完整藏文原文 · 德格版页 当前仅加载第 42 函德格 18b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །བཅོམ་ལྡན་འདས་བལྟམ་མ་ཐག་ཏུ་སུས་ཀྱང་མ་བརྟེན་པར་ས་ཆེན་པོ་ལ་གོམ་པ་བདུན་བཞུད་དེ། ཕྱོགས་བཞིར་གཟིགས་ནས་གསུང་བརྗོད་པ། ང་ནི་འཇིག་རྟེན་ན་མཆོག། ང་ནི་འཇིག་རྟེན་ན་གཙོ་བོ། ང་ནི་འཇིག་རྟེན་ན་རབ་སྟེ། ངས་སྐྱེ་བ་དང་། རྒ་བ་དང་། ན་བ་དང་། འཆི་
D60.042.0018b01.01བ་མཐར་དབྱུང་ངོ་ཞེས་གསུངས་པ་དེའི་ཚེ་ཡང་བདག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་གཏུགས་ཏེ་ཕྱག་བགྱིས་སོ། །གང་གི་ཚེ་བཅོམ་ལྡན་འདས་ཞིང་པའི་གྲོང་དུ་བཞུད་ནས་འཛམ་བུའི་གྲིབ་མ་བསིལ་བ་ལ་བཞུགས་པའི་ཚེ་ཉི་མ་ཡོལ་ཡང་འཛམ་བུའི་གྲིབ་
D60.042.0018b02.01མས་བཅོམ་ལྡན་འདས་ཀྱི་སྐུ་མ་བཏང་སྟེ། ལྷའི་བུ་གཞོན་ནུ་དྲུག་ཐལ་མོ་སྦྱར་ནས་ཕྱག་འཚལ་ཞིང་འཁོད་པར་གྱུར་པ་དེའི་ཚེ་ཡང་བདག་གིས་བཅོམ་ལྡན་འདས་ལ་ཕྱག་བགྱིས་སོ། །ད་ཡང་བཅོམ་ལྡན་འདས་ལ་འདི་དང་ལན་གསུམ་དུ་ཕྱག་འཚལ་ལོ་ཞེས་སྨྲས་ནས་དེའི་ཚེ་ཚིགས་
D60.042.0018b03.01སུ་བཅད་པ་འདི་དག་ཀྱང་སྨྲས་སོ། །གང་ཚེ་རྐང་གཉིས་གཙོ་བོ་ཁྱོད་བལྟམས་ནས། །ས་ཆེན་འདི་ལ་གོམ་པ་བདུན་བཞུད་དེ། །ང་ནི་འཇིག་རྟེན་ན་ནི་མཆོག་ཅེས་གསུངས། །དེ་ཚེ་མཁས་པ་ཁྱོད་ལ་བདག་ཕྱག་འཚལ། །གང་ཚེ་ཐུབ་ཆེན་ཞིང་པའི་གྲོང་བཞུད་ཚེ། །འཛམ་བུའི་གྲིབ་
D60.042.0018b04.01མས་བཞུགས་པ་མ་བཏང་ཞིང་། །ལྷ་བུ་གཞོན་ནུ་དྲུག་གིས་བཏུད་གྱུར་པ། །དེ་ཚེ་མཆོད་འོས་ཁྱོད་ལ་བདག་ཕྱག་འཚལ། །ང་ཡང་འདི་དང་ཁྱོད་ལ་ལན་གསུམ་དུ། །ཐུབ་པ་ཁྱོད་ཀྱི་ཞབས་ལ་ཕྱག་འཚལ་ལོ། །ཐུགས་རྗེ་ཆེ་མངའ་ལྷ་མིས་མཆོད་པ་གཙོ། །ཁྱོད་འདྲ་
D60.042.0018b05.01འཇིག་རྟེན་མ་མཆིས་ལྷག་ཅི་སྨོས། །མཚན་ནི་དོན་གྲུབ་ལགས་ཞེས་སྔོན་བརྗོད་པ། །ཕ་དང་མ་ཡིས་བསམས་ཏེ་བཏགས་པ་ལགས། །ཁྱོད་ཀྱི་བསམ་རྫོགས་བདུད་རྩི་བརྙེས་པས་ན། །དོན་གྲུབ་ལགས་པར་བདག་གིས་ད་གདོད་འཚལ། །དེ་ནས་འདོད་པ་ན་སྤྱོད་
D60.042.0018b06.01པའི་ལྷ་རྣམས་ཀྱིས་དེའི་ཚེ་བཅོམ་ལྡན་འདས་ཀྱི་སེང་གེའི་ཁྲི་ལྷའི་ཡིད་བཞིན་གྱི་རས་བཅོས་བུ་བཏིང་བ་རྣམ་པ་སྣ་ཚོགས་སུ་སྤེལ་བ་བཤམས་སོ། །ཐམས་ཅད་དང་ལྡན་པའི་ནྱ་གྲོ་དྷའི་ཀུན་དགའ་ར་བར་ཡང་ལྷའི་ཡིད་བཞིན་གྱི་རས་བཅོས་བུས་ཡོག་པར་བཏིང་ངོ་། །སྟེང་དུ་ཡང་
D60.042.0018b07.01