完整藏文原文 · 德格版页 当前仅加载第 42 函德格 46a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་དྲི་ཟ་བྱེ་བ་ཕྲག་སུམ་ཅུ་རྩ་དྲུག་པོ་དེ་དག་གི་ལྷག་པའི་བསམ་པ་ཐུགས་སུ་ཆུད་ནས་འཛུམ་པ་མཛད་དོ། །དེ་ནས་ཚེ་དང་ལྡན་པ་རྟ་ཐུལ་གྱིས་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། བདེ་གཤེགས་མཐའ་ཡས་གཟིགས་པས་འཛུམ་
D60.042.0046a01.01པ་མཛད། །འདྲེན་པ་རྒྱུ་མ་མཆིས་པར་མི་འཛུམ་ན། །བདེ་གཤེགས་འཛུམ་པའི་རྒྱུ་ནི་མྱུར་དུ་གསུངས། །ནེམ་ནུར་གནོད་གྱུར་རྣམས་ཀྱི་ཐེ་ཚོམ་སོལ། །བདེ་གཤེགས་ཁྱོད་ཀྱི་ཞལ་གྱི་འཛུམ་མཐོང་ནས། །སྐྱེ་བོ་འདི་དག་ཐེ་ཚོམ་རྙེད་པར་འགྱུར། །འཛུམ་པའི་དོན་ནི་དེ་དག་ཉན་
D60.042.0046a02.01པར་འཚལ། །ཐུབ་ཆེན་འགྲོ་བའི་ཐེ་ཚོམ་བསལ་དུ་གསོལ། །བདེ་བར་གཤེགས་ཀྱི་བསྟན་ལ་སུ་ཞིག་ཞུགས། །ཐེ་ཚོམ་བྲལ་ཞིང་སོམ་ཉི་བསལ་བར་གྱུར། །བཅོམ་ལྡན་འདས་ཀྱིས་གང་གི་བསམ་མཁྱེན་ནས། །མི་ཡི་མཆོག་གིས་འཛུམ་པ་བསྟན་པ་མཛད། །སུ་ཞིག་
D60.042.0046a03.01བདེ་གཤེགས་བཀའ་སྩལ་ཚུལ་བཞིན་དུ། །བློ་གྲོས་རྟོགས་པ་ཆོས་བཞིན་གནས་པར་གྱུར། །གང་གིས་བློ་གྲོས་དྲན་རྟོགས་བློ་མཁྱེན་ནས། །བདེ་གཤེགས་འགྲོ་བའི་ནང་དུ་འཛུམ་པ་མཛད། །འགྲོ་བ་འདི་དག་བློ་གཞན་ཡོངས་བཏང་སྟེ། །བདེ་གཤེགས་འཛུམ་དོན་ཞལ་ནས་
D60.042.0046a04.01ཐོས་པར་དགའ། །སོར་བཅུ་ཐལ་སྦྱར་མགོ་ལ་བཞག་བགྱིས་ཤིང་། །དགའ་བའི་ཡིད་ཀྱིས་སྟོན་པའི་ཞལ་དུ་ལྟ། །ཉོན་མོངས་བྲལ་ཞིང་མྱ་ངན་རབ་སྤངས་པ། །དགྱེས་པའི་ཐུགས་མངའ་ཐུབ་ཆེན་འཇིག་རྟེན་མིག །འགྲོ་བའི་ཡིད་གཉིས་སོམ་ཉི་བསལ་དུ་གསོལ། །རྒྱལ་བ་
D60.042.0046a05.01ཐུགས་རྗེ་ལྡན་པས་འཛུམ་རྒྱུ་གསུངས། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རྟ་ཐུལ་ལ་ཚིགས་སུ་བཅད་དེ་སླར་བཀའ་སྩལ་པ། འགྲོ་བའི་དོན་དུ་འཛུམ་པ་ངས་མཛད་པ། །ཁྱོད་ཀྱིས་དོན་དྲིས་འཐུན་ཞིང་ལེགས་པ་སྟེ། །འཛུམ་པ་དེ་ཡི་དོན་ནི་ལུང་བསྟན་པས། །སྐྱེ་
D60.042.0046a06.01བོའི་ཚོགས་ཆེན་དོན་ནི་དེ་རིང་འཕེལ། །འཛུམ་མཛད་རྒྱུ་དེ་རྟ་ཐུལ་མཉན་པར་གྱིས། །རྣམ་པར་འདྲེན་པས་འཛུམ་པ་འདི་མཛད་པ། །དེ་ནི་མ་ལོག་པར་ཡང་ངས་བསྟན་གྱིས། །བསྟན་པ་དེ་ལ་དགའ་བའི་སེམས་ཀྱིས་ཉོན། །དྲི་ཟ་འདི་རྣམས་ཆོས་ཀྱི་རྗེས་སྙེགས་ཤིང་། །བདེ་
D60.042.0046a07.01