ནོར་བུ་རིན་ཆེན་ཆུ་དང་བྱེད་པ་བཞིན། །རྒྱལ་བ་སྐྱེ་བོ་དང་བར་སྤྱོད་མཛད་ཅིང་། །མི་ཡི་འཐབ་རྙོག་རབ་ཏུ་དང་མཛད་ཀྱིས། །འདྲེན་པ་མི་མཆོག་ལ་ནི་དད་པ་སྐྱེད། །ནོར་བུ་རིན་ཆེན་རང་བཞིན་ཡོངས་
D60.042.0013a03.01དག་པ། །མཁས་པའི་སྐྱེ་བོ་དགའ་བ་ཡོངས་སུ་སྐྱེད། །རྒྱལ་བ་དེ་བཞིན་སྐྱོན་བསལ་དག་པའི་ཐུགས། །མཁས་པའི་སྐྱེ་བོ་དགའ་བ་ཡོངས་སུ་སྐྱེད། །འཇིག་རྟེན་གཙོ་ལ་དད་པ་ཐོབ་གྱུར་ན། །ལྷ་དང་མི་དག་སྡུག་བསྔལ་ཁུར་ཡང་འདོར། །སྲིད་པའི་རྒྱུད་སྤངས་ཞི་བ་མཆོག་
D60.042.0013a04.01ཏུ་འདོད། །འདྲེན་པ་མི་མཆོག་ལ་ནི་དད་པ་སྐྱེད། །བདག་གིས་ཡོན་ཏན་ཕྱོགས་གཅིག་བརྗོད་པ་ནི། །ནམ་མཁའི་དབྱིངས་ལ་མཁའ་ལྡིང་རྗེས་བཞིན་ཏེ། །བདག་ནི་རྒྱལ་བའི་ཡོན་ཏན་མཐར་ཕྱིན་མིན། །འདྲེན་པ་མི་མཆོག་ལ་ནི་དད་པ་སྐྱེད། །དེ་ནས་རྒྱལ་པོ་ཟས་གཙང་
D60.042.0013a05.01མས་ཚེ་དང་ལྡན་པ་འཆར་ཀ་ལས་ལེགས་པར་བཤད་པ་ཡང་ཐོས། བཅོམ་ལྡན་འདས་བྱང་ཆུབ་སེམས་དཔའ་མཛད་པའི་ཡོན་ཏན་དེ་ལྟ་བུ་ཡང་ཉིད་ཀྱིས་མངོན་དུ་མཐོང་། སྔོན་བདག་རྒལ་ནས་སྐྱེས་བུ་ཁྱུ་མཆོག་ཁྱོད་ཀྱང་བསྒྲལ་བར་བགྱིའོ། །ཞེས་དམ་བཅས་པ་ཡང་རྗེས་
D60.042.0013a06.01སུ་དྲན་ནས་དེའི་ཚེ་བཅོམ་ལྡན་འདས་ལ་དད་པ་ཐོབ་པར་གྱུར་ཏོ། །དེ་ལྟར་དད་པ་ཐོབ་པའི་སེམས་ཀྱིས་ཚེ་དང་ལྡན་པ་འཆར་ཀ་ལ་འདི་སྐད་ཅེས་སྨྲས་སོ། །དགེ་སློང་ཁྱོད་ནི་ངའི་བུའི་ཆོས་ལས་སྐྱེས་པའི་བུ་ཡིན་ན། ཁྱོད་བདག་ཟན་ཟོ་ལ་བཅོམ་ལྡན་འདས་ཀྱི་བཤོས་ཁྱེར་ཏེ་སོང་ཤིག །
D60.042.0013a07.01