完整藏文原文 · 德格版页 当前仅加载第 42 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཅིའི་སླད་དུ་ཞེ་ན། གང་སྤོང་བར་མི་བགྱིད་པ་དེ་ནི་ལམ་མ་ལགས་ཏེ། ལམ་གྱི་འབྲས་བུ་ནི་འགོག་པ་མ་ལགས་ལ། གང་སྤང་བའི་འགོག་པའི་ཉོན་མོངས་པ་དེ་ནི་མི་དམིགས་ཏེ། འགོག་པ་དམིགས་སུ་མ་མཆིས་ན་ལམ་དུ་འཐད་པ་མ་ལགས་ཏེ། འབྲས་བུ་མ་མཆིས་པའི་ལམ་ཡང་མ་མཆིས་པས་དེ་ལྟར་ན་
D60.042.0088b01.01འཕགས་པའི་བདེན་པ་བཞི་པོ་དེ་དག་ནི་བརྟགས་པ་རྣམ་པར་བསྒྲུབས་པ་སྟེ། གང་བརྟགས་ཤིང་རྣམ་པར་བསྒྲུབས་པ་དེ་ནི་མ་མཆིས་པའོ། །གང་མ་མཆིས་པ་དེ་ལ་ནི་འདས་པ་ཞེས་ཐ་སྙད་དུ་བགྱི་བ་མ་མཆིས་སོ། །མ་འོངས་པ་དང་། ད་ལྟར་བྱུང་བ་ཞེས་ཐ་སྙད་དུ་བགྱི་བ་མ་མཆིས་སོ། །གང་
D60.042.0088b02.01དུས་གསུམ་དུ་མི་དམིགས་པ་དེ་ནི་མ་སྐྱེས་པ་མ་འགགས་པ། མཚན་ཉིད་མ་མཆིས་པ་མཚན་མ་མ་མཆིས་པ། མ་བཏགས་པ་གདགས་པར་མི་བགྱི་བ། མ་བསྟན་པ། རབ་ཏུ་མ་བསྟན་པ། བསྟན་པར་བགྱི་བ་མ་ལགས་པ། རབ་ཏུ་བསྟན་པར་བགྱི་བ་མ་ལགས་པ། མ་བརྗོད་པ། བརྗོད་པར་བགྱི་བ་མ་ལགས་
D60.042.0088b03.01པ། མངོན་པར་མ་བརྗོད་པ། མངོན་པར་བརྗོད་པར་བགྱི་བ་མ་ལགས་པ། མ་མཐོང་བ། མཐོང་བར་བགྱི་བ་མ་ལགས་པ། མ་ཤེས་པ། ཤེས་པར་བགྱི་བ་མ་ལགས་པ། ཁོང་དུ་མ་ཆུད་པ། ཁོང་དུ་ཆུད་པར་བགྱི་བ་མ་ལགས་པ། མ་རྟོགས་པ། རྟོགས་པར་བགྱི་བ་མ་ལགས་པ། མ་རྙེད་པ། རྙེད་པར་བགྱི་
D60.042.0088b04.01བ་མ་ལགས་པ། མ་ཐོབ་པ། ཐོབ་པར་བགྱི་བ་མ་ལགས་པ། མ་ཐོས་པ། ཐོས་པར་བགྱི་བ་མ་ལགས་པ། མ་མཐོང་བ། མཐོང་བར་བགྱི་བ་མ་ལགས་པ། མ་བསྒྲུབས་པ། བསྒྲུབ་པར་བགྱི་བ་མ་ལགས་པ། མངོན་དུ་མ་བགྱིས་པ། མངོན་དུ་བགྱི་བ་མ་ལགས་པ། དཀར་པོ་མ་ལགས་པ། ནག་པོ་མ་
D60.042.0088b05.01ལགས་པ། སྣང་བ་མ་ལགས་པ། མུན་པ་མ་ལགས་པ། འགྲོ་བ་མ་ལགས་པ། འོང་བ་མ་ལགས་པ། གསལ་བ་མ་ལགས་པ། ཟབ་པ་མ་ལགས་པ། འཁྲུགས་པ་མ་ལགས་པ། དང་བ་མ་ལགས་པ། འཇིག་པ་མ་ལགས་པ། བདེ་བ་མ་ལགས་པ། འཆིང་བ་མ་ལགས་པ། གྲོལ་བ་མ་ལགས་པ།
D60.042.0088b06.01རྗེས་སུ་ཆགས་པ་མ་ལགས་པ། ཁོང་ཁྲོ་བ་མ་ལགས་པ། ཀུན་ནས་ཉོན་མོངས་པ་མ་ལགས་པ། རྣམ་པར་བྱང་བ་མ་ལགས་པ། ཡེ་ཤེས་མ་ལགས་པ། རྣམ་པར་ཤེས་པ་མ་ལགས་པ། ལམ་མ་ལགས་པ། ལམ་གོལ་བ་མ་ལགས་པ། འཇིག་པ་མ་ལགས་པ། རྣམ་པར་འཇིག་པ་མ་ལགས་པ།
D60.042.0088b07.01