完整藏文原文 · 德格版页 当前仅加载第 42 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
ང་ལས་ནུ་ཞེས་བྱ་བ་བྱུང་། །དེ་ནི་ཁྱོགས་དཔུང་བཞོན་དང་བཅས། །གཡོག་བཅས་མཐོ་རིས་འཇིག་རྟེན་བཞུད། །མི་དབང་གཙོ་བོ་ལྷ་གནས་བཞུགས། །ཆོས་ཀྱིས་ས་ཡང་སྐྱོང་ཞེས་ཐོས། །དེ་སྨྲས་མི་ཡི་བདག་པོ་དེ། །མི་རྟག་ཉེན་ཏེ་ཕོངས་པར་གྱུར། །བདེ་བ་སྟོར་ཏེ་
D60.042.0162a01.01སྡུག་བསྔལ་ཐོབ། །རྒྱལ་པོ་དེ་ནི་ཁོ་བོ་ཡིན། །དེ་སྨྲས་སྐྱེ་བོ་ཐམས་ཅད་ཀྱིས། །ཐལ་མོ་སྦྱར་ཏེ་རྐང་བར་གཏུགས། །རྒྱལ་པོ་བདག་ཅག་ཅི་བརྗོད་པ། །ཡ་མཚན་ངོ་མཚར་བཀའ་སྩལ་གསོལ། །དེ་སྨྲས་རྒྱལ་པོ་ལྷ་ལས་ཉམས། །སྡུག་བསྔལ་རྙེད་པའི་ངོ་མཚར་ཉོན། །ཡུན་
D60.042.0162a02.01རིང་བདེ་བར་འདོད་པ་ཡི། །མིས་ནི་རྟག་ཏུ་བག་ཡོད་བྱ། །ང་ལས་ནུ་བ་རྒྱལ་པོའི་མཆོག །རྒྱལ་པོས་གླིང་བཞི་རབ་བསྟེན་ནས། །འདོད་པའི་ལོངས་སྤྱོད་མཆོག་ལྡན་ཏེ། །འདོད་པས་མ་ངོམས་དེ་འདས་སོ། །དེ་ཡི་ཁྱིམ་དུ་ཞག་བདུན་དུ། །དབྱིག་གི་དྲ་བའི་ཆར་པ་བབ། །གླིང་བཞི་པ་
D60.042.0162a03.01ལ་རབ་བསྟན་ནས། །འདོད་པས་མ་ངོམས་དེ་བྱིང་ངོ་། །ལྷ་ཡི་དབང་པོ་བརྒྱ་བྱིན་གྱི། །སྟན་ཕྱེད་ལ་ནི་རྒྱལ་པོ་འདུག །ཀུན་ཏུ་རྟོག་པའི་རྟོག་པས་བརླག །བདག་འདོད་ང་རྒྱལ་བཅོམ་ནས་རྒུད། །མི་མཁས་འཁོར་བའི་རྒྱ་མཚོ་འདིར། །འགྲོ་བ་དག་ཏུ་ཡང་ནུབ་སྟེ། །འདོད་པ་རབ་ཏུ་
D60.042.0162a04.01བསྟེན་བྱས་ན། །རྒྱལ་བས་བསྔགས་པའི་ངོམས་མི་རྙེད། །རྨི་ལམ་རྨིས་པའི་ཆུ་ལྟ་བུར། །འཐུངས་ཀྱང་ངོམས་པར་མི་འགྱུར་བ། །དེ་ལྟར་འདོད་པའི་ལོངས་སྤྱོད་རྣམས། །བསྟེན་ན་ངོམས་པར་མི་འགྱུར་རོ། །བློ་གྲོས་ལྡན་པ་གང་དག་གིས། །ཤེས་པས་མུན་པ་རྣམ་བསལ་
D60.042.0162a05.01ཏེ། །ངོམས་པར་བྱ་ཕྱིར་བཅོམ་ལྡན་གྱི། །འཕགས་པའི་ཤེས་རབ་ཡང་དག་རྟོག །སྲིད་པ་རྣམ་བཤིག་བློ་གྲོས་ཅན། །རྒ་དང་ཤི་དང་སྐྱེ་ལ་རྟོག །སྲེད་པ་རབ་ཏུ་སྤངས་ནས་སུ། །སྲིད་པ་སྤངས་ཏེ་ལེན་མི་བྱེད། །ཚོར་བའི་རྣམ་པ་མེ་འདྲར་རིག །རེག་པའང་མེ་འདྲར་རིག་ནས་ནི། །
D60.042.0162a06.01ཚོར་བ་འཕགས་པ་མ་ཡིན་དང་། །རེག་པ་དེ་ལ་སྲེད་མི་བྱེད། །རོལ་མོའི་སིལ་སྙན་བརྡུངས་པ་ལྟར། །ཡུལ་དང་དབང་པོ་མི་བྱེད་དེ། །རྒྱལ་བསྟན་བྱེད་པ་དབང་པོ་རྟོགས། །རང་བཞིན་མཐོང་བ་དབང་པོ་འདོར། །སྐྱེ་མཆེད་དྲུག་པོ་ཡོད་མིན་ཡང་། །གཟུགས་དང་འབྲེལ་པར་
D60.042.0162a07.01