完整藏文原文 · 德格版页 当前仅加载第 42 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
མང་སྙེད། །གྲོལ་བར་བྱེད་འགྱུར་སྟོབས་བཅུ་རྣམས། །གནས་པ་མེད་པའི་ཆོས་ཀྱང་སྟོན། །གྲགས་པ་མ་སྨད་དེ་དག་གི །རིང་བསྲེལ་དག་ཀྱང་རྒྱས་པར་འགྱུར། །དེ་དག་རྣམས་ཀྱི་རིང་བསྲེལ་ལའང་། །རྒྱལ་བའི་སྐུ་མང་འབྱུང་བར་འགྱུར། །གྲགས་པ་མཐའ་
D60.042.0055b01.01ཡས་ལྡན་རྣམས་ཀྱི། །རིང་བསྲེལ་ཆོ་འཕྲུལ་སྐུ་མཐོང་ནས། །སྲོག་ཆགས་བྱེ་བ་ཁྲག་ཁྲིག་མང་། །བྱང་ཆུབ་ཏུ་ནི་སེམས་བསྐྱེད་འགྱུར། །ཕྲེང་ལྡན་གླང་པོ་ཅན་རྣམས་ཀྱི། །ལུང་བསྟན་འདྲེན་པས་བཀའ་སྩལ་པ། །ཐོས་ཤིང་ཤེས་ནས་འཁོར་ཀུན་ཀྱང་། །དེ་ཚེ་
D60.042.0055b02.01སེམས་ནི་རབ་ཏུ་དགའ། །ཕྲེང་ལྡན་གླང་པོ་ཅན་ལུང་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་རྒྱལ་ཆེན་བཞིའི་རིས་ཀྱི་ལྷ་དགུ་ཁྲིས་ལྷ་མ་ཡིན་རྣམས་ནས་ཕྲེང་ལྡན་གླང་པོ་ཅན་གྱི་ལྷའི་བར་དེ་དག་གི་མཆོད་པ་ཡང་མཐོང་། ལུང་བསྟན་པ་
D60.042.0055b03.01ཡང་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ནས་སངས་རྒྱས་ཀྱི་ཆོས་རྣམས་ཐོབ་པར་བྱ་བའི་ཕྱིར་མོས་པ་དྲག་པོ་བསྐྱེད་དེ་འདི་ལྟ་སྟེ། དཔེར་ན་ཁམ་པའི་གྲུ་ལ་ཞོན་པའི་མི་ཞིག་ཆུའི་དབུས་སུ་ཕྱིན་ན་གྲུ་ཆག་ཏུ་འོང་ཞེས་ཚུ་རོལ་
D60.042.0055b04.01ནས་ཕ་རོལ་དུ་འགྲོ་བར་བྱ་བའི་ཕྱིར་མོས་པ་དྲག་པོ་སྐྱེས་པ་དེ་བཞིན་དུ་རྒྱལ་ཆེན་བཞིའི་རིས་ཀྱི་ལྷ་དགུ་ཁྲི་པོ་དེ་དག་ཀྱང་སངས་རྒྱས་ཀྱི་ཆོས་ཀྱི་ཆེ་བ་ཉིད་ལ་དད་པ་སྐྱེས་ནས་སངས་རྒྱས་ཀྱི་ཆོས་རྣམས་ཐོབ་པར་བྱ་བའི་ཕྱིར་མོས་པ་དྲག་པོ་སྐྱེས་པར་གྱུར་ནས་དེ་དག་སངས་རྒྱས་ཀྱི་ཆོས་ཚོལ་
D60.042.0055b05.01ཞིང་བཅོམ་ལྡན་འདས་ལ་མཆོད་པའི་ཕྱིར་བརྩོན་པར་གྱུར་ཏེ། དེ་དག་རྒྱལ་པོ་ཆེན་པོ་བཞི་དང་ལྷན་ཅིག་ཏུ་རིན་པོ་ཆེའི་བླ་རེ་བཀྲ་བ་བལྟ་ན་སྡུག་པ་དགུ་ཁྲི་མངོན་པར་སྤྲུལ་ཏོ། །དེ་དག་ཀྱང་ཕལ་ཆེར་མུ་ཏིག་དམར་པོ་དང་། སྐར་མདོག་དང་། བཻ་དཱུརྱ་དང་། གསེར་དང་།
D60.042.0055b06.01རྡོ་རྗེའི་རང་བཞིན་ཅན་ཤ་སྟག་གོ །ལྷའི་རོལ་མོ་སིལ་སྙན་དགུ་ཁྲི་ཡང་མངོན་པར་སྤྲུལ་ཏེ། དེ་དག་ནོར་བུ་རིན་པོ་ཆེ་སྣ་ཚོགས་ཀྱི་བླ་རེ་དགུ་ཁྲི་པོ་དེ་དག་ཐོགས་ནས་རོལ་མོ་སིལ་སྙན་དགུ་ཁྲི་པོ་དེ་དག་བྱེད་ཅིང་སྟེང་གི་བར་སྣང་ལས་དོང་སྟེ། བཅོམ་ལྡན་འདས་ལ་ལན་གསུམ་
D60.042.0055b07.01