完整藏文原文 · 德格版页 当前仅加载第 42 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་འཆི་བའི་དུས་བྱས་པར་གྱུར་ཏོ། །དེ་ཅིའི་ཕྱིར་ཞེ་ན། རྒྱལ་པོ་ཆེན་པོ་དབང་པོ་རྣམས་ནི་མ་ངོམས་ཤིང་ངོམས་པར་མི་རུང་བ། ཡུལ་རྣམས་ནི་ངོམས་པར་མི་བྱེད་པ་སྟེ། དབང་པོ་རྣམས་ནི་མེ་ལོང་དང་འདྲ། ཡུལ་རྣམས་ནི་གཟུགས་བརྙན་དང་འདྲ། དབང་
D60.042.0159a01.01པོ་རྣམས་ནི་བྲག་ཅ་དང་འདྲ། ཡུལ་རྣམས་ནི་སྒྲ་བརྙན་དང་འདྲ། དབང་པོ་རྣམས་ནི་སྒྱུ་མ་དང་འདྲ། ཡུལ་རྣམས་ནི་རྨི་ལམ་དང་འདྲ་བ་ཡིན་གྱིས། རྒྱལ་པོ་ཆེན་པོ་ཁྱོད་དེ་ལ་ཡིད་གཞག་ཅིང་གཞན་གྱི་དྲིང་མི་འཇོག་པར་གྱིས་ཤིག། །།བམ་པོ་{བཅྭ་,བཅོ་}ལྔ་པ་
D60.042.0159a02.01སྟེ་ཐ་མ། རྒྱལ་པོ་ཆེན་པོ་གཞན་ཡང་སྔོན་བྱུང་བ་འདས་པའི་དུས་ན་རྒྱལ་པོ་ང་ལས་ནུ་ཞེས་བྱ་བ་རྫུ་འཕྲུལ་ཆེ་ཞིང་མཐུ་ཆེ་ལ་དབང་ཆེ་བར་གྲགས་པ། རྒྱལ་པོ་གསོ་སྦྱོང་འཕགས་ཀྱི་སྤྱི་བོ་ནས་བྱུང་བ། སྔོན་དགེ་བའི་རྩ་བ་བསགས་པ། སངས་རྒྱས་དཔག་ཏུ་མེད་པ་མཐོང་བ།
D60.042.0159a03.01དགེ་བའི་རྩ་བ་ཡང་དག་པར་བསྒྲུབས་པ། སངས་རྒྱས་བྱེ་བ་ཁྲག་ཁྲིག་མང་པོ་ལ་ཆོས་དཀར་པོ་ཡོངས་སུ་བསྒྲུབས་པ་ཞིག་བྱུང་སྟེ། དེས་གླིང་ཆེན་པོ་བཞིར་དབང་ཕྱུག་ལ་དབང་བྱས་སོ། །དེ་འཛམ་བུའི་གླིང་ན་གནས་པ་དེའི་ཚེ་འདོད་པའི་ཁམས་ཀྱི་སེམས་ཅན་མི་དང་ལྷ་ཇི་སྙེད་ཅིག་འདོད་
D60.042.0159a04.01པ་ལ་སྤྱོད་པར་གྱུར་པ་དེ་དག་གི་ནང་ན་རྒྱལ་པོ་ང་ལས་ནུ་དེ་འདི་ལྟར་འདོད་པ་ལ་ལོངས་སྤྱོད་པས་མཆོག་ཏུ་བརྗོད་དོ། །དེའི་ཚེ་འཛམ་བུའི་གླིང་ནི་འབྱོར་ཅིང་རྒྱས་ལ་བདེ་ཞིང་ལོ་ལེགས་པ་དང་། སྐྱེ་བ་མང་པོ་དང་མིས་གང་བ་དང་། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་།
D60.042.0159a05.01ཡུལ་འཁོར་དང་། རྒྱལ་པོའི་ཕོ་བྲང་འཁོར་ཡང་འདབ་ཉེ་བར་གྱུར་པ། གྲོང་རྣམས་ཀྱང་བྱ་གག་གི་འཕུར་སྟབས་ཀྱིས་སོན་པ་ཙམ་དུ་ཉེ་བར་གྱུར་ཏོ། །འདི་ལྟར་ཆོས་ཀྱིས་གནས་པར་གྱུར་པས་ས་ཆེན་པོ་འདི་ཡང་གསེག་མ་དང་། གྱོ་མོ་མེད་ཅིང་གསེར་དངུལ་མང་པོ་དང་། ཀུན་
D60.042.0159a06.01དགའ་ར་བ་དང་། སྐྱེད་མོས་ཚལ་དང་། རྫིང་བུ་དང་། མཚེའུ་དག་གིས་མཛེས་པར་བྱས་པར་གྱུར་ཏོ། །རྒྱལ་པོ་ང་ལས་ནུའི་རྒྱལ་པོའི་ཕོ་བྲང་འཁོར་ནི་གྲོང་ཁྱེར་མི་ཚུགས་པ་ཞེས་བྱ་བར་གྱུར་ཏེ། ཤར་ནུབ་ཏུ་ཆུར་ནི་དཔག་ཚད་བཅུ་གཉིས། ལྷོ་བྱང་གི་ཞེང་དུ་ནི་དཔག་ཚད་བདུན་ཡོད་པར་
D60.042.0159a07.01