完整藏文原文 · 德格版页 当前仅加载第 42 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
གང་གིས་དེ་ལ་དུས་གསུམ་མཉམ་པ་ཉིད་དང་། གང་འདི་མཚན་ཉིད་མེད་པར་མཚན་ཉིད་གཅིག་པ་མངོན་དུ་འགྱུར་བ་དང་། དེ་བསྒོམས་པས་མྱུར་དུ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་བའི་དགེ་བའི་བཤེས་གཉེན་ལ་བསྟེན་པར་བྱ། ཡོན་ཏན་ལ་བསྟེན་པར་བྱའོ།། །།
D60.042.0125a01.01བམ་པོ་བཅུ་གཉིས་པ། ཀུན་ཏུ་རྒྱུ་དག་དེ་ལ་ལྷ་མ་ཡིན་ལས་ཤི་འཕོས་པའི་གང་ཟག་གིས་ནི་དགེ་བའི་བཤེས་གཉེན་ལ་བསྟེན་ཏེ། ཉོན་མོངས་པའི་བདུད་དང་འཐབ་པར་བྱའོ། །འདི་ལྟ་སྟེ། ང་རྒྱལ་ཞེས་བྱ་བའི་ཆོས་དེ་ནི་གང་ཞིག །དེ་ནི་ཅི་ཞིག་གིས་ཡོངས་སུ་བཟུང་། དེ་ནི་སུ་ལ་
D60.042.0125a02.01ཀུན་ནས་ལངས། སུ་ཞིག་དེ་སྤོང་བར་བྱེད་ཅེས་ཡང་དག་པར་བཙལ་ན་ང་རྒྱལ་དེ་མི་དམིགས་སོ། །གང་གིས་དེ་ཡོངས་སུ་བཟུང་བ་དང་། གང་ལ་དེ་ཀུན་ནས་ལངས་པ་དང་། གང་དེ་སྤང་བའི་ཕྱིར་རྩོལ་བ་དེ་ཡང་མི་དམིགས་ཏེ། དེ་ནི་ཡང་དག་པ་མ་ཡིན་པར་ཡོངས་སུ་བཟུང་བས་བདག་
D60.042.0125a03.01དང་འཇིག་རྟེན་བསླུས་པར་ཡང་དག་པར་རྗེས་སུ་མཐོང་ངོ་། །དེས་ཆོས་ཐམས་ཅད་རང་བཞིན་མེད་པར་ཡང་དག་པར་རྗེས་སུ་མཐོང་ཞིང་ཆོས་གང་ལ་རང་བཞིན་མེད་པ་དེ་ནི་དངོས་པོ་མེད་པའོ་ཞེས་བྱ་བར་རབ་ཏུ་ཤེས་སོ། །དངོས་པོ་མེད་པས་ཡོངས་སུ་མ་གྲུབ་བོ་ཞེས་བྱ་བར་རབ་ཏུ་ཤེས་སོ། །ཡོངས་སུ་མ་གྲུབ་
D60.042.0125a04.01པས་མི་སྐྱེ་བ་སྟེ། གང་མི་སྐྱེ་བ་དེ་ནི་མི་འགག་གོ །གང་མི་སྐྱེ་མི་འགག་པ་དེ་ནི་གདགས་སུ་མེད་པའོ་ཞེས་བྱ་བར་རབ་ཏུ་ཤེས་སོ། །གང་གདགས་སུ་མེད་པ་དེ་ནི་འདས་པ་ཡང་མ་ཡིན། མ་འོངས་པ་ཡང་མ་ཡིན། ད་ལྟར་བྱུང་བ་ཡང་མ་ཡིན་ནོ། །གང་དུས་གསུམ་དུ་མི་དམིགས་
D60.042.0125a05.01པ་དེ་ནི་ཐོབ་པ་ཡང་མ་ཡིན། ཆུད་ཟོས་པ་ཡང་མ་ཡིན་ནོ་ཞེས་བྱ་བར་རབ་ཏུ་ཤེས་སོ། །ཀུན་ཏུ་རྒྱུ་དག་དེ་ལྟར་ན་དེ་ནི་ཆོས་ཐམས་ཅད་ཀྱི་ཆོས་ཉིད་དོ། །ཆོས་ཉིད་གང་གིས་ཆོས་ཐམས་ཅད་དེ་བཞིན་ཉིད་མ་ནོར་བ་དེ་བཞིན་ཉིད། གཞན་མ་ཡིན་པ་དེ་བཞིན་ཉིད་དེ །དེ་བཞིན་
D60.042.0125a06.01གཤེགས་པ་ཡང་དེ་བཞིན་ཉིད། མ་ནོར་བ་དེ་བཞིན་ཉིད། གཞན་མ་ཡིན་པ་དེ་བཞིན་ཉིད་པས་དེའི་ཕྱིར་ཆོས་ཐམས་ཅད་ནི་དེ་བཞིན་གཤེགས་པའོ། །ཀུན་ཏུ་རྒྱུ་དག་ངས་ནི་སྔོན་ཆད་དང་ད་ལྟར་ཡང་འཇིག་རྟེན་བཏགས་པ་ནི་ང་རྒྱལ་གྱི་རང་བཞིན་ནོ་ཞེས་བཤད་དོ། །ང་རྒྱལ་གྱིས་
D60.042.0125a07.01