完整藏文原文 · 德格版页 当前仅加载第 42 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་སྙམ་དུ་སེམས། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མའི་མངལ་དུ་ཞུགས་སམ། ཀྱེ་གཽ་ཏ་མ་མ་འཚལ་ཏོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་གཞན་མུ་སྟེགས་ཅན་ཀུན་ཏུ་རྒྱུ་དེ་དག་ལ་འདི་སྐད་ཅེས་བཀའ་
D60.042.0119b01.01སྩལ་ཏོ། །ཀུན་ཏུ་རྒྱུ་དག་ཆོས་འདི་ནི་ཟབ་ཅིང་ཕྲ་སྟེ། མཁས་པ་ཤེས་པ་བློ་དང་ལྡན་པས་རིག་པར་བྱ་བ་ཡིན་ཏེ། བརྟག་ཏུ་མེད་ཅིང་བརྟག་པའི་ཡུལ་མ་ཡིན་ལ། བལྟ་དཀའ་ཞིང་ཤེས་པར་དཀའ་བས་དེ་ནི་ཁྱེད་ཡུན་རིང་པོར་གཞན་དུ་བལྟས་པ། གཞན་དུ་མོས་པ། གཞན་
D60.042.0119b02.01དུ་དད་པ། གཞན་དུ་བརྩོན་པ། གཞན་དུ་ལྟ་བའི་གནས་ལ་གནས་པ་རྣམས་ཀྱིས་ཤེས་པར་མི་ནུས་མོད་ཀྱི། ཀུན་ཏུ་རྒྱུ་དག་འོན་ཀྱང་རིགས་ཀྱི་བུའམ། རིགས་ཀྱི་བུ་མོ་དག་ཚུལ་དང་འདྲ་བའི་དགེ་བའི་བཤེས་གཉེན་ལ་བརྟེན་ནས་ཆོས་ཟབ་མོ་རྣམས་ལ་མིག་སྐྱེ་བར་འགྱུར་ཏེ། ཀུན་ཏུ་རྒྱུ་དག་
D60.042.0119b03.01འདི་ལྟ་སྟེ། དཔེར་ན་མི་མིག་གི་དབང་པོ་ཉམས་པ་ནི་དེའི་ཚུལ་དང་འདྲ་བའི་གསོ་བ་བྱེད་པ་དགེ་བའི་བཤེས་གཉེན་ལ་བརྟེན་ན་ཚེ་འདི་ཉིད་ལ་མིག་ཡོངས་སུ་དག་པར་འགྱུར་ཏེ། མིག་དེས་ཀྱང་ཚེ་འདི་ཉིད་ལ་གཟུགས་རྣམས་མཐོང་བར་འགྱུར་རོ། །ཀུན་ཏུ་རྒྱུ་དག་དེ་བཞིན་དུ་རིགས་ཀྱི་བུའམ། རིགས་
D60.042.0119b04.01ཀྱི་བུ་མོ་ཤེས་རབ་ཀྱི་མིག་ཉམས་པར་གྱུར་པས་ཀྱང་ཚུལ་དང་འདྲ་བའི་དགེ་བའི་བཤེས་གཉེན་ལ་བརྟེན་ན་ཤེས་རབ་ཀྱི་མིག་རྣམ་པར་དག་པར་འགྱུར་ཏེ། དེས་ཀྱང་ཆོས་ཟབ་མོ་རྣམས་མཐོང་བར་འགྱུར་རོ། །ཀུན་ཏུ་རྒྱུ་དག་ཁྱེད་ཀྱང་ཡུན་རིང་པོ་ནས་གཞན་དུ་བལྟས་པ། སྔོན་ལོག་པའི་གདམས་
D60.042.0119b05.01ངག་གིས་བསླུས་པ། ཆོས་མ་ཡིན་པ་ལ་ཆོས་སུ་འདུ་ཤེས་པ། ཐར་པ་མ་ཡིན་པ་ལ་ཐར་པར་འདུ་ཤེས་པ། འབྱུང་བ་མ་ཡིན་པ་ལ་འབྱུང་བར་འདུ་ཤེས་པ། ཆུད་ཟོས་པ་རྣམས་ཀྱིས་ཆུད་གཟན་པ་ཡིན་ཏེ། ཀུན་ཏུ་རྒྱུ་དག་འདི་ལྟ་སྟེ། དཔེར་ན་ལོང་བའི་དམིགས་བུ་ལོང་བས་བྱས་ན།
D60.042.0119b06.01གང་འདི་བཀྲི་བ་དང་། ཁྲིད་པ་དེ་གཉི་ག་ཡང་ཚུལ་མ་ཡིན་པར་སྡུག་བསྔལ་ཐོབ་པར་འགྱུར་བར་ཤེས་པར་བྱའོ། །ཀུན་ཏུ་རྒྱུ་དག་དེ་བཞིན་དུ་དགེ་སློང་ངམ། བྲམ་ཟེ་གང་ལ་ལ་སྟོན་པ་མ་ཡིན་པར་བདག་ཅག་ནི་སྟོན་པ་ཡིན་ནོ་ཞེས་ཁས་འཆེ་བ་དང་། ཡང་དག་པར་རྫོགས་པའི་སངས་རྒྱས་མ་
D60.042.0119b07.01