完整藏文原文 · 德格版页 当前仅加载第 42 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་དབྱིངས་ལ་བརྩོན་པས་གསོལ་པ། མངོན་པར་བརྩོན་པས་ཆོས་ཀྱི་དབྱིངས། །སྐྱེས་བུ་དམ་པ་ཁྱོད་ཀྱིས་མཁྱེན། །བརྩོན་པས་རྫོགས་པའི་སངས་རྒྱས་རྣམས། །ཡེ་ཤེས་ཕ་རོལ་ཕྱིན་པར་གྱུར། །ལྷའི་བུ་ཆོས་ཀྱིས་ཚིམ་གྱིས་གསོལ་པ། དཔའ་བོ་ཁྱོད་
D60.042.0104a01.01ཀྱིས་སྐྱེ་བོ་འདི། །ཆོས་ཀྱིས་རབ་ཏུ་ཚིམ་པར་མཛད། །ཆོས་ཀྱི་དབྱིངས་ནི་རྣམ་མཁྱེན་པས། །འདྲེན་པ་བྱང་ཆུབ་མཆོག་ལ་བཞུགས། །ལྷའི་བུ་ཆོས་ཉིད་ཀྱི་གཏིང་རྙེད་པས་གསོལ་པ། གཏིང་རྙེད་གྱུར་པའི་འགྲོ་བ་ཀུན། །འདྲེན་པ་ཁྱོད་ཀྱི་ཞལ་དུ་ལྟ། །ཆོས་དབྱིངས་རྣམ་
D60.042.0104a02.01པར་མཁྱེན་པ་ཡི། །འདྲེན་པ་ཁྱོད་ལ་ཕྱག་ཀྱང་འཚལ། །ལྷའི་བུ་གནས་ཤེས་པ་ལ་རབ་ཏུ་གནས་པས་གསོལ་པ། མི་མཆོག་འདྲེན་པ་སངས་རྒྱས་ཀྱི། །ཡེ་ཤེས་གནས་འདི་ཆོས་དབྱིངས་ཏེ། །རྣམ་པར་འདྲེན་པ་སྟོབས་བཅུ་པོ། །གང་ལ་སྤྱོད་པ་དེ་ལགས་སོ། །ལྷའི་བུ་
D60.042.0104a03.01གནས་ལ་གནས་པས་གསོལ་པ། ཆོས་ཀྱི་དབྱིངས་ནི་གནས་ཆེན་ཏེ། །ཐམས་ཅད་མཁྱེན་པ་བཞུད་པའི་ལམ། །དེ་ནི་ཆོས་རྣམས་ཐམས་ཅད་ཀྱང་། །མཚན་ཉིད་གཅིག་པར་ཤེས་པ་ལགས། །ལྷའི་བུ་གནས་མངོན་པར་ཤེས་པས་གསོལ་པ། ཁྱོད་ནི་ཆོས་དབྱིངས་
D60.042.0104a04.01མངོན་པར་མཁྱེན། །མཚན་ཉིད་གཅིག་ལ་མཁས་པ་སྟེ། །སེམས་ཅན་ཀུན་གྱི་བསམ་པ་ཡང་། །རྐང་གཉིས་གཙོ་བོ་ཁྱོད་ཀྱིས་མཁྱེན། །ལྷའི་བུ་གནས་ནས་ངེས་པར་བྱུང་གིས་གསོལ་པ། རྣམ་པར་འདྲེན་པ་ཁྱོད་ཀྱི་སྲས། །གནས་སུ་བྱ་བ་ཆོས་དབྱིངས་ཤེས། །གསལ་
D60.042.0104a05.01བར་འཚལ་བའི་མཁས་པ་རྣམས། །རང་བྱུང་ཉིད་དུ་ངེས་པར་བྱུང་། །ལྷའི་བུ་གནས་ལ་བསླབས་པས་གསོལ་པ། ཆོས་ཀྱི་དབྱིངས་ལ་གང་བསླབས་པའི། །སྐྱེས་བུ་དེ་དག་བྱང་ཆུབ་ཞུགས། །རང་བྱུང་ཉིད་དུ་གནས་རྙེད་པས། །དེ་དག་རྐང་གཉིས་མཆོག་ཏུ་འགྱུར། །ལྷའི་བུ་གནས་
D60.042.0104a06.01མེད་པ་ལ་མཁས་པས་གསོལ་པ། གནས་མེད་པ་ནི་གང་འཚལ་བ། །དེ་དག་བདེ་གཤེགས་དགོངས་ལ་མོས། །བདུད་རྣམས་བྱེ་བ་སྟོང་གིས་ཀྱང་། །དེ་དག་རྨོངས་པར་ཡོད་མི་ནུས། །ལྷའི་བུ་གནས་མེད་པ་མངོན་པར་ཤེས་པས་གསོལ་པ། གནས་མེད་གང་གིས་རིག་གྱུར་པ། །
D60.042.0104a07.01