完整藏文原文 · 德格版页 当前仅加载第 42 函德格 78b 版页；藏文 NFD、目录标记与异常页序保留在来源切片中，重复版页行以稳定序号区分。
གཞལ་ཡས་བགྱིད་པར་འགྱུར། །དེས་ནི་ལྷ་མིར་བཅས་པའི་འཇིག་རྟེན་འཁོར་བར་སྡུག་བསྔལ་ཉམ་ཐག་འདི། །འཕགས་ལམ་ཡན་ལག་བརྒྱད་བསྟན་སྲིད་པའི་རྒྱ་མཚོ་འདི་ནས་སྒྲོལ་བར་འགྱུར། །དྲང་སྲོང་ཆེན་པོའི་གསུང་མཆོག་ཡན་ལག་བརྒྱད་ལྡན་བཟང་པོ་འདི་ཐོས་ནས། །
D60.042.0078b01.01འགྲོ་བ་ཐམས་ཅད་སངས་རྒྱས་ཉིད་འཚལ་དགེ་ལ་བརྩོན་ཞིང་དགའ་བར་འགྱུར། །ཐེ་ཚོམ་བྲལ་གྱུར་རྣམ་དག་ཡིད་ཀྱིས་བརྩོན་འགྲུས་དྲག་པོའི་སྟོབས་བསྐྱེད་ཅིང་། །བདེ་བར་གཤེགས་པའི་བསྟན་པ་བཞིན་བགྱིད་ཁྱོད་དང་འཐུན་བྱུང་སྲས་སུ་འགྱུར། །འཁོར་རྣམས་འདི་དག་
D60.042.0078b02.01བརྟེན་པ་གཞན་མ་མཆིས་པར་འདྲེན་པ་ཁྱོད་ཀྱི་ཞལ་དུ་ལྟ། །འགྲོ་བའི་རྩ་ལག་རྟོག་པ་ཡིད་གཉིས་བསལ་ཞིང་བཀའ་ལུང་སྩལ་དུ་གསོལ། །བཅོམ་ལྡན་འཇིག་རྟེན་འདི་དག་ཁྱོད་ཀྱི་ཞབས་འབྲིང་གནས་ཤིང་ཉན་པར་འཚལ། །གསུང་རབ་ལེགས་བརྗོད་བདུད་རྩིའི་ཆར་ཕོབ་
D60.042.0078b03.01གང་དག་སྐོམ་པ་འཚལ་བར་འགྱུར། །འདྲེན་པ་ཆེན་པོ་ཁྱོད་ཀྱི་འཁོར་འདི་དག་ཅིང་སངས་རྒྱས་ཡོན་ཏན་འཚལ། །རིང་དུ་སོང་བའི་མ་ལ་བུ་ལྟ་བཞིན་དུ་ཁྱོད་ཀྱི་ཞལ་དུ་ལྟ། །བདེ་གཤེགས་ལྷ་རྣམས་ལུང་བསྟན་བཀའ་སྩོལ་བཞད་པའི་དོན་ཀྱང་བསྟན་དུ་གསོལ། །སྐྱོབ་པའི་
D60.042.0078b04.01གསུང་མཆོག་ཐོས་ན་འཇིག་རྟེན་དོན་ཆེན་ཤིན་ཏུ་ཐོབ་པར་འགྱུར། །ཐུབ་པ་དེ་རིང་སུ་ཞིག་དགེ་བ་འཕེལ་ཞིང་གྲགས་པ་དོན་དུ་གཉེར། །སུ་ཞིག་འདྲེན་པའི་ཡོན་ཏན་གཏེར་རྙེད་འགྱུར་བ་བདག་ཅག་དེ་ཉན་འཚལ། །རྒྱལ་བའི་འཁོར་རྣམས་ཁྱོད་ཀྱིས་གསུངས་པ་དེ་དག་ཐོས་
D60.042.0078b05.01ཤིང་དགར་གྱུར་ནས། །ཚུལ་འདི་སྟོན་ཅིང་ཏིང་འཛིན་སྟོབས་ལྡན་ཤེས་རབ་ལ་ཡང་སྒོམ་པར་འགྱུར། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རྟ་ཐུལ་ལ་ཚིགས་སུ་བཅད་དེ་སླར་བཀའ་སྩལ་པ། རྟ་ཐུལ་ཁྱོད་ཀྱི་སྤོབས་པ་ལེགས་པར་དུས་ལྡན་སྐྱེས་པ་ཤིན་ཏུ་
D60.042.0078b06.01ལེགས། །བདེ་གཤེགས་རྣམ་པར་སྤྲུལ་བཞིན་དེ་ལྟར་ཁྱོད་ཀྱི་བློ་གྲོས་འབྱུང་འགྱུར་ཞིང་། །སྤོབས་པ་ཆེ་འབྱུང་དེ་ཕྱིར་གང་དང་གང་དག་ཁྱོད་ཀྱིས་དྲིས་གྱུར་པ། །དེ་དག་ལུང་བསྟན་ངས་བཤད་ཀུན་ཀྱང་དབང་པོ་ཞི་བས་མཉན་པར་གྱིས། །འོད་གསལ་བ་ཡི་ལྷ་རྣམས་བློ་དག་
D60.042.0078b07.01