完整藏文原文 · 德格版页 当前仅加载第 42 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ན། །དེ་ནི་ཐམས་ཅད་མཁྱེན་པའི་མཚན། །ལྷའི་བུ་བློ་གྲོས་ཕུན་སུམ་ཚོགས་པས་གསོལ་པ། ཆོས་རྣམས་ཐམས་ཅད་དངོས་ཉིད་ཀྱིས། །མ་སྐྱེས་འགགས་པ་མ་ལགས་ཏེ། །དེ་དག་བདེ་གཤེགས་ཁྱོད་ཀྱིས་མཁྱེན། །གཞན་ཡང་དེ་བཞིན་རྟོགས་པར་མཛད། །
D60.042.0097b01.01ལྷའི་བུ་སེང་གེའི་ང་རོས་གསོལ་པ། ཁྱོད་ཀྱིས་སྟོང་པ་ཉིད་བསྟན་ཏེ། །སེང་གེའི་ང་རོ་བསྒྲགས་མཛད་པས། །མུ་སྟེགས་ཅན་ཀུན་རབ་འཇིགས་པ། །སེང་གེས་{རི་དགས་,རི་དྭགས་}ཕྲ་མོ་བཞིན། །ལྷའི་བུ་བག་ཡོད་ལས་ཀྱིས་གསོལ་པ། བག་ཡོད་སྔོན་དུ་བཏང་མཛད་དེ། །ཁྱོད་ཀྱིས་
D60.042.0097b02.01སྤྱོད་པ་སྤྱད་བགྱིས་པས། །སངས་རྒྱས་ཆོས་ལ་འདྲེན་པ་ཁྱོད། །བག་ཡོད་པས་ནི་ངེས་པར་འབྱུང་། །ལྷའི་བུ་བག་ཡོད་རབ་གནས་ཀྱིས་གསོལ་པ། བག་ཡོད་པ་ལ་རབ་གནས་ཏེ། །ཁྱོད་ཀྱིས་ཉིད་ཀྱི་ཆོས་ཀྱང་སྤེལ། །སྟོབས་བཅུ་གཞན་ཡང་སངས་རྒྱས་ཆོས། །བསམ་
D60.042.0097b03.01གྱིས་མི་ཁྱབ་རབ་ཏུ་སྤེལ། །ལྷའི་བུ་བག་ཡོད་སྐྱེས་ཀྱིས་གསོལ་པ། བག་ཡོད་པ་ལ་བརྩོན་པས་ན། །བྱང་ཆུབ་ཕྱོགས་རྣམས་ཡང་དག་སྐྱེས། །ཐུབ་ཆེན་རང་ཡང་གྲོལ་གྱུར་ནས། །དེ་དག་རྣམས་ནི་འཇིག་རྟེན་འགྲེལ། །ལྷའི་བུ་བག་ཡོད་ངེས་པར་བྱུང་གིས་གསོལ་པ།
D60.042.0097b04.01བྱང་ཆུབ་སེམས་དཔའ་ཉན་ཐོས་དག །ཇི་སྙེད་ཐར་ལ་རྟེན་པའི་རྣམས། །ཀུན་ཀྱང་ཁྱོད་ལ་བསླབས་པ་སྟེ། །བག་ཡོད་པས་ནི་ངེས་པར་འབྱུང་། །ལྷའི་བུ་བག་ཡོད་གནས་པས་གསོལ་པ། བག་ཡོད་ཡོངས་སུ་མ་བཏང་བས། །རྣམ་པར་འདྲེན་པ་ཁྱོད་ཀྱི་སྲས། །འགྲོ་བ་
D60.042.0097b05.01འདི་ལ་མ་ཆགས་པར། །ཐམས་ཅད་མཁྱེན་དུ་ངེས་པར་བྱུང་། །ལྷའི་བུ་བག་ཡོད་བསྲུངས་ཀྱིས་གསོལ་པ། བྱང་ཆུབ་ལམ་ལ་བསྟེན་མཛད་ཅིང་། །ཁྱོད་ནི་བག་གིས་བསྲུངས་པས་ན། །ཐུགས་རྗེ་ཆེན་པོ་མཁས་པ་ཡིས། །བྱང་ཆུབ་དམ་པ་བརྙེས་པར་གྱུར། །ལྷའི་བུ་
D60.042.0097b06.01བག་ཡོད་བརྩོན་གྱིས་གསོལ་པ། བག་ཡོད་པ་ལ་རབ་བརྩོན་ཞིང་། །མཚན་ཉིད་གཅིག་པོ་རྟོགས་བགྱིས་པ། །དཔའ་བོ་ཆེན་པོ་ཁྱོད་ཀྱི་སྲས། །ཡབ་ཀྱི་དཀོར་ཡང་ཐོབ་པར་འགྱུར། །ལྷའི་བུ་བག་ཡོད་མངོན་པར་དགའ་བས་གསོལ་པ། བག་ཡོད་དགའ་བའི་བརྟན་པ་
D60.042.0097b07.01