完整藏文原文 · 德格版页 当前仅加载第 42 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྱིར་རིན་པོ་ཆེ་སྣ་བདུན་གྱི་བླ་རེ་དག་ཀྱང་མངོན་པར་སྤྲུལ་ཏོ། །ཤིང་རྟ་དེ་དག་ཀྱང་གསེར་གྱི་རྒྱལ་མཚན་ཅན་གསེར་གྱི་རྒྱན་གྱིས་བརྒྱན་པ་ཤ་སྟག་གོ །ཡིད་བཞིན་གྱི་ནོར་བུའི་བླ་རེ་དེ་དག་ཀྱང་སྟེང་གི་བར་སྣང་ལས་ཤིང་རྟ་དེ་དག་གི་ཕྱི་བཞིན་དུ་འབྲང་བར་གྱུར་ཏེ། ཤིང་རྟ་དེ་དག་འདོང་ན་
D60.042.0020b01.01ནི་རྗེས་སུ་འདོང་། ཤིང་རྟ་དེ་དག་སྡོད་ན་ནི་སྡོད་པ་ཤ་སྟག་གོ །ཡིད་བཞིན་གྱི་ནོར་བུའི་བླ་རེ་དེ་དག་ལ་ཡང་མཛེས་པར་བྱ་བའི་ཕྱིར་རིན་པོ་ཆེ་སྣ་བདུན་གྱི་ཕྲེང་བའི་ལྡ་ལྡི་མངོན་པར་སྦྱངས་སོ། །ཡིད་བཞིན་གྱི་ནོར་བུའི་བླ་རེ་དེ་དག་ཀྱང་རིན་པོ་ཆེ་སྣ་བདུན་གྱི་དྲིལ་བུ་གཡེར་ཀའི་དྲ་བ་དང་ལྡན་
D60.042.0020b02.01པར་མངོན་པར་སྤྲུལ་ཏོ། །ཤིང་རྟའི་རྒྱན་དང་། རྟའི་རྒྱན་དང་། ཡིད་བཞིན་གྱི་ནོར་བུའི་བླ་རེའི་རྒྱན་དེ་དག་རླུང་གིས་བསྐྱོད་ན་སྒྲ་སྙན་ཅིང་ཡིད་དུ་འོང་ལ་མཉན་ན་བདེ་བ་ཤ་སྟག་འབྱུང་བར་གྱུར་ཏེ། འདི་ལྟ་སྟེ། དཔེར་ན་རོལ་མོ་སིལ་སྙན་ཡན་ལག་བརྒྱད་དང་ལྡན་པ་མཁས་པས་སྒྲ་ཕྱུང་
D60.042.0020b03.01ན་སྒྲ་སྙན་ཅིང་ཡིད་དུ་འོང་བ་དང་། མཉན་ན་བདེ་བར་འབྱུང་བ་དེ་བཞིན་དུ་ཤིང་རྟའི་རྒྱན་དེ་དག་དང་། རྟའི་རྒྱན་དེ་དག་དང་། ཡིད་བཞིན་གྱི་ནོར་བུའི་བླ་རེའི་རྒྱན་དེ་དག་རླུང་གིས་བསྐྱོད་ན་སྒྲ་སྙན་ཅིང་ཡིད་དུ་འོང་ལ་མཉན་ན་བདེ་བ་ཤ་སྟག་འབྱུང་བར་གྱུར་ཏོ། །ཤིང་རྟ་དེ་དག་གི་འཕང་གིས་ཀྱང་སྟེང་གི་བར་སྣང་
D60.042.0020b04.01ལ་དཔག་ཚད་དྲུག་ཅུ་བསྒྲིབས་ཏེ་འཁོད་པར་གྱུར་ཏོ། །ཤིང་རྟ་དེ་དག་གི་ཕྱི་བཞིན་ཡང་རོལ་མོ་སིལ་སྙན་སྣ་ཚོགས་རྗེས་སུ་འབྲང་བར་གྱུར་ཏོ། །ཤིང་རྟ་དེ་དག་ཐམས་ཅད་ལ་ཡང་ལྷ་མ་ཡིན་གྱི་བུ་མོ་རྒྱན་ཐམས་ཅད་ཀྱིས་བརྒྱན་པ་དག་འཁོད་དོ། །བཅོམ་ལྡན་འདས་ལ་མཆོད་པ་བྱ་བའི་
D60.042.0020b05.01ཕྱིར་ལ་ལ་ནི་རོལ་མོ་བྱེད། ལ་ལ་ནི་སིལ་སྙན་དཀྲོལ། ལ་ལ་ནི་གླུ་ལེན། ལ་ལ་ནི་གར་བྱེད། ལ་ལ་ནི་ཙན་དན་དང་ཨུད་པ་ལའི་ཕྱེ་མས་འཐོར། ལ་ལ་ནི་ཨ་ག་རུ་དང་ཏ་མ་ལའི་ལོ་མའི་ཕྱེ་མས་འཐོར། ལ་ལ་ནི་ལྷ་མ་ཡིན་གྱི་ལྷ་རྫས་ཀྱི་ཕྱེ་མས་འཐོར། ལ་ལ་ནི་གསེར་དངུལ་གྱི་ཕྱེ་
D60.042.0020b06.01མས་འཐོར། ལ་ལ་ནི་མན་དཱ་ར་བ་དང་། མན་དཱ་ར་བ་ཆེན་པོ་དང་། མན་ཇུ་ཥ་ཀ་དང་། མན་ཛུ་ཥ་ཀ་ཆེན་པོ་དང་། པ་རུ་ཥ་ཀ་དང་། པ་རུ་ཥ་ཀ་ཆེན་པོ་དང་། མདོག་དཀར་དང་། མདོག་དཀར་ཆེན་པོ་དང་། སྐྱ་སྣར་དང་། སྐྱ་སྣར་ཆེན་པོ་དང་། སྐྱ་སྣར་ཁྲ་བོ་དང་། སྐྱ་སྣར་བཀྲ་ཆེན་གྱི་མེ་
D60.042.0020b07.01