完整藏文原文 · 德格版页 当前仅加载第 42 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཡིད་ཀྱང་བཏང་། །རྣལ་འབྱོར་སྟོབས་ཀྱིས་ཕུང་པོ་རྣམ་བཤིག་ཅིང་། །ཀུན་རྫོབ་ཙམ་དུ་རིག་ནས་མི་ཆགས་ཏེ། །སྲིད་པ་ཀུན་ཏུ་ཆུ་ལ་པད་མོ་བཞིན། །བྱང་ཆུབ་མཆོག་ཏུ་དེ་དག་ཡིད་ཀྱང་བཏང་། །དེ་དག་སྲིད་པ་གང་དུ་ཆགས་འགྱུར་བ། །སྟོང་པར་བཤིག་སྟེ་ཐམས་ཅད་
D60.042.0048b01.01ལེགས་རྟོགས་པ། །དེ་ཉིད་རྒྱལ་བའི་བླ་མེད་བྱང་ཆུབ་སྟེ། །བྱང་ཆུབ་ཕྱིར་ནི་དབེན་པའི་བརྟུལ་ཞུགས་ཤེས། །སྐྱེ་དང་རྒ་ཤི་ཡོང་གིས་སྟོང་པ་སྟེ། །དེ་ནི་རྒྱལ་བའི་བླ་མེད་བྱང་ཆུབ་ཡིན། །དངོས་པོའི་རང་བཞིན་སྟོང་པར་ཤེས་གྱུར་ནས། །ཞི་བ་བླ་མེད་བྱང་ཆུབ་འཐོབ་པར་
D60.042.0048b02.01འགྱུར། །ཕུང་པོའི་རང་བཞིན་དབེན་ཞིང་སྟོང་པ་ཉིད། །བྱང་ཆུབ་རང་བཞིན་དབེན་ཞིང་སྟོང་པ་ཉིད། །གང་སྤྱོད་དེ་ཡང་རང་བཞིན་སྟོང་པ་སྟེ། །ཡེ་ཤེས་ལྡན་པས་ཤེས་ཀྱི་བྱིས་པས་མིན། །ཡེ་ཤེས་རང་བཞིན་སྟོང་པར་རིག་གྱུར་ཏེ། །ཤེས་བྱའི་རང་བཞིན་སྟོང་པར་
D60.042.0048b03.01རིག་གྱུར་ནས། །ཤེས་པ་པོ་དང་འདྲ་བར་རྟོགས་གྱུར་ན། །བྱང་ཆུབ་ལམ་ལ་དེ་དག་སྤྱོད་ཅེས་བྱ། །སྟོང་པའི་རང་བཞིན་སྟོང་པར་ཤེས་པར་བྱ། །མཚན་མ་མེད་པའང་རང་བཞིན་ཉིད་ཀྱིས་སྟོན། །སྨོན་པ་མེད་པའང་རང་བཞིན་སྟོང་པ་སྟེ། །དེ་ལྟར་སྤྱོད་ན་གཞན་མིན་
D60.042.0048b04.01སྤྱོད་པ་ཡིན། །དེ་ཐོས་ལྷ་དང་བཅས་པའི་འཇིག་རྟེན་རྣམས། །དགའ་ཞིང་དེ་དག་སྟོབས་དང་ལྡན་པར་གྱུར། །རང་བྱུང་ཆོས་ལ་དེ་དག་ཡིད་ཆེས་ཏེ། །ཞི་བའི་གནས་ཤེས་བྱང་ཆུབ་ཡིད་ལྡན་གྱུར། །གནོད་སྦྱིན་ཚོགས་རྣམས་དེང་མོས་ཡིད་གྱུར་ཏེ། །འདི་ལྟར་ང་ལ་མཆོད་
D60.042.0048b05.01པ་རབ་བྱས་པས། །གནོད་སྦྱིན་རྒྱུད་ནས་ཤི་འཕོས་བློ་ཆེན་རྣམས། །མཐོ་རིས་དོང་ཞིང་ཡུན་རིང་དགའ་བར་འགྱུར། །དེ་དག་མ་འོངས་དུས་ན་རྫུ་འཕྲུལ་གྱིས། །ཞིང་དུ་དོང་ཞིང་སྐད་ཅིག་གཅིག་ལ་ཡང་། །བློ་ཆེན་དེ་དག་རྒྱལ་བ་བྱེ་བ་མཆོད། །དེ་དག་བཟོད་མཁྱེན་རྒྱལ་
D60.042.0048b06.01བ་གདམས་ངག་སྟོན། །དེ་དག་འཇིག་རྟེན་ཕྱོགས་བཅུར་རྫུ་འཕྲུལ་གྱིས། །མཚན་མ་མེད་པར་སྤྱོད་ཅིང་འདོང་འགྱུར་ཏེ། །འཇིག་རྟེན་འདི་དག་སྤྲུལ་པ་འདྲར་ཤེས་ནས། །འཇིག་རྟེན་ཆགས་མེད་མཁས་པ་སྤྱད་པ་སྤྱོད། །དེ་ལྟར་བརྟེན་པས་རྒྱལ་བ་རབ་མཆོད་ནས། །བྱང་ཆུབ་བླ་མེད་
D60.042.0048b07.01