完整藏文原文 · 德格版页 当前仅加载第 42 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
པས་གསོལ་པ། ཁམས་གང་གིས་ནི་སེམས་ཅན་གང་། །བསྒོས་པར་གྱུར་ཅིང་ལས་བགྱིད་པའི། །བག་ཆགས་ལས་དང་སེམས་ཅན་དག །ཁྱོད་ཀྱིས་གཡོ་བ་མེད་པར་མཁྱེན། །ལྷའི་བུ་འཆི་འཕོ་དང་སྐྱེ་བ་རིག་པས་གསོལ་པ། བཤེས་གཉེན་
D60.042.0109a01.01ཅི་འདྲ་བསྟེན་བགྱི་ཤིང་། །ལས་གང་མངོན་པར་འདུས་བགྱིས་པས། །འགྲོ་བ་གང་དུ་མཆི་འགྱུར་བ། །ཐུབ་པ་ཁྱོད་ཀྱིས་དེ་ཡང་མཁྱེན། །ལྷའི་བུ་དགོས་པ་ལ་མཁས་པས་གསོལ་པ། ལས་དེ་ཡི་ནི་བགྱི་བ་གང་། །དགོས་པ་ཁྱོད་ཀྱིས་རབ་ཏུ་མཁྱེན། །གང་
D60.042.0109a02.01གི་སླད་དུ་ལས་བགྱིས་པ། །དེ་ཡང་མ་ལུས་རབ་ཏུ་མཁྱེན། །ལྷའི་བུ་དངོས་པོ་ལ་མཁས་པས་གསོལ་པ། དངོས་པོ་གང་དག་དམིགས་པ་དང་། །ལས་གང་མངོན་པར་འདུས་བགྱིས་པ། །ཐམས་ཅད་མཁྱེན་པས་དེ་མཁྱེན་ཏེ། །དེ་ནི་སངས་རྒྱས་སྤྱོད་ཡུལ་ལགས། །
D60.042.0109a03.01ལྷའི་བུ་དངོས་པོ་རིག་པས་གསོལ་པ། སེམས་ཅན་རྣམས་ཀྱིས་བསམ་མཁས་པ། །དངོས་དེ་ཇི་ལྟར་གནས་པ་དང་། །དེ་ནི་ཇི་ལྟར་གྲུབ་པ་ཡི། །ལས་དེ་ཁྱོད་ཀྱིས་མངོན་པར་མཁྱེན། །ལྷའི་བུ་ཤེས་པ་ལ་མཁས་པས་གསོལ་པ། ཤེས་པ་གང་གིས་དངོས་པོ་དེ། །
D60.042.0109a04.01བརྟགས་པར་གྱུར་པ་རབ་ཏུ་མཁྱེན། །དེ་ལ་ཇི་ལྟར་ཆགས་གྱུར་པའང་། །ཐུབ་པ་ཁྱོད་ཀྱིས་ཤིན་ཏུ་མཁྱེན། །ལྷའི་བུ་མངོན་པར་འདུ་བྱེད་པ་ལ་མཁས་ཀྱིས་གསོལ་པ། ཆགས་པ་གང་གིས་ལས་དེ་རྣམས། །ཉོན་མོངས་གང་གིས་འདུ་བགྱིས་པའི། །ཉོན་མོངས་དེ་དག་
D60.042.0109a05.01ཡང་དག་མཁྱེན། །དེ་བས་ཁྱོད་ནི་བདག་གི་མགོན། །ལྷའི་བུ་འགྲོ་བ་ལ་མཁས་པས་གསོལ་པ། འགྲོ་བ་གང་དུ་ལས་གང་གིས། །མཆིས་ཤིང་སྒྲིབ་པ་གང་རྙེད་ནས། །འབྲས་བུ་ཐོབ་པར་མི་འགྱུར་བ། །དེ་ཀུན་སྤྱན་ལྡན་ཁྱོད་ཀྱིས་མཁྱེན། །ལྷའི་བུ་དམིགས་པ་ལ་
D60.042.0109a06.01མཁས་པས་གསོལ་པ། འགྲོ་བ་དག་ཏུ་སྐྱེས་རྣམས་ཀྱི། །གང་གིས་ལས་རྣམས་སྨིན་འགྱུར་བའི། །དམིགས་པ་ཁྱོད་ཀྱིས་རབ་མཁྱེན་ཏེ། །དེ་ལ་ཁྱོད་ཀྱི་བློ་གྲོས་འཇུག །ལྷའི་བུ་བག་ཆགས་ལ་མཁས་ཀྱིས་གསོལ་པ། འགྲོ་དང་འགྲོ་བར་མི་རྣམས་ཀྱིས། །སྔན་
D60.042.0109a07.01