完整藏文原文 · 德格版页 当前仅加载第 42 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
མ་བཤད་ཅིང་། །སུ་ལའང་བཤད་པ་མ་མཆིས་སོ། །ཁྱོད་ཀྱི་སྲས་པོ་མི་མཆོག་རྣམས། །ཆོས་རྣམས་དེ་ལྟར་འཚལ་ནས་ནི། །ཆོས་རྣམས་ལ་ཡང་མི་ཆགས་པར། །རྣམ་པར་སྤྱད་དོ་ཐུབ་པ་ཆེ། །ལྷ་མ་ཡིན་གྱི་དབང་པོ་མིག་{བཟངས་ཀྱིས་,བཟང་གིས་}ཇི་ལྟར་བྱས་པ་དེ་
D60.042.0026b01.01བཞིན་དུ་ལྷ་མ་ཡིན་གྱི་དབང་པོ་འཇིག་རྟེན་གསུམ་རྣམ་པར་གནོན་པས་ཀྱང་། བཅོམ་ལྡན་འདས་ལ་མཆོད་པ་བྱས་ནས་རིན་པོ་ཆེ་སྣ་བདུན་གྱི་ཤིང་རྟ་ལ་ཞོན་ཏེ། བཅོམ་ལྡན་འདས་ལ་ལན་གསུམ་སྐོར་བ་བྱེད་ཅིང་བཅོམ་ལྡན་འདས་ལ་མུ་ཏིག་གི་དོ་ཤལ་ཡང་ཕུལ་ནས་ཚིགས་
D60.042.0026b02.01སུ་བཅད་པ་དག་གིས་བཅོམ་ལྡན་འདས་ལ་མངོན་པར་བསྟོད་པ། དགྲ་ཟླ་མ་མཆིས་ཁྱོད་ལ་བདག་བསྟོད་དོ། །ཚུལ་ཁྲིམས་དང་ནི་གཟུགས་དང་ཡེ་ཤེས་སྟོབས། །དེ་ནི་འཇིག་རྟེན་གསུམ་ན་མཚུངས་མ་མཆིས། །དེ་ཕྱིར་ཁྱོད་ནི་དགྲ་ཐུལ་མཚུངས་མ་མཆིས། །ཁྱོད་
D60.042.0026b03.01ཀྱི་གཟུགས་ནི་ཆོས་ཀྱིས་བསྐྱེད་པས་ན། །གཟུགས་ཀྱི་སྟོབས་ཀྱིས་ཁམས་གསུམ་ཟིལ་གྱིས་མནན། །སྦྱིན་པའི་སྟོབས་ཀྱིས་མཚན་ནི་ཕུན་སུམ་ཚོགས། །དཔེ་བྱད་ཕུན་སུམ་ཚོགས་ཤིང་གཟུགས་ཀྱང་དག །ཚུལ་ཁྲིམས་སྟོབས་ཀྱིས་ཁྱོད་ནི་མི་བསྐྱོད་དོ། །སྐྱེ་བོ་
D60.042.0026b04.01མཁས་པས་སོ་སོར་བསམ་མི་ལང་། །ཁྱོད་ནི་ཚུལ་ཁྲིམས་ལྡན་ཞིང་ཐུགས་ཀྱང་དག །མི་ཡི་སེང་གེ་མཛད་པ་ཐམས་ཅད་འབྱོར། །ཤེས་རབ་སྟོབས་ཀྱིས་ཁྱོད་མཚུངས་འགའ་མ་མཆིས། །དེ་ན་མི་བསྙེངས་འཇིག་རྟེན་གསུམ་བཏུལ་ནས། །འཁོར་དུ་སེང་གེ་ལྟ་བུར་སྒྲ་
D60.042.0026b05.01བསྒྲགས་ཏེ། །རྟོག་གེ་ཚོགས་ཀྱི་བློ་གྲོས་ཟིལ་གྱིས་མནན། །ལྷ་མ་ཡིན་གྱི་དབང་པོ་འཇིག་རྟེན་གསུམ་རྣམ་པར་གནོན་གྱིས་ཇི་ལྟར་བྱས་པ་དེ་བཞིན་དུ་ལྷ་མ་ཡིན་གྱི་དབང་པོ་རྣམ་པར་སྣང་བྱེད་ཀྱིས་ཀྱང་། བཅོམ་ལྡན་འདས་ལ་མཆོད་པ་བྱས་ནས་རིན་པོ་ཆེ་སྣ་བདུན་གྱི་ཤིང་རྟ་ལ་
D60.042.0026b06.01ཞོན་ཏེ། བཅོམ་ལྡན་འདས་ལ་ལན་གསུམ་སྐོར་བ་བྱེད་ཅིང་རིན་པོ་ཆེས་སྙིམ་པ་བཀང་སྟེ་གཏོར་ནས་ཚིགས་སུ་བཅད་པ་དག་གིས་བཅོམ་ལྡན་འདས་ལ་མངོན་པར་བསྟོད་པ། ཐུབ་པ་ཆེན་པོ་སྐྱེ་བོའི་ཚོགས་པ་འདི། །དང་བའི་ཡིད་ཀྱིས་ཁྱོད་ཀྱི་ཞལ་དུ་ལྟ། །ཀུན་གྱིས་རྒྱལ་བ་
D60.042.0026b07.01