完整藏文原文 · 德格版页 当前仅加载第 42 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབས་པའམ། སྡུག་བསྔལ་བསལ་བའམ། དེ་ལྟར་ཐ་གྲུ་ཆེ་བའི་སངས་རྒྱས་ཀྱི་ཞིང་ཡོངས་སུ་དག་པར་བྱ་བའམ། སེམས་ཅན་དེ་སྙེད་ཡོངས་སུ་སྨིན་པར་བྱ་བར་མི་ནུས་སོ། །དགེ་སློང་དག་དེ་ལ་ཇི་སྙམ་དུ་སེམས། དེའི་ཚེ་དེའི་དུས་ན་དེ་བཞིན་གཤེགས་པ་དབང་པོའི་ཏོག་ཅེས་བྱ་བ་
D60.042.0032b01.01བྱུང་བ་དེ་གང་ཞིག་ཡིན་སྙམ། དེ་སྐད་ཅེས་བཀའ་སྩལ་པ་དང་། དགེ་སློང་དེ་དག་ཅང་མི་ཟེར་བར་འཁོད་དོ། །དེའི་ཚེ་ཤར་ཕྱོགས་ལོགས་སུ་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་ཟླ་བའི་འོད་ཟེར་གྱིས་རབ་ཏུ་བརྒྱན་པ་ཞེས་བྱ་བ་ཡོད་དོ། དེ་ན་དེ་
D60.042.0032b02.01བཞིན་གཤེགས་པ་གཟི་བརྗིད་འཕགས་པའི་རྒྱལ་པོ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། དེར་འཇམ་དཔལ་གཞོན་ནུར་གྱུར་པ་འདུས་ཤིང་འདུག་པར་གྱུར་པ་དེས་བཅོམ་ལྡན་འདས་ཀྱི་དགོངས་པ་སེམས་ཀྱིས་ཤེས་ནས། བཅོམ་ལྡན་འདས་དེ་བཞིན་གཤེགས་པ་
D60.042.0032b03.01གཟི་བརྗིད་འཕགས་པའི་རྒྱལ་པོ་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟར་མི་མཇེད་ཀྱི་འཇིག་རྟེན་གྱི་ཁམས་ན་དེ་བཞིན་གཤེགས་པ་ཤཱཀྱ་ཐུབ་པ་ཆོས་སྟོན་གྱིས། བཅོམ་ལྡན་འདས་ཤཱཀྱ་ཐུབ་པ་དེ་ལ་བསྙེན་བཀུར་བགྱི་བའི་སླད་དུ་བདག་ཀྱང་མཆིའོ། །དེ་སྐད་ཅེས་གསོལ་པ་
D60.042.0032b04.01དང་། བཅོམ་ལྡན་འདས་དེ་བཞིན་གཤེགས་པ་གཟི་བརྗིད་འཕགས་པའི་རྒྱལ་པོས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་དེའི་དུས་ལ་བབ་པར་ཤེས་ན་སོང་ཤིག །དེ་ནས་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ་བཅོམ་ལྡན་འདས་དེ་
D60.042.0032b05.01བཞིན་གཤེགས་པ་གཟི་བརྗིད་འཕགས་པའི་རྒྱལ་པོའི་ཞབས་ལ་མགོ་བོས་ཕྱག་འཚལ་ཏེ་ལན་གསུམ་བསྐོར་བ་བྱས་ནས། འདི་ལྟ་སྟེ་དཔེར་ན་སྐྱེས་བུ་སྟོབས་དང་ལྡན་པའི་ལག་པ་བསྐུམ་པ་ལས་བརྐྱང་བའམ། བརྐྱང་བ་ལས་བསྐུམ་པ་ཙམ་གྱིས་འཇམ་དཔལ་གཞོན་ནུར་གྱུར་པ་འཇིག་རྟེན་གྱི་
D60.042.0032b06.01ཁམས་ཟླ་བའི་འོད་ཟེར་གྱིས་རབ་ཏུ་བརྒྱན་པ་དེ་ནས་མི་སྣང་བར་གྱུར་ཏེ། བཅོམ་ལྡན་འདས་ཤཱཀྱ་ཐུབ་པའི་སྤྱན་སྔ་འདིར་གནས་པར་གྱུར་ཏོ། །དེས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ །ཕྱོགས་གཅིག་ཏུ་འདུག་ནས་འཇམ་དཔལ་གཞོན་ནུར་
D60.042.0032b07.01