完整藏文原文 · 德格版页 当前仅加载第 42 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དྲོ་བའི་རྣམ་པ་དང་། ལུས་སུ་གཏོགས་པ་དང་། ཟིན་པའོ། །དེ་ཡང་གང་ཞེ་ན། གང་གིས་ལུས་འདི་གདུང་བ་དང་། ཀུན་ཏུ་གདུང་བ་དང་། ཡོངས་སུ་གདུང་བ་དང་། གང་གིས་ཟོས་པ་དང་། འཐུངས་པ་དང་། འཆོས་པ་དང་། མྱངས་པ་རྣམས་
D60.042.0131b01.01བདེ་ཞིང་ལེགས་པར་ཞུ་བར་འགྱུར་བ་དང་། གང་གི་ཤས་ཆེ་ན་རིམས་སོ་རིམས་སོ་ཞེས་བྱ་བའི་གྲངས་སུ་འགྲོ་བ་དང་། གཞན་ཡང་གང་ལུས་འདི་ལ་ནང་གི་ཁོང་ན་མེ་དང་། མེའི་རྣམ་པ་དང་། དྲོ་བ་དང་། དྲོ་བའི་རྣམ་པ་དང་། ལུས་སུ་གཏོགས་པ་དང་། ཟིན་པ་
D60.042.0131b02.01འདི་ནི་ནང་གི་མེའི་ཁམས་ཞེས་བྱའོ། །ཕྱི་རོལ་གྱི་མེའི་ཁམས་གང་ཞེ་ན། གང་ཕྱི་རོལ་གྱི་མེ་དང་། མེའི་རྣམ་པ་དང་། དྲོ་བ་དང་། དྲོ་བའི་རྣམ་པ་དང་། ལུས་སུ་མ་གཏོགས་པ་དང་། མ་ཟིན་པ་སྟེ། དེ་ནི་མི་དག་གཙུབ་ཤིང་དང་ལྡན་པའམ། རྩྭ་དང་ལྡན་
D60.042.0131b03.01པའམ། བ་ལང་གི་ལྕི་བའི་བུ་རམ་འམ། ཤིང་བལ་གྱི་སྒོ་ང་དང་ལྡན་པར་བྱས་ཤིང་མེ་འབྱིན་ཏེ། དེ་བྱུང་ནས་གྲོང་ཡང་ཚིག །གྲོང་གི་ཕྱོགས་ཀྱང་ཚིག །གྲོང་ཁྱེར་རམ། གྲོང་ཁྱེར་གྱི་ཕྱོགས་སམ། ཡུལ་ལམ། ཡུལ་གྱི་ཕྱོགས་སམ། གླིང་ངམ། རྩྭའི་
D60.042.0131b04.01གཏོས་སམ། ནགས་སམ། ཤིང་ངམ། རྩྭའམ། བ་ལང་གི་ལྕི་བ་དག་སྲེག་ཅིང་འགྲོ་བ་དང་། གཞན་ཡང་གང་ཚུལ་འདི་དང་འདྲ་བ་འདི་ནི་ཕྱི་རོལ་གྱི་མེའི་ཁམས་ཞེས་བྱའོ། །རྒྱལ་པོ་ཆེན་པོ་དེ་ལ་ཕྱི་རོལ་གྱི་མེའི་ཁམས་ནི་འབྱུང་བའི་ཚེ་ཡང་གང་ནས་ཀྱང་མི་འོང་ངོ་། །
D60.042.0131b05.01འགག་པའི་ཚེ་ཡང་གང་དུ་ཡང་སོགས་པར་མི་འགྲོ་སྟེ། དེ་ནི་རང་བཞིན་དང་བྲལ་བའི་ཕྱིར་མེད་པ་ལས་ཡོད་པར་འགྱུར་ཞིང་། ཡོད་པར་གྱུར་ནས་ཀྱང་མེད་པར་འགྱུར་རོ། །རྒྱལ་པོ་ཆེན་པོ་དེ་ལ་རླུང་གི་ཁམས་ཀྱང་རྣམ་པ་གཉིས་ཏེ། ནང་གི་དང་། ཕྱི་རོལ་གྱིའོ། །དེ་ལ་ནང་
D60.042.0131b06.01གི་རླུང་གི་ཁམས་གང་ཞེ་ན། གང་ལུས་འདི་ལ་རླུང་དང་། རླུང་གི་རྣམ་པ་དང་། ཡང་བ་ཉིད་དང་། གཡོ་བ་ཉིད་དང་། ལུས་སུ་གཏོགས་པ་དང་། ཟིན་པའོ། །དེ་ཡང་གང་ཞེ་ན། འདི་ལྟ་སྟེ། གྱེན་དུ་འགྲོ་བའི་རླུང་དང་ཐུར་དུ་འགྲོ་བ་དང་། ཐད་ཀར་འགྲོ་བ་དང་།
D60.042.0131b07.01