完整藏文原文 · 德格版页 当前仅加载第 42 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེགས་བྱེད་པར་ཁས་འཆེ་བས་ང་གང་སྒྲོལ་བ་དེ་ཡང་དག་པར་སྒྲོལ་བ་ཡིན་ཏེ། སྟོན་པའི་ཆོས་རབ་ཏུ་ཤེས་ནས་ནི་རྗེས་སུ་སྟོན། སངས་རྒྱས་ཀྱི་ཆོས་རབ་ཏུ་ཤེས་ནས་ནི་ཁོང་དུ་ཆུད་པར་བྱེད། འབྱུང་བ་རབ་ཏུ་ཤེས་ནས་ནི་འབྱིན། ཡང་དག་པར་མཐོང་ནས་ནི་སྟོན། མུ་སྟེགས་
D60.042.0120b01.01རབ་ཏུ་ཤེས་ནས་ནི་སྒྲོལ་ཏེ། གང་སྒྲོལ་བ་དེ་ཡང་མུ་སྟེགས་བདེ་བས་རབ་ཏུ་སྒྲོལ་བ་ཡིན་ནོ། །འདི་ལྟ་སྟེ། ཀུན་ཏུ་རྒྱུ་དག་ཁྱེད་ཀྱང་ཐར་པར་འདོད་པ་ཡིན་ལ། ང་ཡང་སྟོན་པ་མངོན་དུ་བཞུགས་པ་ཡིན་ཏེ། ཡང་དག་པར་སྟོན་པ། ཡང་དག་པར་ཁོང་དུ་ཆུད་པར་བྱེད་པ། འབྱུང་བ་ཕུན་སུམ་
D60.042.0120b02.01ཚོགས་པ་འབྱུང་བ་མཐོང་བ། ཡང་དག་པའི་མུ་སྟེགས་བྱེད་པ་ཡིན་གྱིས་དེའི་ཕྱིར་རྣ་བ་ལྷོགས་ཏེ་མོས་པ་སྐྱེད་ལ་དྲན་པ་ཉེ་བར་ཞོག་སྟེ། ཡིད་འདུན་པར་གྱིས་ལ་མ་ཐོབ་པའི་ཆོས་རྣམས་ཐོབ་པར་བྱ་བ་དང་། སྔོན་མ་ཕྱིན་པའི་ལམ་དུ་འགྲོ་བར་བྱ་བ་དང་། སྔོན་མ་སོང་བའི་ཕྱོགས་སུ་
D60.042.0120b03.01འགྲོ་བར་བྱ་བ་དང་། སྔོན་མ་འགྲོགས་པའི་ལམ་གྲོགས་དང་འགྲོགས་པར་བྱ་བ་དང་། སྔོན་མ་བཙལ་བའི་ལམ་བཙལ་བར་བྱ་བ་དང་། སྔོན་མ་ཐོབ་པའི་ཆོས་ཀྱི་མཛོད་ཐོབ་པར་བྱ་བའི་ཕྱིར། བརྩོན་འགྲུས་ཡང་དག་པར་རྩོམས་ཤིག །ཀུན་ཏུ་རྒྱུ་དག་ཆོས་གསུམ་མངོན་དུ་གྱུར་པས་མངལ་དུ་འཇུག་
D60.042.0120b04.01ཅེས་གང་སྨྲས་པ་དེ་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། མངལ་དུ་འཇུག་པ་ཞེས་བྱ་བའི་ཆོས་ཀྱི་རྣམ་གྲངས་འདི་ཁྱེད་ལ་ངས་བཤད་དོ། ཀུན་ཏུ་རྒྱུ་དག་དེ་ལ་མ་ཞེས་གང་སྨྲས་པ་དེ་ནི་སྔོན་གྱི་ལས་བསགས་པའི་རྐྱེན་དུ་གསུངས་སོ། །ཕ་ཞེས་བྱ་བ་དེ་ནི་སྔོན་གྱི་ལས་བསགས་
D60.042.0120b05.01པའི་རྒྱུར་གསུངས་སོ། །དྲི་ཟ་ཞེས་བྱ་བ་དེ་ནི་རྣམ་པར་ཤེས་པ་ལས་ཀྱིས་འཕངས་པའི་ཚིག་{བླ་དགས་,བླ་དྭགས་}སོ། མེར་མེར་པོ་ཞེས་བྱ་བ་དེ་ནི་ལས་ཀྱིས་འཕངས་པའི་རྣམ་པར་ཤེས་པའི་གནས་དང་གཞིའོ། །མའི་མངལ་ཞེས་བྱ་བ་དེ་ནི་རྣམ་པར་ཤེས་པ་ལས་ཀྱིས་འཕངས་པའི་གཞི་སྟེ། འདི་ལྟར་
D60.042.0120b06.01མའི་མངལ་ན་གནས་པའི་རྣམ་པར་ཤེས་པ་ནི་སྐྱེ་བ་དང་། འཕེལ་བ་དང་། རྒྱས་པར་འགྱུར་རོ། །ཀུན་ཏུ་རྒྱུ་དག་འདི་ལྟ་སྟེ་དཔེར་ན། ས་ཆེན་པོ་ལ་གནས་ན་རྩྭ་དང་། ཤིང་གེལ་བ་དང་། སྨན་དང་། ནགས་ཚལ་དག་སྐྱེ་ཞིང་འཕེལ་བ་དང་རྒྱས་པར་འགྱུར་རོ། །དེ་བཞིན་དུ་མའི་མངལ་ན་
D60.042.0120b07.01