完整藏文原文 · 德格版页 当前仅加载第 42 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན། །བདུད་སྟོབས་བཅོམ་ཐུབ་རྒྱལ་བ་ལགས། །ཡེ་ཤེས་སྟོབས་མཆོག་རྒྱས་གྱུར་པ། །སེར་སྣ་མི་མངའ་ཉན་ཐོས་བཏུལ། །ཞི་བའི་ཐུགས་ཀྱིས་སྤྱོད་མཛད་ཅིང་། །ལྷ་དང་བཅས་པའི་འཇིག་རྟེན་འདུལ། །སྐྱེས་བུ་སེང་གེ་བདེ་གཤེགས་ཁྱོད། །གཏི་མུག་ཞི་
D60.042.0054b01.01བགྱིད་ཆོས་བརྙེས་པ། །བདག་ཅག་རྣམས་ཀྱང་སྟོབས་བཅུ་ཡི། །ཆོས་རྣམས་འདིར་ནི་ཐོབ་པར་ཤོག །ཇི་ལྟར་ཐུབ་ཁྱོད་སེམས་ཅན་གྱི། །བསམ་མཁྱེན་དང་མཛད་དེ་བཞིན་དུ། །འཇིག་རྟེན་སྣང་མཛད་བདག་ཅག་ཀྱང་། །ལྷ་མིར་བཅས་པའི་འགྲོ་དང་བགྱི། །དེ་
D60.042.0054b02.01ལྟར་འགྲོ་བའི་དོན་སླད་དུ། །སྙིང་བརྩེར་ཉེ་བར་བཟུང་ནས་ནི། །འགྲོ་བ་འཁོར་བའི་མཚོར་བྱིང་བ། །སྲིད་པའི་རྒྱུད་ལས་བསྒྲལ་བར་བགྱི། །བདག་ཅག་ལྷར་བཅས་འཇིག་རྟེན་གྱི། །འདྲེན་དང་རབ་ཏུ་འདྲེན་གྱུར་ཅིག །འགྲོ་བ་སྡུག་བསྔལ་བརྒྱས་ཉེན་པ། །སྲིད་པའི་
D60.042.0054b03.01རྒྱུད་ལས་དགྲོལ་བར་བགྱི། །དེ་ནས་བཅོམ་ལྡན་འདས་ཀྱིས་ལྷ་ཕྲེང་ལྡན་གླང་པོ་ཅན་རྣམས་ཀྱི་བསམ་པ་ཐུགས་སུ་ཆུད་ནས་དེའི་ཚེ་འཛུམ་པ་མཛད་དོ། །དེ་ནས་ཚེ་དང་ལྡན་པ་རྟ་ཐུལ་གྱིས་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། བདེ་གཤེགས་རྣམ་པར་འདྲེན་
D60.042.0054b04.01པ་པོ། །རྒྱུ་མ་མཆིས་པར་འཛུམ་མི་མཛད། །སྟོབས་བཅུ་ཁྱོད་ནི་འཛུམ་མཛད་པའི། །རྒྱུ་གང་ལགས་པ་བཀའ་སྩལ་གསོལ། །རྒྱལ་བའི་ཞལ་ནས་འཛུམ་མཛད་པ། །འགྲོ་བ་དང་བགྱིས་བྱུང་མཐོང་ནས། །འཁོར་ཀུན་ཐེ་ཚོམ་འཚལ་གྱུར་ཏེ། །འཛུམ་པའི་དོན་ནི་
D60.042.0054b05.01ཉན་པར་འཚལ། །དོན་ཆེན་འཛུམ་པ་མཛད་པའི་དོན། །བཀའ་སྩོལ་བཀའ་སྩོལ་འདྲེན་པའི་མཆོག །དགེ་སྦྱོང་རྣམས་ཀྱི་རྒྱལ་པོ་ཁྱོད། །ཐེ་ཚོམ་ཆད་འགྱུར་བཀའ་སྩལ་གསོལ། །གང་གིས་རྒྱལ་བ་མཉེས་པར་བགྱིས། །གང་གིས་དེང་མཆོག་བླ་མེད་བགྱིས། །སུ་
D60.042.0054b06.01ཞིག་དེ་རིང་གཏིང་ཐོབ་གྱུར། །བདེ་གཤེགས་བདག་གི་ཐེ་ཚོམ་ཁུམ། །དེ་རིང་གང་གིས་བདུད་ཀྱི་གནས། །དཀྲུགས་གཡེངས་ཀུན་ཏུ་འཁྲུགས་པར་བགྱིས། །དེང་སུས་ལྷ་གནས་ཐམས་ཅད་ཀྱང་། །རབ་ཏུ་དགའ་ཡིད་ལྡན་པར་བགྱིས། །རྒྱལ་བ་ཐུབ་པ་དེ་ལུང་སྟོན། །འགྲོ་བའི་ཐེ་
D60.042.0054b07.01