完整藏文原文 · 德格版页 当前仅加载第 42 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
བདུན་དང་། དྲུག་དང་། ལྔ་དང་། བཞི་དང་། གསུམ་དང་། གཉིས་དང་། དཔག་ཚད་གཅིག་གི་ཆུ་ལས་པར་འགྱུར་བ་དང་། ཤིང་ཏ་ལ་བཅུ་དང་། དགུ་དང་། བརྒྱད་དང་། བདུན་དང་། དྲུག་དང་། ལྔ་དང་། བཞི་དང་། གསུམ་དང་། ཤིང་ཏ་ལ་
D60.042.0131a01.01གཉིས་ཙམ་གྱི་ཆུ་ལས་པར་འགྱུར་བ་དང་། མི་འགྲེང་བཅུ་དང་། དགུ་དང་། བརྒྱད་དང་། བདུན་དང་། དྲུག་དང་། ལྔ་དང་། བཞི་དང་། གསུམ་དང་། མི་འགྲེང་གཉིས་ཙམ་གྱི་ཆུ་ལས་པར་འགྱུར་བ་དང་། ལྐོག་མ་ནུབ་ཙམ་དང་། མཆན་ཁུང་ནུབ་ཙམ་དང་།
D60.042.0131a02.01ལྟེ་བ་ནུབ་ཙམ་དང་། པུས་མོ་ནུབ་ཙམ་གྱི་ཆུ་ལས་པར་འགྱུར་བ་ནས། བ་ལང་གི་རྨིག་རྗེས་ཀྱི་ཆུ་ཙམ་གྱི་བར་དུ་ལས་པར་འགྱུར་བའི་དུས་དེ་ཡོད་དོ། །རྒྱལ་པོ་ཆེན་པོ་གང་རྒྱ་མཚོ་ཆེན་པོ་ལས་ཟིལ་པ་ཕྲམ་ཕྲུམ་ཙམ་ལས་པར་འགྱུར་བའི་དུས་དེ་ཡོད་དོ། །འདི་ལྟ་སྟེ། དཔེར་ན་
D60.042.0131a03.01ཆར་བའི་ཐིགས་པ་ཆེན་པོ་བབ་ནས་ཆེན་པོ་ལ་ཐོག་མར་ཟིལ་པ་ཕྲམ་ཕྲུམ་ཙམ་དུ་འགྱུར་རོ། །རྒྱལ་པོ་ཆེན་པོ་དེ་བཞིན་དུ་རྒྱ་མཚོ་ཆེན་པོ་དེ་ཡང་ཟིལ་པ་ཕྲམ་ཕྲུམ་ཙམ་ལས་པར་འགྱུར་བའི་དུས་དེ་ཡོད་དོ། །རྒྱལ་པོ་ཆེན་པོ་གང་རྒྱ་མཚོ་ཆེན་པོ་དེ་མཛུབ་མོ་སྨྱུགས་པ་ཙམ་གྱི་ཆུ་ཡང་
D60.042.0131a04.01མ་ལས་པར་འགྱུར་བའི་དུས་དེ་ཡོད་དོ། །རྒྱལ་པོ་ཆེན་པོ་དེ་ཙམ་དུ་ཆུའི་ཁམས་དེ་འགག་པའི་ཚེ་ཡང་གང་དུ་ཡང་མི་འགྲོ་སྟེ། ཤར་ཕྱོགས་དང་། ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་དང་། སྟེང་དང་། འོག་དང་། ཕྱོགས་མཚམས་རྣམས་སུ་
D60.042.0131a05.01ཡང་མི་འགྲོའོ། །རྒྱལ་པོ་ཆེན་པོ་ཆུའི་ཁམས་དེ་ནི་སྐྱེ་བ་ཡང་སྟོང་། འཇིག་པ་ཡང་སྟོང་། གནས་པའི་ཚེ་ཡང་ཆུའི་ཁམས་དེ་རང་བཞིན་གྱིས་སྟོང་སྟེ། རྒྱལ་པོ་ཆེན་པོ་ཆུའི་ཁམས་དེ་ནི་ཐ་སྙད་ཙམ་མ་གཏོགས་པར་ཆུའི་ཁམས་ཀྱིས་སྟོང་ཞིང་མི་དམིགས་ཏེ། ཐ་སྙད་དེ་ཡང་བུད་མེད་མ་ཡིན། སྐྱེས་པ་མ་ཡིན་
D60.042.0131a06.01ནོ། །དེ་ལྟར་ཡང་དག་པ་ཇི་ལྟ་བ་བཞིན་དུ་ཡང་དག་པའི་ཤེས་རབ་ཀྱིས་རྟོགས་ཤིག །རྒྱལ་པོ་ཆེན་པོ་དེ་ལ་མེའི་ཁམས་ནི་རྣམ་པ་གཉིས་ཏེ། ནང་གི་དང་། ཕྱི་རོལ་གྱིའོ། །ནང་གི་མེའི་ཁམས་གང་ཞེ་ན། གང་ཅི་ཡང་རུང་སྟེ། ལུས་འདི་ལ་མེ་དང་། མེའི་རྣམ་པ་དང་། དྲོ་བ་
D60.042.0131a07.01