完整藏文原文 · 德格版页 当前仅加载第 42 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
བསམས་ཏེ། བདག་གིས་འཛམ་བུའི་གླིང་དང་། ནུབ་ཀྱི་བ་ལང་སྤྱོད་དང་། ཤར་གྱི་ལུས་འཕགས་པོ་ལ་ནི་དབང་བྱས་ན་ད་ནི་བདག་བྱང་གི་སྒྲ་མི་སྙན་གྱི་གླིང་ཆེན་པོར་འགྲོའོ། །དེའི་མི་རྣམས་ནི་ང་ཡིར་བྱ་བ་མེད་ཅིང་ཡོངས་སུ་འཛིན་པ་མེད་མོད་ཀྱི། འོན་ཀྱང་དེར་སོང་སྟེ་རང་གི་དཔུང་གི་
D60.042.0160b01.01ཚོགས་ལ་རྗེས་སུ་བསྟན་པར་བྱའོ་སྙམ་པ་དང་། སེམས་བསྐྱེད་མ་ཐག་ཏུ་རྒྱལ་པོ་ང་ལས་ནུ་དེ་དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་ནམ་མཁའ་ལ་མངོན་པར་འཕགས་ནས་ཤར་གྱི་ལུས་འཕགས་པོའི་གླིང་ཆེན་པོ་ནས་བྱང་གི་སྒྲ་མི་སྙན་གྱི་གླིང་ཆེན་པོར་ཕྱིན་པར་གྱུར་ཏེ། དེས་
D60.042.0160b02.01དེར་ཡང་མི་རྣམས་ང་ཡིར་བྱ་བ་མེད་ཅིང་ཡོངས་སུ་འཛིན་པ་མེད་པའི་ནང་དུ་ལོ་བརྒྱ་སྟོང་ཕྲག་དུ་མར་བདག་གི་དཔུང་གི་ཚོགས་རྣམས་ལ་རྗེས་སུ་བསྟན་ཏོ། །རྒྱལ་པོ་ཆེན་པོ་དེ་ནས་ལོ་བརྒྱ་སྟོང་ཕྲག་མང་པོ་འདས་པ་ཞིག་ན་རྒྱལ་པོ་ང་ལས་ནུ་དེ་འདི་སྙམ་དུ་སེམས་ཏེ། བདག་གིས་འཛམ་བུའི་གླིང་ལ་ནི་
D60.042.0160b03.01དབང་བྱས། ཞག་བདུན་དུ་ནི་ཁྱིམ་དུ་དབྱིག་གི་ཆར་བབ། བདག་གིས་ནུབ་ཀྱི་བ་ལང་སྤྱོད་ཀྱི་གླིང་ཆེན་པོ་ལ་ཡང་དབང་བྱས། བདག་གིས་ཤར་གྱི་ལུས་འཕགས་ཀྱི་གླིང་ཆེན་པོ་ལ་ཡང་དབང་བྱས། བདག་གིས་བྱང་གི་སྒྲ་མི་སྙན་གྱི་གླིང་ཆེན་པོ་ལ་ཡང་དབང་བྱས་ན། ད་ནི་སུམ་ཅུ་རྩ་
D60.042.0160b04.01གསུམ་པ་ཞེས་བྱ་བའི་ལྷ་རི་རབ་ཀྱི་རྩེ་མོ་ལ་འཁོད་པ་ཞིག་ཡོད་ཅེས་གྲག་གིས་སུམ་ཅུ་རྩ་གསུམ་གྱི་གནས་སུ་འགྲོའོ་སྙམ་དུ་བསམས་སོ། །རྒྱལ་པོ་ཆེན་པོ་དེ་ནས་རྒྱལ་པོ་ང་ལས་ནུས་སེམས་བསྐྱེད་མ་ཐག་ཏུ་དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་ནམ་མཁའ་ལ་མངོན་པར་
D60.042.0160b05.01འཕགས་ནས་རི་རབ་ཀྱི་རྩེ་མོ་ལ་ཕྱིན་པར་གྱུར་ཏོ། །དེའི་ཚེ་སུམ་ཅུ་རྩ་གསུམ་པའི་ལྷ་རྣམས་ཆོས་བཟང་ལྷའི་མདུན་ས་ཞེས་བྱ་བ་ན་འདུས་ཤིང་འཁོད་འཁོད་པ་ལས་ལྷའི་དབང་པོ་བརྒྱ་བྱིན་གྱིས་རྒྱལ་པོ་ང་ལས་ནུ་རྒྱང་རིང་པོ་ནས་འོང་བ་མཐོང་སྟེ། མཐོང་ནས་སྟན་གྱི་ཕྱེད་ལ་བདར་ཏེ་རྒྱལ་པོ་ཆེན་པོ་ཚུར་
D60.042.0160b06.01སྤྱོན་རྒྱལ་པོ་ཆེན་པོ་བྱོན་པ་ལེགས་སོ། །གང་གི་དུས་ལ་དབབ་པར་ཤེས་ན་སྟན་གྱི་ཕྱེད་ལ་བཞུགས་ཤིག་ཅེས་སྨྲས་པ་དང་། རྒྱལ་པོ་ང་ལས་ནུ་ལྷའི་དབང་པོ་བརྒྱ་བྱིན་གྱི་སྟན་གྱི་ཕྱེད་ལ་འདུག་གོ །རྒྱལ་པོ་ང་ལས་ནུ་བརྒྱ་བྱིན་གྱི་སྟན་ཕྱེད་ལ་འདུག་མ་ཐག་ཏུ་སུམ་ཅུ་རྩ་གསུམ་
D60.042.0160b07.01