完整藏文原文 · 德格版页 当前仅加载第 42 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་དོ། །དེའི་ལྷའི་འཁོར་ལོ་རིན་པོ་ཆེ་དེས་ཤར་ཕྱོགས་སུ་རྣམ་པར་རྒྱལ་བར་བྱས་ཏེ། ཤར་ཕྱོགས་ཀྱི་རྒྱ་མཚོ་ལས་རྒལ་ནས་མདུན་དུ་ཤིང་རྟའི་སྲོག་ཤིང་བཙུགས་པ་ལྟར་འདུག་པར་གྱུར་ཏོ། །དེ་བཞིན་དུ་ལྷོ་ཕྱོགས་དང་། ནུབ་ཕྱོགས་སུ་ཡང་རྒྱ་ཆེར་རྣམ་པར་རྒྱལ་བར་བྱས་ནས། བྱང་
D60.042.0157b01.01ཕྱོགས་སུ་བྱང་གི་སྒྲ་མི་སྙན་གྱི་གླིང་ཆེན་པོའི་བར་ལས་རྣམ་པར་རྒྱལ་བར་བྱས་ཏེ། བྱང་ཕྱོགས་ཀྱི་རྒྱ་མཚོ་ལས་རྒལ་ནས་འཁོར་ལོས་སྒྱུར་བའི་རྒྱལ་པོའི་ཕོ་བྲང་གི་སྒོའི་སྟེང་དུ། ཤིང་རྟའི་སྲོག་ཤིང་བཙུགས་པ་བཞིན་དུ་འདུག་པར་གྱུར་ཏོ། །རྒྱལ་པོ་སའི་ལྷས་འཁོར་ལོ་རིན་པོ་ཆེ་
D60.042.0157b02.01བསྐོར་མ་ཐག་ཏུ་དེ་ནས་དེའི་མོད་ལ་གླིང་ཆེན་པོ་བཞི་པ་ཐམས་ཅད་རིན་པོ་ཆེའི་རང་བཞིན་བཀྲ་བ་བལྟ་ན་སྡུག་པར་གནས་པར་གྱུར་ཏེ། རིན་པོ་ཆེ་སྣ་བདུན་ནི་འདི་ལྟ་སྟེ། གསེར་དང་། དངུལ་དང་། བཻ་དཱུརྱ་དང་། ཤེལ་དང་། མུ་ཏིག་དམར་པོ་དང་། སྤུག་དང་། རྡོའི་སྙིང་པོ་དང་བདུན་ནོ། །
D60.042.0157b03.01རྒྱལ་པོ་སའི་ལྷས་འཁོར་ལོ་རིན་པོ་ཆེ་དེ་བསྐོར་མ་ཐག་ཏུ་སེམས་ཅན་དམྱལ་བ་ཐམས་ཅད་རྒྱུན་ཆད་པར་གྱུར། དུད་འགྲོའི་སྐྱེ་གནས་ཐམས་ཅད་དང་། གཤིན་རྗེའི་འཇིག་རྟེན་ཐམས་ཅད་དང་། ལྷ་མ་ཡིན་གྱི་རིས་ཐམས་ཅད་དང་། མི་ཁོམ་པ་ཐམས་ཅད་ཀྱང་རྒྱུན་ཆད་པར་གྱུར་ཏོ། །མི་
D60.042.0157b04.01དགེ་བའི་སྒྲ་རྣམས་ཀྱང་ཡོངས་སུ་ནུབ་པར་གྱུར་ཏོ། །འདི་ལྟར་རྒྱལ་པོ་སའི་ལྷའི་སྔོན་གྱི་སྨོན་ལམ་གྱིས་གླིང་ཆེན་པོ་བཞི་པོ་ཐམས་ཅད་དུ་མ་རྨོས་མ་བཏབ་པའི་འབྲས་བུ་སཱ་ལུའི་འབྲུ་ཡང་བྱུང་བར་གྱུར། དཔག་བསམ་གྱི་ཤིང་རྣམ་པ་སྣ་ཚོགས་ཀྱང་བྱུང་བར་གྱུར་ཏོ། །སེམས་ཅན་དེ་དག་
D60.042.0157b05.01གི་ནད་ཀྱི་རྣམ་པ་ཡང་འདི་ལྟ་སྟེ། འདོད་པ་དང་། ཁ་ཟས་མི་ཟ་བ་དང་། རྒ་བ་གསུམ་མ་གཏོགས་པར་ཐམས་ཅད་རྒྱུན་ཆད་པར་གྱུར་ཏོ། །སེམས་ཅན་དེ་དག་གི་ཚེའི་ཚད་ནི་ལོ་བྱེ་བ་ཚང་བར་གྱུར་ཏོ། །སེམས་ཅན་དེ་དག་ལ་སྡུག་བསྔལ་གྱི་སྡུག་བསྔལ་ཡང་ཐམས་ཅད་དུ་མི་མངོན་
D60.042.0157b06.01ཞིང་མི་གནོད་པར་གྱུར་ཏེ། དེའི་ཚེ་འདི་དག་དང་གཞན་ཡང་ངོ་མཚར་རྨད་དུ་བྱུང་བ་མཐའ་ཡས་པ་བྱུང་བར་གྱུར་ཏོ། །རྒྱལ་པོ་ཆེན་པོ་དེ་ནས་རྒྱལ་པོ་སའི་ལྷ་དེ་འདི་སྙམ་དུ་སེམས་ཏེ། མིའི་འཇིག་རྟེན་ན་ལོངས་སྤྱོད་འདི་ལྟ་བུ་ཡོད་ན་ལོངས་སྤྱོད་འདི་བས་རྒྱ་ཆེ་བ་དང་། འདི་ལས་
D60.042.0157b07.01