完整藏文原文 · 德格版页 当前仅加载第 42 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
བས་མཚུངས་མེད་ཀུན་ཏུ་མཐའ་ཡང་ཡས། །བདེ་བར་གཤེགས་པས་འགྲོ་ཀུན་རབ་ཏུ་གཟིགས། །ཆུད་ཟའི་ལམ་རྒྱུད་གང་དུ་འཁྱམས་གྱུར་ཅིང་། །བྱམས་པའི་སྟོབས་ལས་རབ་ཏུ་ཉམས་གྱུར་པ། །དེ་དག་མ་ལུས་ཁྱོད་ཀྱིས་རབ་ཏུ་གཟིགས། །འགྲོ་བ་རྣམས་ནི་ཇི་སྲིད་དུས་གནས་
D60.042.0047b01.01ཤིང་། །ཅི་འདྲའི་སྡུག་བསྔལ་དེ་དག་རེག་འགྱུར་དང་། །ལུས་ཀྱི་རྣམ་པ་ཅི་འདྲ་འཆང་བ་རྣམས། །དེ་དག་འདྲེན་པ་ཁྱོད་ཀྱིས་རབ་ཏུ་གཟིགས། །མི་ཡི་སེང་གེས་ལྟ་བ་ཅི་འདྲ་དང་། །གང་གིས་སྡུག་བསྔལ་རྣམ་པ་འཐོབ་འགྱུར་བར། །གང་ལ་རྟེན་ཅིང་ལས་རྣམས་བགྱིད་འགྱུར་བ། །དེ་དག་རྣམས་ཀྱང་འདྲེན་པས་
D60.042.0047b02.01རབ་ཏུ་གཟིགས། །དེ་དག་རྒྱལ་བའི་བསྟན་ལ་རབ་བྱུང་སྟེ། །རྣམ་པར་ཐར་པའི་སྒོ་ནི་གང་ཞིག་གིས། །ཅི་འདྲའི་ལམ་ལ་དེ་དག་བསྟེན་བགྱིས་ཤིང་། །ཅི་འདྲའི་ཞི་བ་འཐོབ་འགྱུར་ཁྱོད་ཀྱིས་མཁྱེན། །བྱིས་པ་གང་རྣམས་བདེ་གཤེགས་བསྟན་པ་ལ། །རབ་ཏུ་བྱུང་ཞིང་འཇིག་
D60.042.0047b03.01རྟེན་མཁས་པ་ཡིས། །བསྟན་པ་རབ་ཕྲ་ཇི་ལྟར་སྤོང་འགྱུར་བ། །དེ་དག་རྣམས་ཀྱང་འདྲེན་པས་རབ་ཏུ་གཟིགས། །འཇིག་རྟེན་ཕན་པའི་བསྟན་ལ་བརྙས་བགྱིས་པས། །དམྱལ་བ་ཆེན་པོར་ཇི་སྲིད་གནས་པ་དང་། །ཅི་འདྲའི་སྡུག་བསྔལ་དེ་དག་མྱོང་འགྱུར་བ། །དེ་དག་རྣམས་
D60.042.0047b04.01ཀྱང་འདྲེན་པས་རབ་ཏུ་གཟིགས། །གང་དག་རྒྱལ་བ་རྣམས་ལ་དད་བསྐྱེད་དེ། །རབ་ཏུ་བྱུང་ནས་རྒྱལ་བའི་བསྟན་འཛིན་ཅིང་། །ཆོས་ཀུན་སྟོང་པ་ཉིད་དུ་རབ་བརྟགས་ནས། །མཚན་མ་ཐམས་ཅད་རྣམ་པར་གཞིག་བགྱིས་ཤིང་། །འགྲོ་རྒྱུད་ཀུན་ཏུ་སྨོན་པ་རྣམ་སྤངས་ཏེ། །ལུས་
D60.042.0047b05.01འདི་སྒྱུ་མ་འདྲ་བར་རབ་བརྟགས་ནས། །ཕུང་པོ་བྲག་ཅ་འདྲ་བར་རྟོགས་གྱུར་ཏེ། །བྱང་ཆུབ་སེམས་ལྡན་དེ་དག་རབ་ཏུ་གཟིགས། །མགོན་པོ་ཁྱོད་ལ་བསྟོད་པའི་བསོད་ནམས་གང་། །མཚུངས་མེད་ཁྱོད་ཀྱིས་ཇི་ལྟར་ཐུགས་ཆུད་པ། །དེ་ཡིས་བླ་མེད་སངས་རྒྱས་འགྲུབ་པར་
D60.042.0047b06.01ཤོག །འགྲོ་བ་ཀུན་ཀྱང་རང་བྱུང་ཐོབ་གྱུར་ཅིག །དེ་ནས་བཅོམ་ལྡན་འདས་ཀྱིས་དེའི་ཚེ་གནོད་སྦྱིན་བྱེ་བ་ཕྲག་བརྒྱད་ཅུ་པོ་དེ་དག་གི་ལྷག་པའི་བསམ་པ་ཐུགས་སུ་ཆུད་ནས་འཛུམ་པ་མཛད་དོ། །དེ་ནས་ཚེ་དང་ལྡན་པ་རྟ་ཐུལ་གྱིས་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ།
D60.042.0047b07.01