完整藏文原文 · 德格版页 当前仅加载第 42 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
འཐབ་བྲལ་བ་ལུང་བསྟན་པའི་ལེའུ་སྟེ་བཅུ་དྲུག་པའོ།། །།དེ་ནས་དགའ་ལྡན་རིས་ཀྱི་ལྷ་བྱེ་བ་ཕྲག་བརྒྱད་ཅུས་ལྷ་མ་ཡིན་རྣམས་ནས་འཐབ་བྲལ་གྱི་རིས་ཀྱི་ལྷའི་བར་དེ་དག་གི་མཆོད་པ་ཡང་མཐོང་། ལུང་བསྟན་པ་ཡང་ཐོས་ནས་འདི་སྙམ་དུ་སེམས་ཏེ།
D60.042.0063b01.01གང་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པའི་ཆོས་དེ་གང་ཞིག་ཅི་གཟུགས་སམ། འོན་ཏེ་ཚོར་བའམ། འོན་ཏེ་འདུ་ཤེས་སམ། འོན་ཏེ་འདུ་བྱེད་དམ། འོན་ཏེ་རྣམ་པར་ཤེས་པ་ཞིག་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་
D60.042.0063b02.01རྫོགས་པའི་བྱང་ཆུབ་ཏུ་ལུང་བསྟན་སྙམ་ནས་དེ་དག་འདི་སྙམ་དུ་སེམས་ཏེ། གཟུགས་ནི་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་མ་བསྟན་ཏོ། །ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ནི་བཅོམ་ལྡན་འདས་ཀྱིས་
D60.042.0063b03.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་མ་བསྟན་ཏོ། །དེ་ཅིའི་ཕྱིར་ཞེ་ན། གཟུགས་ཀྱང་མ་སྐྱེས་པ། བྱང་ཆུབ་ཀྱང་མ་སྐྱེས་པ་ན་ཇི་ལྟར་མ་སྐྱེས་པས་མ་སྐྱེས་པ་མངོན་པར་རྫོགས་པར་འཚང་རྒྱ་བར་བྱ། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་
D60.042.0063b04.01པར་ཤེས་པ་ཡང་མ་སྐྱེས་པ། བྱང་ཆུབ་ཀྱང་མ་སྐྱེས་པ་ན་དེ་ལ་ཇི་ལྟར་མ་སྐྱེས་པས་མ་སྐྱེས་པ་མངོན་པར་རྫོགས་པར་འཚང་རྒྱ་བར་བྱ། གཟུགས་ཀྱང་འགག་པ་མེད་པ། བྱང་ཆུབ་ཀྱང་འགག་པ་མེད་པ། རྣམ་པར་ཤེས་པའི་བར་ཡང་འགག་པ་མེད་པ། བྱང་ཆུབ་ཀྱང་
D60.042.0063b05.01འགག་པ་མེད་པ། གཟུགས་ཀྱང་སྤྲོས་པ་མེད་པ། བྱང་ཆུབ་ཀྱང་སྤྲོས་པ་མེད་པ། རྣམ་པར་ཤེས་པའི་བར་ཡང་སྤྲོས་པ་མེད་པ། བྱང་ཆུབ་ཀྱང་སྤྲོས་པ་མེད་པ། གཟུགས་ཀྱང་གཉིས་སུ་མེད་པ། བྱང་ཆུབ་ཀྱང་གཉིས་སུ་མེད་པ། རྣམ་པར་ཤེས་པའི་བར་ཡང་
D60.042.0063b06.01གཉིས་སུ་མེད་པ། བྱང་ཆུབ་ཀྱང་གཉིས་སུ་མེད་པ། གཟུགས་ཀྱང་གཡོ་བ་མེད་པ། བྱང་ཆུབ་ཀྱང་གཡོ་བ་མེད་པ་རྣམ་པར་ཤེས་པའི་བར་ཡང་གཡོ་བ་མེད་པ། བྱང་ཆུབ་ཀྱང་གཡོ་བ་མེད་པ། གཟུགས་ཀྱང་དམིགས་སུ་མེད་པ། བྱང་ཆུབ་ཀྱང་དམིགས་སུ་མེད་པ་
D60.042.0063b07.01