完整藏文原文 · 德格版页 当前仅加载第 42 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ལྟ་བུར། །བདག་ཅག་འདྲེན་པ་སྟོབས་བཅུ་ལྡན་པ་དང་། །མ་འདྲེས་བཅོ་བརྒྱད་ཆོས་ཀྱི་མཐར་ཕྱིན་ཅིང་། །འཇིག་རྟེན་མཁས་པ་ཐམས་ཅད་མཁྱེན་དུ་ཤོག །བདག་ཅག་ཀུན་ཀྱང་འགྲོ་བ་དངོས་མེད་དང་། །རྨི་འདྲ་སྒྱུ་འདྲ་གནས་པ་མེད་པ་དང་། །བྲག་ཅ་ནམ་མཁའ་འདྲ་བར་སྟོན་བྱེད་ཅིང་། །
D60.042.0035a01.01ཇི་ལྟར་རྣམ་འདྲེན་ཁྱོད་སྟོན་བཞིན་དུ་ཤོག །དེ་ནས་བཅོམ་ལྡན་འདས་ཀྱིས་བྱའི་རྒྱལ་པོ་འདབ་{བཟངས་,བཟང་}དེ་དག་གི་ལྷག་པའི་བསམ་པ་མཁྱེན་ནས་འཛུམ་པ་མཛད་དོ། །དེ་ནས་ཚེ་དང་ལྡན་པ་རྟ་ཐུལ་གྱིས་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། རྒྱལ་བ་རྣམ་འདྲེན་གཙོ་བོ་སངས་རྒྱས་རྣམས། །
D60.042.0035a02.01རྒྱུ་མ་མཆིས་པར་བཞད་པ་མི་མཛད་ན། །འཛུམ་མཛད་འདི་ལ་རྒྱུ་རྐྱེན་གང་ལགས་པ། །འཇིག་རྟེན་ཕན་མཛད་ཐུགས་རྗེ་མངའ་བས་གསུངས། །འདབ་{བཟངས་,བཟང་}རྣམས་ཀྱིས་རྒྱལ་བ་མཆོད་བགྱིས་ཏེ། །བླ་རེ་ནམ་མཁའ་རྒྱས་པར་གང་བ་བསྟན། །ལྷར་བཅས་འཇིག་རྟེན་འདི་ལ་ངོ་མཚར་སྐྱེད། །རྐང་གཉིས་
D60.042.0035a03.01དམ་པས་དེ་དག་ལུང་བསྟན་གསོལ། །འགྲོ་བ་ཐམས་ཅད་ཐལ་མོ་རབ་སྦྱར་ཅིང་། །དགའ་བའི་སེམས་དང་མགུ་བའི་སེམས་ཀྱིས་འཁོད། །མཁའ་ལྡིང་འགྲོ་བ་ཅིར་འགྱུར་ཉན་པར་འཚལ། །རྐང་གཉིས་དམ་པས་དེ་དག་ལུང་བསྟན་གསོལ། །མི་མཆོག་ཁྱོད་ལ་ཁོང་དག་མཆི་བ་ནི། །འགྲོ་བ་ཐམས་ཅད་ཐེ་
D60.042.0035a04.01ཚོམ་མེད་འགྱུར་ཞིང་། །ཐེ་ཚོམ་མེད་པས་འཁོར་དུ་འཇིགས་མེད་འགྱུར། །འདིས་ནི་སངས་རྒྱས་མཉེས་པར་བགྱིས་ཤེས་མཆི། །འཁོར་འདིར་འཇིགས་མེད་རབ་ཏུ་དགའ་བར་འགྱུར། །ཡོངས་སུ་སྦྱངས་ཤིང་ཤིན་ཏུ་སྐྱོན་བསལ་ནས། །རྒྱལ་བས་ལུང་བསྟན་དེ་དག་མངོན་དགའ་སྟེ། །སློབ་མ་མཆོག་ལ་བླ་
D60.042.0035a05.01མས་བསྟན་པ་བཞིན། །ཐེ་ཚོམ་འཚལ་བའི་ཐེ་ཚོམ་གཅད་དུ་གསོལ། །རབ་ཏུ་དགའ་མཛད་རྗེས་སུ་སྨོན་པ་མཛོད། །དགའ་བའི་སེམས་ཀྱིས་འཁོར་འདི་འདུས་གྱུར་གྱིས། །རང་བྱུང་མཁའ་ལྡིང་འགྲོ་བ་ཅིར་འགྱུར་གསུངས། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རྟ་ཐུལ་ལ་ཚིགས་སུ་བཅད་དེ་སླར་བཀའ་
D60.042.0035a06.01སྩལ་པ། ཐམས་ཅད་ཟིལ་གནོན་སྟོབས་བཅུ་བརྩོན་འགྲུས་བདེན། །རྒྱལ་བ་དབང་པོ་ཐུབ་པ་དེ་བཞིན་གཤེགས། །འདྲེན་པས་ཡན་ལག་བརྒྱད་ལྡན་གསུང་དབྱངས་ཀྱིས། །འདབ་{བཟངས་,བཟང་}འགྲོ་བ་རྟ་ཐུལ་བཀའ་སྩལ་པ། །རྟ་ཐུལ་ཁྱོད་ཀྱིས་དྲི་བ་ལེགས་པར་དྲིས། །འཇིག་རྟེན་ཕན་ཕྱིར་འཛུམ་གང་ངས་བསྟན་པ། །དེ་ཡི་
D60.042.0035a07.01