完整藏文原文 · 德格版页 当前仅加载第 42 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལན་གསུམ་སྐོར་བ་བྱེད་ཅིང་རིན་པོ་ཆེའི་མེ་ཏོག་རྣམས་ཀྱིས་གཏོར་ནས་ཚིགས་སུ་བཅད་པ་དག་གིས་བཅོམ་ལྡན་འདས་ལ་མངོན་པར་བསྟོད་པ། གདུལ་དཀའ་མི་བཟད་སེམས་ནི་ཁྱོད་ཀྱིས་བཏུལ། །གཡུལ་ལ་དཔའ་བས་གཡུལ་ངོར་དཔའ་བོ་
D60.042.0026a01.01བཞིན། །ཤིན་ཏུ་ཚར་བཅད་རང་གིས་དབང་དུ་མཛད། །ཐུགས་དུལ་མི་བསྙེངས་ཁྱོད་ལ་ཕྱག་འཚལ་ལོ། །ཁྱོད་ཀྱིས་དབང་པོ་ཐུལ་ཅིང་དགྲ་ཡང་བཅོམ། །གང་དུའང་མི་བསྙེངས་མི་བསྐྱོད་བདེ་བ་བརྙེས། །ཁྱོད་ནི་ཉོན་མོངས་རྣམས་ཀྱིས་ཡང་མི་འཁྲུགས། །རྣམ་
D60.042.0026a02.01པ་ཀུན་ཏུ་དུག་ནི་མ་ལུས་བཅོམ། །མཐུ་ཆེན་ཁྱོད་ཀྱིས་བྱམས་པ་ལེགས་བསྒོམས་ཏེ། །ཁྱོད་ཀྱི་ཐུགས་ནི་དགྲ་དང་བྱམས་ལ་མཉམ། །ཐུབ་པ་ཁྱོད་ཀྱིས་སེམས་ཅན་བློ་གྲོས་བཤིག །འགྲོ་བ་ཀུན་དུ་ཁྱོད་ནི་བཞུད་མི་མངའ། །ཤེས་རབ་རྣམ་གྲོལ་སྲིད་པའི་སྲེད་པ་
D60.042.0026a03.01བསྐམས། །ཤེས་རབ་རྣམ་དག་ཁྱོད་ཀྱི་ཐུགས་ཀྱང་དག །ཆོས་རྣམས་ཀུན་ལ་ཐུགས་ནི་ཆགས་མི་མངའ། །ཐམས་ཅད་ཟིལ་མནན་ཐུབ་མཆོག་ཁྱོད་འདྲ་མེད། །ལྷ་མ་ཡིན་གྱི་དབང་པོ་གཡུལ་ལ་མངོན་པར་དགའ་བས་ཇི་ལྟར་བྱས་པ་དེ་བཞིན་དུ་ལྷ་མ་ཡིན་གྱི་དབང་པོ་
D60.042.0026a04.01མིག་{བཟངས་ཀྱིས་,བཟང་གིས་}ཀྱང་། བཅོམ་ལྡན་འདས་ལ་མཆོད་པ་བྱས་ནས་རིན་པོ་ཆེ་སྣ་བདུན་གྱི་ཤིང་རྟ་ལ་ཞོན་ཏེ། བཅོམ་ལྡན་འདས་ལ་ལན་གསུམ་སྐོར་བ་བྱེད་ཅིང་བཅོམ་ལྡན་འདས་ལ་གཏེར་ཆེན་པོ་ཡང་ཕུལ་ནས་ཚིགས་སུ་བཅད་པ་དག་གིས་བཅོམ་ལྡན་འདས་ལ་མངོན་པར་བསྟོད་
D60.042.0026a05.01པ། དཔའ་བོ་ཆེན་པོ་ཁྱོད་ཀྱིས་ནི། །ཆོས་རྣམས་ཡང་དག་མཚན་ཉིད་མཁྱེན། །གང་འདི་ཆོས་ཞེས་བརྗོད་པ་ཡང་། །དེ་ནི་བརྡར་བཏགས་ཚིག་ཏུ་ཟད། ཆོས་རྣམས་ཆོས་ཀྱི་ངོ་བོ་ཡིས། །རྣམ་པ་ཀུན་ཏུ་མི་དམིགས་སོ། །གང་འདི་ཆོས་ཤེས་བརྗོད་པ་ཡང་། །
D60.042.0026a06.01དེ་ནི་མིང་ཙམ་ཟད་ཅེས་གསུངས། །མིང་ནི་མིང་གིས་དབེན་པ་སྟེ། །མཚན་ཉིད་ཀྱང་ནི་དེ་བཞིན་ནོ། །ཆོས་རྣམས་མཚན་ཉིད་མེད་པ་སྟེ། །མིང་ཡང་མེད་ཅེས་ཁྱོད་ཀྱིས་བཤད། །རབ་ཏུ་བཤད་ཅེས་བགྱི་བ་ཡང་། །བཤད་པ་ཅི་ཡང་མ་མཆིས་ཏེ། །གང་གིས་ཀྱང་ནི་
D60.042.0026a07.01