完整藏文原文 · 德格版页 当前仅加载第 42 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྒྱུས་ལྷའི་གོས་ཀྱི་ཆར་དང་། དབྱིག་གི་ཆར་དང་། གསེར་གྱི་ཆར་དང་། རིན་པོ་ཆེ་སྣ་ཚོགས་ཀྱི་ཆར་དང་། ཡོ་བྱད་ཐམས་ཅད་ཀྱི་ཆར་རབ་ཏུ་བབ་བོ། །རྒྱལ་པོ་ཆེན་པོ་དེའི་ཚེ་འཛམ་བུའི་གླིང་འདི་ནི་རྒྱར་དཔག་ཚད་ཁྲི་བརྒྱད་སྟོང་ཡོད་པར་གྱུར་ཏེ། དེའི་ཚེ་འཛམ་བུའི་གླིང་དེ་ན་གྲོང་ཁྱེར་བྱེ་
D60.042.0152b01.01བ་ཕྲག་དྲུག་ཅུ་ཡོད་པར་གྱུར་ནས་འཛམ་བུའི་གླིང་དེའི་དབུས་ན་རིན་པོ་ཆེས་རབ་ཏུ་བརྒྱན་པ་ཞེས་བྱ་བའི་གྲོང་ཁྱེར་རྒྱལ་པོའི་ཕོ་བྲང་འཁོར་དུ་གྱུར་པ་ཆུ་ཞེང་དུ་དཔག་ཚད་བཅུ་གཉིས་བཅུ་གཉིས་ཡོད་པ། གྲུ་བཞི་ལྷམ་པ། དྲི་མ་མེད་པ་ཤིན་ཏུ་འབྲེལ་བར་བྲེས་པ་ཞིག་ཡོད་པར་གྱུར་ཏེ། རྒྱལ་
D60.042.0152b02.01པོ་ཆེན་པོའི་ཕོ་བྲང་འཁོར་རིན་པོ་ཆེས་རབ་ཏུ་བརྒྱན་པ་དེ་ནི་ཤིང་ཏ་ལའི་ཕྲེང་བ་རིམ་པ་བདུན་གྱིས་ཀུན་ནས་ཡོངས་སུ་བསྐོར་བ་སྟེ། ཏ་ལ་དེ་དག་ཀྱང་རིན་པོ་ཆེ་སྣ་བཞིའི་རྒྱུ་ལས་བྱུང་བ་སྟེ། གསེར་དང་། དངུལ་དང་། བཻ་དཱུརྱ་དང་། ཤེལ་གྱི་ཏ་ལ་ཤ་སྟག་གོ །དེ་ལ་གསེར་གྱི་ཏ་ལ་རྣམས་ནི་དངུལ་གྱི་ལོ་མ་
D60.042.0152b03.01དང་། མེ་ཏོག་དང་། འབྲས་བུ་དང་ལྡན་པར་གྱུར་ཏོ། །དངུལ་གྱི་ཏ་ལ་རྣམས་ནི་གསེར་གྱི་ལོ་མ་དང་། མེ་ཏོག་དང་། འབྲས་བུ་དང་ལྡན་པར་གྱུར་ཏོ། །བཻ་དཱུརྱའི་ཏ་ལ་རྣམས་ནི་ཤེལ་གྱི་ལོ་མ་དང་། མེ་ཏོག་དང་། འབྲས་བུ་དང་ལྡན་པར་གྱུར་ཏོ། །ཤེལ་གྱི་ཏ་ལ་རྣམས་ནི་བཻ་དཱུརྱའི་ལོ་
D60.042.0152b04.01མ་དང་། མེ་ཏོག་དང་། འབྲས་བུ་དང་ལྡན་པར་གྱུར་ཏོ། །རྒྱལ་པོའི་ཕོ་བྲང་འཁོར་རིན་པོ་ཆེས་རབ་ཏུ་བརྒྱན་པ་དེ་རིན་པོ་ཆེ་སྣ་བདུན་གྱི་དྲིལ་བུ་གཡེར་ཀའི་དྲ་བ་བཀྲ་བ། བལྟ་ན་སྡུག་པ་རིམ་པ་བདུན་སྟེང་དུ་བྲེས་པར་གྱུར་ཏོ། །རིན་པོ་ཆེའི་དྲ་བ་ཆེན་པོའི་རིན་པོ་ཆེ་སྣ་བདུན་ནི་འདི་ལྟ་སྟེ།
D60.042.0152b05.01གསེར་དང་། དངུལ་དང་། བཻ་དཱུརྱ་དང་། ཤེལ་དང་། མུ་ཏིག་དམར་པོ་དང་། སྤུག་དང་། རྡོའི་སྙིང་པོ་དང་བདུན་ནོ། །རྒྱལ་པོའི་ཕོ་བྲང་འཁོར་རིན་པོ་ཆེས་རབ་ཏུ་བརྒྱན་པ་དེ་ཀུན་ནས་འོབས་ཟབ་པ། ཆུ་འབྱུང་བ། ཟབས་སུ་དཔག་ཚད་ཕྱེད་ཡོད་པ། ཁ་ཚོན་དུ་དཔག་ཚད་གཅིག་
D60.042.0152b06.01ཡོད་པ། ཡན་ལག་བརྒྱད་དང་ལྡན་པའི་ཆུས་བྱ་རོག་གིས་བཏུང་དུ་རུང་བ་ཙམ་དུ་ཁ་ད་ཆད་དུ་ཡོངས་སུ་གང་བ། མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོས་ཀུན་ཏུ་གང་བ། གསེར་གྱི་བྱེ་མ་བརྡལ་བ་རིམ་པ་བདུན་གྱིས་ཡོངས་སུ་བསྐོར་བར་གྱུར་ཏེ། འོབས་
D60.042.0152b07.01