完整藏文原文 · 德格版页 当前仅加载第 42 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བ་བགྱིས། །གནོད་པ་མི་བཟད་བགྱིས་པ་དག །གཞན་དང་གཞན་ཡང་ཁྱོད་ཀྱིས་གཟིགས། །ལྷའི་བུ་སྔོན་གྱི་སྤྱོད་པས་ཡང་དག་པར་བྱུང་བས་གསོལ་པ། ཐམས་ཅད་མཁྱེན་པ་འགྲོ་རྟོགས་པ། །ཁྱོད་ཀྱི་ཡེ་ཤེས་འདས་དུས་ཀྱི། །ལས་དང་བསམ་
D60.042.0117a01.01གཏན་སྙོམས་འཇུག་དང་། །འགྲོ་བ་རྣམས་ལ་ཐོགས་མ་མཆིས། །ལྷའི་བུ་ཕྱི་མའི་མཐའ་ལ་མཁས་པས་གསོལ་པ། འདྲེན་པ་ཁྱོད་ཀྱི་མཁྱེན་པ་ནི། །མ་འོངས་དུས་ཀྱི་འཆི་འཕོ་དང་། །སྐྱེ་དང་ལས་ཀྱི་རྣམ་སྨིན་ལ། །ཐོགས་པར་འགྱུར་བ་མ་མཆིས་སོ། །ལྷའི་བུ་མ་འོངས་པའི་སྤྱོད་
D60.042.0117a02.01ཡུལ་གྱིས་གསོལ་པ། བརྟེན་པ་འགྲོ་བ་མཁས་ཁྱོད་ཀྱི། །མཁྱེན་པ་ཕྱི་དུས་སེམས་ཅན་གྱི། །བསམ་དང་ལས་ཀྱི་འབྲས་བུ་དང་། །འགྲོ་བ་རྣམས་ལ་ཐོགས་མ་མཆིས། །ལྷའི་བུ་སྲིད་པ་ལས་བསྐྱོད་ཀྱིས་གསོལ་པ། ཁམས་རྣམས་གསུམ་པོ་འདི་དག་དང་། །དུས་གསུམ་ཀུན་ལ་
D60.042.0117a03.01མཁས་ཁྱོད་ཀྱི། །ཡེ་ཤེས་མཆོག་ནི་མི་ཆགས་ཏེ། །སྲིད་པའི་སྤྱོད་ཡུལ་ཁྱོད་ཀྱིས་མཁྱེན། །ལྷའི་བུ་ཐ་སྙད་ལ་སྤྱོད་པས་གསོལ་པ། ལས་དང་སེམས་ཅན་འགྲོ་བ་དང་། །རྣམ་པར་སྨིན་པ་མྱོང་བ་དག །དེ་དག་ཐམས་ཅད་མིང་ཙམ་དུ། །རྐང་གཉིས་དམ་པ་བསྟན་པ་མཛད། །ལྷའི་བུ་ད་ལྟར་བྱུང་བ་ལ་
D60.042.0117a04.01ཡང་དག་པར་རྟོག་པས་གསོལ་པ། དཔའ་བོ་ཁྱོད་ཀྱི་མཁྱེན་པ་ནི། །ད་ལྟར་བྱུང་ལ་ཐོགས་མ་མཆིས། །གྲངས་མེད་སངས་རྒྱས་ཞིང་རྣམས་ནི། །འཇིག་རྟེན་མགོན་པོས་རབ་ཏུ་མཁྱེན། །ལྷའི་བུ་ད་ལྟར་བྱུང་བ་ལ་རྣམ་པར་དཔྱོད་པས་གསོལ་པ། མི་ཡི་དབང་པོས་རྣམ་དཔྱད་ནས། །བྱིས་པའི་བློ་གྲོས་
D60.042.0117a05.01རྨོངས་བགྱིད་པ། །དུས་གསུམ་དངོས་པོ་མ་མཆིས་པར། །ངེས་པར་མཉམ་པ་ཉིད་དུ་གཟིགས། །ལྷའི་བུ་མི་གནས་པའི་བློ་གྲོས་ཀྱིས་གསོལ་པ། དུས་གསུམ་གནས་པ་མ་མཆིས་ཤིང་། །ངོ་བོ་ཉིད་ལ་མི་གནས་ཏེ། །དངོས་པོ་ཐམས་ཅད་དངོས་མེད་པར། །རྣམ་པར་འདྲེན་པ་ཁྱོད་ཀྱིས་གཟིགས། །
D60.042.0117a06.01ལྷའི་བུ་དུས་གསུམ་མངོན་པར་བསྐུལ་བས་གསོལ་པ། འདས་པ་དག་དང་མ་འོངས་དང་། །ད་ལྟར་བྱུང་བའི་ཕུང་པོ་རྣམས། །མ་མཆིས་དངོས་པོ་མ་མཆིས་པར། །སྐྱེས་བུ་དམ་པས་བསྟན་པ་མཛད། །ལྷའི་བུ་ཆགས་མེད་ཡིད་ཀྱིས་གསོལ་པ། དུས་གསུམ་སེམས་ཅན་ཐམས་ཅད་ལ། །སྙིང་པོ་མཆིས་པར་
D60.042.0117a07.01