完整藏文原文 · 德格版页 当前仅加载第 42 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་ཁྱམས་རྣམས་ཀྱི་གདུང་ཕྱམ་ནི་སྤུག། གྲལ་བུ་དང་སྒོ་འཕར་ནི་རྡོའི་སྙིང་པོ། ཐེམ་པ་དང་ཁ་ཁྱེར་ནི་དངུལ། ཀ་བ་ནི་གསེར། ཀ་ཞུ་ནི་བཻ་དཱུརྱ། ས་གཞི་ནི་ཀེ་ཀེ་རུའི་རང་བཞིན་ཅན་ཤ་སྟག་གོ །རྡོའི་སྙིང་པོའི་ཁྱམས་རྣམས་ཀྱི་གདུང་ཕྱམ་ནི་མུ་ཏིག་དམར་པོ། །
D60.042.0022a01.01གྲལ་བུ་དང་སྒོ་འཕར་ནི་གསེར། ཐེམ་པ་དང་ཁ་ཁྱེར་ནི་དངུལ། ཀ་བ་ནི་བཻ་དཱུརྱ། ཀ་ཞུ་ནི་ཀེ་ཀེ་རུ། ས་གཞི་ནི་ཤེལ་གྱི་རང་བཞིན་ཅན་ཤ་སྟག་གོ །ཁྱམས་དེ་དག་ཏུ་ཡང་སེང་གེའི་ཁྲི་རིན་པོ་ཆེ་སྣ་བདུན་གྱི་རང་བཞིན་ཅན་ལྷ་མ་ཡིན་གྱི་ལྷ་རྫས་ཀྱི་གོས་སྣ་ཚོགས་བཏིང་བ། ཀ་ཙ་ལིན་དིའི་
D60.042.0022a02.01སྟེང་གཡོགས་ཅན། མཐའ་གཉིས་སུ་རྟེན་མ་བཟང་པོ་བཀོད་པ་ཁྲག་ཁྲིག་ཕྲག་དྲུག་ཅུ་དྲུག་ཅུ་མངོན་པར་སྤྲུལ་ཏོ། །སེང་གེའི་ཁྲི་དེ་དག་གི་རྐང་རྟེན་རིན་པོ་ཆེ་སྣ་བདུན་གྱི་རང་བཞིན་ཅན་དག་ལ་རས་བཅོས་བུ་སྣ་ཚོགས་འདི་ལྟ་སྟེ། ཤིང་བལ་ལས་བྱས་པ་ཤིན་ཏུ་ཕྲ་བ་དང་། སྲིན་བལ་ལས་
D60.042.0022a03.01བྱས་པ་ཤིན་ཏུ་ཕྲ་བ་དང་། ཟར་མའི་ཤུན་པ་ལས་བྱས་པ་ཤིན་ཏུ་ཕྲ་བ་དང་། ཤུན་ཕྲགས་ལས་བྱས་པ་ཤིན་ཏུ་ཕྲ་བ་དང་། ཀ་ཤི་ཀ་ལས་བྱས་པ་ཤིན་ཏུ་ཕྲ་བ་བྱེ་བ་ཕྲག་དྲུག་ཅུ་དྲུག་ཅུ་བཏིང་བར་གྱུར་ཏོ། །སེང་གེའི་ཁྲི་དེ་དག་རེ་རེའི་ངོས་གཉིས་སུ་ཡང་ལྷ་མ་ཡིན་གྱི་བུ་མོ་རྒྱན་ཐམས་
D60.042.0022a04.01ཅད་ཀྱིས་བརྒྱན་པ། རིན་པོ་ཆེ་སྣ་བདུན་ལས་བྱས་པའི་བསིལ་ཡབ་ཐོགས་པ་གཉིས་གཉིས་མངོན་པར་སྤྲུལ་ཏེ། སེང་གེའི་ཁྲི་དེ་དག་ལ་ལྷ་མ་ཡིན་གྱི་བུ་མོ་གཞོན་ནུ་འཁོད་པ་དག་ལ་གཡོབ་བོ། །ཁྱམས་དེ་དག་རེ་རེ་ཞིང་ཡང་རིན་པོ་ཆེ་སྣ་བདུན་ལས་བྱས་པའི་གདུགས་ཁྲག་ཁྲིག་ཕྲག་
D60.042.0022a05.01དྲུག་ཅུ་དྲུག་ཅུ་མངོན་པར་སྤྲུལ་ཏོ། །ཁྱམས་དེ་དག་རེ་རེ་ཞིང་ཡང་རིན་པོ་ཆེ་སྣ་བདུན་གྱི་རྒྱལ་མཚན་ཁྲག་ཁྲིག་ཕྲག་དྲུག་ཅུ་དྲུག་ཅུ་མངོན་པར་སྤྲུལ་ཏོ། །དེ་ལ་གསེར་གྱི་ཁྱམས་རྣམས་སུ་ནི་རྒྱལ་མཚན་སྔོན་པོ་ལ་ཡུ་བ་སེར་པོ་ཤེལ་གྱིས་སྤྲས་པ་དག་བཙུགས། དངུལ་གྱི་ཁྱམས་རྣམས་སུ་
D60.042.0022a06.01ནི་རྒྱལ་མཚན་སེར་པོ་ཡུ་བ་དམར་པོ་གསེར་གྱིས་སྤྲས་པ་དག་བཙུགས། བཻ་དཱུརྱའི་ཁྱམས་རྣམས་སུ་ནི་རྒྱལ་མཚན་དམར་པོ་ཡུ་བ་སེར་པོ་ཤེལ་གྱིས་སྤྲས་པ་དག་བཙུགས། ཤེལ་གྱི་ཁྱམས་རྣམས་སུ་ནི་རྒྱལ་མཚན་དཀར་པོ་ཡུ་བ་བཻ་དཱུརྱ་གསེར་གྱིས་སྤྲས་པ་དག་བཙུགས།
D60.042.0022a07.01