完整藏文原文 · 德格版页 当前仅加载第 42 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡང་ཐོབ་འགྱུར་ཏེ། །དེ་དག་རྣམས་ཀྱི་ཞིང་ནི་མཐའ་ཡས་འགྱུར། །སེམས་ཅན་མཐའ་ཡས་པ་དག་རྣམ་པར་འགྲེལ། །སངས་རྒྱས་མཁྱེན་པ་མཐའ་ཡས་གྲགས་པ་ཅན། །དེ་དག་མིང་ནི་འཇིག་རྟེན་མཁས་ཤེས་བྱ། །ཞི་བའི་བློ་ལྡན་རྒྱལ་བ་དེ་དག་གི །ཚེ་
D60.042.0049a01.01ཚད་བསྐལ་པ་སྟོང་ནི་ཚང་བར་འགྱུར། །དེ་དག་ཉན་ཐོས་དགེ་འདུན་འབྱུང་བ་ནི། །རྒྱལ་སྲས་མང་པོ་སྐར་མའི་ཚོགས་སྙེད་དེ། །ཀུན་ཀྱང་བདེ་བས་བསམ་པ་ཐོབ་པར་འགྱུར། །འཇིག་རྟེན་མཁས་པ་རྣམས་ལ་སྡུག་བསྔལ་མེད། །དེ་སྐད་ཐོས་ནས་ལྷར་བཅས་འཇིག་རྟེན་
D60.042.0049a02.01དག །རབ་ཏུ་དགའ་བའི་སེམས་ཀྱིས་བྱང་ཆུབ་ཚོལ། །ངོམས་པར་གྱུར་ནས་བརྩོན་འགྲུས་བརྟན་བརྩམས་ཏེ། །ཀུན་ཀྱང་བརྩོན་འགྲུས་སྟོབས་ཀྱིས་བརྟན་པར་གྱུར། །གནོད་སྦྱིན་ལུང་བསྟན་པའི་ལེའུ་སྟེ། བཅུ་གཅིག་པའོ།། །།དེ་ནས་མིའམ་
D60.042.0049a03.01ཅིའི་རྒྱལ་པོ་ལྗོན་པ་ལ་སོགས་པ་མིའམ་ཅི་བྱེ་བ་ཕྲག་བརྒྱད་ཀྱིས་ལྷ་མ་ཡིན་གྱི་མཆོད་པ་དེ་དག་དང་། །གནོད་སྦྱིན་གྱིས་མཆོད་པའི་བར་དག་ཀྱང་མཐོང་། ལུང་བསྟན་པ་ཡང་ཐོས་ནས་ཤིན་ཏུ་ངོ་མཚར་ཐོབ་པར་གྱུར་ཏེ། ཁྱོད་འདི་ལྟར་སེམས་ཅན་ཡང་མི་དམིགས་ལ་སྲོག་དང་།
D60.042.0049a04.01སྐྱེ་བ་པོ་དང་། ཤེད་ལས་སྐྱེས་དང་། ཤེད་བུ་དང་། གང་ཟག་དང་། བདག་དང་། བདག་གི་ཡང་གང་ཡང་མེད་ལ་ཕུང་པོ་དང་། ཁམས་དང་། སྐྱེ་མཆེད་གང་ལ་སེམས་ཅན་ཞེས་གདགས་པའི་ཕུང་པོ་དང་། ཁམས་དང་། སྐྱེ་མཆེད་དེ་དག་ཀྱང་མི་དམིགས། ལས་གང་
D60.042.0049a05.01ཡོད་པས་རྣམ་པར་སྨིན་པ་གདགས་པར་བྱ་བའི་ལས་དེ་ཡང་མི་དམིགས། བྱང་ཆུབ་ཀྱང་མི་དམིགས། བྱང་ཆུབ་སེམས་དཔའ་ཡང་མི་དམིགས། སངས་རྒྱས་ཀྱང་མི་དམིགས་ལ། འོན་ཀྱང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ལུང་བསྟན་པ་མཛད་པ་འདི་ནི་ངོ་མཚར་
D60.042.0049a06.01རྨད་དོ། །ཅི་ཞིག་ལས་དགོངས་ཏེ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་རྣམས་སངས་རྒྱས་སུ་འགྱུར་རོ་ཞེས་ལུང་བསྟན་པ་མཛད། ཅི་ཞིག་ལས་དགོངས་ཏེ་བྱང་ཆུབ་སེམས་དཔས་ཡང་དག་པར་བསྒྲུབ་པ་དང་། སངས་རྒྱས་ཀྱི་ཆེ་བ་ཉིད་དང་། སེམས་ཅན་ཡོངས་སུ་སྨིན་པ་དང་།
D60.042.0049a07.01