完整藏文原文 · 德格版页 当前仅加载第 42 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་གང་བར་གྱུར་ཏོ། །མེ་ཏོག་གི་ཤིང་ལྗོན་པ་རྣམས་ལ་ཡང་མེ་ཏོག་ཆགས་པར་གྱུར་ཏོ། །འབྲས་བུའི་ཤིང་ལྗོན་པ་རྣམས་ལ་ཡང་འབྲས་བུ་ཆགས་པར་གྱུར་ཏོ། །མེ་ཏོག་རྒྱས་པའི་ཤིང་རྣམས་ཀྱང་རྟག་ཏུ་མེ་ཏོག་རྒྱས་པར་གྱུར་ཏོ། །འབྲས་བུ་ཆགས་པའི་ཤིང་
D60.042.0157a01.01རྣམས་ཀྱང་རྟག་ཏུ་འབྲས་བུ་ཆགས་པར་གྱུར་ཏོ། །འཁོར་ལོས་སྒྱུར་བའི་རྒྱལ་པོ་དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་འཁོར་ལོ་རིན་པོ་ཆེ་དེའི་ཕྱི་བཞིན་སོང་སྟེ། ས་ཕྱོགས་གང་དུ་འཁོར་ལོ་རིན་པོ་ཆེ་དེ་འདུག་པར་གྱུར་པ་དེར་འཁོར་ལོས་སྒྱུར་བའི་རྒྱལ་པོ་ཡང་དཔུང་གི་
D60.042.0157a02.01ཚོགས་ཡན་ལག་བཞི་པ་དང་ལྷན་ཅིག་ཏུ་འདུག་པར་གྱུར་ཏོ། །དེའི་ཚེ་ཤར་ཕྱོགས་ཀྱི་རྒྱལ་པོའམ། ཁམས་ཀྱི་རྒྱལ་པོའམ། གྲོང་རྡལ་གྱི་མིའམ། ཞིང་པ་དེ་དག་ཐམས་ཅད་གསེར་གྱི་གཞོང་པ་དངུལ་སིལ་མས་བཀང་བ་དང་། དངུལ་གྱི་གཞོང་པ་གསེར་ཕྱེས་བཀང་བ་དག་ཐོག་ཏེ།
D60.042.0157a03.01འཁོར་ལོས་སྒྱུར་བའི་རྒྱལ་པོ་དེ་བསུ་ཞིང་ལྷ་ཚུར་གཤེགས། ལྷ་གཤེགས་པ་ལེགས་སོ། །ལྷའི་ཆགས་འོག་ཏུ་མངའ་བ་འདི་དག་ནི་འབྱོར་ཅིང་རྒྱས་ལ་ལོ་ལེགས་ཤིང་སྐྱེ་བོ་མང་པོ་དང་མིས་གང་བ་སྟེ། འདི་དག་དང་བདག་ཅག་ལ་ལྷ་མངའ་མཛད་དུ་གསོལ། དེ་སྐད་ཅེས་སྨྲས་པ་དང་། འཁོར་
D60.042.0157a04.01ལོས་སྒྱུར་བའི་རྒྱལ་པོ་དེས་དེ་དག་ལ་འདི་སྐད་ཅེས་སྨྲས་སོ། །ང་ལ་ལོངས་སྤྱོད་འདི་དག་མི་དགོས་ཀྱིས། འདི་དག་ཁྱེད་ཀྱི་ལོངས་སྤྱོད་དུ་གྱུར་ཏེ་ཉེ་བར་འཚོ་བར་གྱིས་ཤིག །ཁྱེད་འདི་ལྟར་ངའི་རྗེས་སུ་འབྲང་བར་གྱིས་ཤིག །གལ་ཏེ་ཁྱེད་ཀྱིས་སྲོག་གཅོད་པ་སྤངས་ཏེ། མ་བྱིན་པར་
D60.042.0157a05.01ལེན་པ་སྤངས་ཤིང་ལོག་པར་ལྟ་བའི་བར་དུ་སྤངས་ན་ང་ཡང་བདག་གིས་ནི་ཡུལ་འདི་དག་ལས་རྒྱལ་ཏེ། མི་གང་དག་མར་འཛིན་པ་དང་། ཕར་འཛིན་པ་དང་། དགེ་སྦྱོང་དུ་འཛིན་པ་དང་། བྲམ་ཟེར་འཛིན་པ་དང་། རིགས་ཀྱི་གཙོ་བོ་ལ་རིམ་གྲོ་བྱེད་པ་དེ་དག་ནི་ངའི་རྗེས་སུ་འབྲང་བ་ཡིན་ནོ་སྙམ་
D60.042.0157a06.01དུ་སེམས་སོ། །ད་ཕན་ཆད་ཁྱེད་ཡུལ་འཁོར་དུ་ཆོས་མ་ཡིན་པའི་སྤྱོད་པ་དང་། མི་རིག་པའི་སྤྱོད་པ་འདོད་པར་མ་བྱེད་ཅིག །དེ་ལྟར་བྱས་ན་ང་ཡང་ཡུལ་འདི་རྣམས་ལས་རྒྱལ་ཞིང་མི་དེ་དག་ཀྱང་ངའི་རྗེས་སུ་འབྲང་བ་ཡིན་པར་སེམས་སོ། །དེ་དག་གིས་དེ་ལ་ལེགས་སོ་ཞེས་ནས་དེ་བཞིན་དུ་ནན་ཏན་
D60.042.0157a07.01