完整藏文原文 · 德格版页 当前仅加载第 42 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེ་བ་ལུང་བསྟན་པའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་གནས་གཙང་མའི་རིས་ཀྱི་ལྷ་རྣམས་ཀྱིས་དེའི་ཚེ་སེམས་ཅན་དཔག་ཏུ་མེད་པ་བྱང་ཆུབ་ཏུ་ཡང་དག་པར་ཞུགས་པར་རིག་ཅིང་སངས་རྒྱས་ཀྱི་ཆོས་རྣམས་ལ་ཐེ་ཚོམ་མེད་པར་གྱུར་པར་རིག་ནས་ཚིམ་
D60.042.0094b01.01ཞིང་མགུ་ལ་ཡི་རངས་ཏེ་རབ་ཏུ་དགའ་ཞིང་དགའ་བ་དང་ཡིད་བདེ་བ་སྐྱེས་ནས་བཅོམ་ལྡན་འདས་ལ་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་སོ་སོ་ནས་མངོན་པར་བསྟོད་དོ། །དེ་ལ་ལྷའི་བུ་སྦྱིན་པ་ལ་མོས་པས་གསོལ་པ། ཁྱོད་ཀྱིས་སྡུག་པའི་སྲས་རྣམས་དང་། །
D60.042.0094b02.01བཙུན་མོ་དང་ནི་སྲོག་ཕངས་བཏང་། །རྒྱལ་སྲིད་བཏང་བར་ཅི་སྨོས་ཏེ། །སྦྱིན་མཐར་ཕྱིན་ལ་ཕྱག་ཀྱང་འཚལ། །ལྷའི་བུ་ཚུལ་ཁྲིམས་ལ་མོས་པས་གསོལ་པ། ཁྱོད་ཀྱིས་ཚུལ་ཁྲིམས་རྣམ་སྦྱངས་པ། །རྣམ་པ་ཀུན་ཏུ་བསྙེངས་མི་མངའ། །ཤིན་ཏུ་བསླབས་པས་
D60.042.0094b03.01མཐར་ཕྱིན་པ། །ཁྲིམས་མཐར་ཕྱིན་ལ་ཕྱག་ཀྱང་འཚལ། །ལྷའི་བུ་བཟོད་པ་ལ་མོས་པས་གསོལ་པ། །ཁྱོད་ཀྱིས་བཟོད་པ་བསྟེན་མཛད་པས། །ཡན་ལག་གཏུབས་པའང་བཟོད་པར་མཛད། །ཟབ་མོར་སྒྱིད་ལུག་མ་ལགས་ཏེ། །བཟོད་མཐར་ཕྱིན་ལ་ཕྱག་ཀྱང་འཚལ། །
D60.042.0094b04.01ལྷའི་བུ་བརྩོན་འགྲུས་ལ་མོས་པས་གསོལ་པ། བརྩོན་པ་མ་བཏང་བརྩོན་འགྲུས་ཏེ། །སྟོབས་ཆེན་བརྩོན་འགྲུས་ལྡན་གྱུར་པས། །རྫོགས་པའི་བྱང་ཆུབ་མཆོག་བརྙེས་པ། །བརྩོན་མཐར་ཕྱིན་ལ་ཕྱག་ཀྱང་འཚལ། །ལྷའི་བུ་བསམ་གཏན་ལ་མོས་པས་གསོལ་པ། །ཁྱོད་
D60.042.0094b05.01ཀྱིས་བསམ་གཏན་བསྟེན་མཛད་པ། །དེ་ལ་འཇིག་རྟེན་གཏིང་མི་རྙེད། །དུས་གསུམ་མཉམ་པ་ཉིད་བརྙེས་པ། །བསམ་གཏན་མཐར་ཕྱིན་ཕྱག་ཀྱང་འཚལ། །ལྷའི་བུ་གཟི་བརྗིད་དང་ལྡན་པས་གསོལ་པ། །དཔའ་བོས་ཤེས་རབ་ཕ་རོལ་ཕྱིན། །ཡང་དང་ཡང་ནི་
D60.042.0094b06.01བསྒོམས་པས་ན། །ཐམས་ཅད་མཁྱེན་པ་ཉིད་བརྙེས་པ། །ཤེས་རབ་མཐར་ཕྱིན་ཕྱག་ཀྱང་འཚལ། །ལྷའི་བུ་ཁམས་ཀྱི་བློ་གྲོས་ཀྱིས་གསོལ་པ། སྦྱིན་པ་དག་དང་ངག་སྙན་དང་། །དོན་སྤྱད་འཐུན་པའི་དོན་དག་གིས། །འཇིག་རྟེན་འདི་དག་ཁྱོད་ཀྱིས་བཏུལ། །
D60.042.0094b07.01