完整藏文原文 · 德格版页 当前仅加载第 42 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་མཆོག་དང་ལྡན་པ་དག །འདུས་པ་བརྒྱད་ཅུ་འབྱུང་བར་འགྱུར། །སྒྲིབ་མེད་གཟིགས་པ་དེ་དག་གི །མི་རྣམས་དེ་ཡི་དུས་ཀྱི་ཚེ། །ལོ་གྲངས་བྱེ་བ་བརྒྱད་ཅུ་ཐམ། །སྲོག་གི་དབང་པོ་གནས་པར་འགྱུར། །ཤེས་རབ་མཐའ་ཡས་དེ་དག་གི །ཉན་ཐོས་འདོད་ཆགས་བྲལ་བ་
D60.042.0057b01.01རྣམས། །ལུས་ཀྱི་ཐ་མ་འཛིན་པ་དག །བྱེ་བ་ཚད་མེད་འབྱུང་བར་འགྱུར། །སེམས་ཅན་རྣམས་ལ་ཐུགས་བརྩེ་བའི། །འཇིག་རྟེན་མགོན་པོ་དཔལ་ལྡན་རྣམས། །མྱ་ངན་འདས་པའི་རིང་བསྲེལ་ཡང་། །ཤིན་ཏུ་རྒྱ་ཆེར་འབྱུང་བར་འགྱུར། །མི་དབང་མྱ་ངན་འདས་གྱུར་
D60.042.0057b02.01ནས། །རྣམ་པར་འདྲེན་པ་དཔལ་ལྡན་པ། །རྒྱལ་བའི་མཆོད་རྟེན་རྣམས་ཀྱིས་ནི། །སངས་རྒྱས་ཞིང་རྣམས་ལེགས་བརྒྱན་འགྱུར། །འཇིག་རྟེན་མགོན་པོ་སྐྱོབ་རྣམས་ཀྱི། །མཆོད་རྟེན་དེ་དག་ཐམས་ཅད་ལ། །སྲོག་ཆགས་བརྒྱ་དང་སྟོང་རྣམས་དང་། །ཁྲག་ཁྲིག་
D60.042.0057b03.01རྣམས་ཀྱིས་མཆོད་བྱས་ནས། །བྱང་ཆུབ་མཆོག་ཏུ་སེམས་བསྐྱེད་དེ། །མྱ་ངན་འདས་པ་ཐོབ་པར་འགྱུར། །རང་བྱུང་མྱ་ངན་འདས་ནས་ཀྱང་། །དེ་དག་དམ་ཆོས་གནས་འགྱུར་བ། །ལོ་གྲངས་བྱེ་བ་ཁྲག་ཁྲིག་ཕྲག །བརྒྱད་ཅུ་ཚང་བར་གནས་པར་འགྱུར། །ཆོས་ཀྱི་
D60.042.0057b04.01རྒྱལ་པོའི་སྲས་རྣམས་ཀྱིས། །བཟུང་ཞིང་ཡོངས་སུ་བསྲུངས་པར་གནས། །འཇིག་རྟེན་ཐུགས་བརྩེ་མཛད་པ་དང་། །ཤཱཀྱ་ཡོངས་སུ་སྨིན་མཛད་ཕྱིར། །རྒྱལ་ཆེན་བཞི་ཡི་རིས་རྣམས་ལ། །འཇིག་རྟེན་སྒྲོན་མས་ལུང་བསྟན་མཛད། །དེ་ཐོས་ནས་ནི་སྐྱེ་བོ་ཀུན། །ཀུན་ཏུ་དགའ་
D60.042.0057b05.01ཞིང་རབ་དགའ་སྟེ། །སེམས་མགུ་ཡིད་ཀྱང་རངས་གྱུར་ནས། །སྟོན་པ་ལ་ནི་མངོན་པར་བསྟོད། །རྒྱལ་ཆེན་བཞིའི་རིས་ལུང་བསྟན་པའི་ལེའུ་སྟེ་བཅུ་བཞི་པའོ།། །།བམ་པོ་དྲུག་པ། དེ་ནས་ལྷའི་དབང་པོ་བརྒྱ་བྱིན་ལ་སོགས་པ་སུམ་ཅུ་རྩ་གསུམ་རིས་ཀྱི་
D60.042.0057b06.01ལྷ་བྱེ་བ་ཕྲག་བརྒྱད་ཅུས་ལྷ་མ་ཡིན་དག་དང་། ནམ་མཁའ་ལྡིང་དང་། ཀླུའི་བུ་མོ་དག་དང་། ཀླུ་དག་དང་། གྲུལ་བུམ་དག་དང་། དྲི་ཟ་དག་དང་། གནོད་སྦྱིན་དག་དང་། མིའམ་ཅི་དག་དང་། ཕྲེང་ལྡན་གླང་པོ་ཅན་དག་དང་། རྒྱལ་ཆེན་བཞིའི་རིས་ཀྱི་ལྷ་དག་གི་མཆོད་པ་ཡང་མཐོང་།
D60.042.0057b07.01