完整藏文原文 · 德格版页 当前仅加载第 42 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
མཁྱེན། །ལྷའི་བུ་ཁམས་ངེས་པས་གསོལ་པ། ཁམས་དེ་དང་ནི་ལེན་པ་དང་། །བཤེས་གཉེན་དེ་དང་དེ་འགྲོགས་པ། །དེ་ལ་ཁྱོད་ཀྱི་མཁྱེན་པ་དེས། །དེ་ཕྱིར་ཐེ་ཚོམ་ཡོང་མི་མངའ། །ལྷའི་བུ་ཁམས་ལ་རྟེན་པས་གསོལ་པ། སེམས་ཅན་གང་ན་གནས་གནས་པའི། །
D60.042.0105b01.01འཁོར་བ་དེ་དང་ཁམས་དེ་དང་། །སྤྱོད་དང་སྐད་དང་འགྲོ་བ་རྣམས། །མི་མཆོག་ཁྱོད་ཀྱིས་རབ་ཏུ་མཁྱེན། །ལྷའི་བུ་ཁམས་ལ་མཁས་པས་གསོལ་པ། ཡེ་ཤེས་གང་གིས་ཁམས་དེ་ནི། །འདྲེན་པས་མངོན་པར་མཁྱེན་པ་ཡི། །མཁྱེན་དེ་མཁྱེན་པས་སྟོང་ངོ་ཞེས། །བླ་མཆོག་
D60.042.0105b02.01མངའ་བས་ཡང་དག་བསྟན། །ལྷའི་བུ་ཁམས་ནས་ངེས་པར་འབྱུང་གིས་གསོལ་པ། ཁམས་གང་ལ་ནི་བསྟེན་བགྱིས་ན། །འདུས་བྱས་དག་ལ་ཇི་སྲིད་གནས། །དེ་ནི་ཁྱོད་ཀྱིས་ཇི་བཞིན་མཁྱེན། །ཁྱོད་ལ་དོ་ཟླ་མ་མཆིས་སོ། །ལྷའི་བུ་ཁམས་ཀྱི་རྗེས་སུ་སོང་བས་གསོལ་པ།
D60.042.0105b03.01ཁམས་གང་ལ་ནི་བསྟེན་བགྱིས་པས། །ཡོན་ཏན་ཇི་སྙེད་བསྐྱེད་པ་དང་། །རྣམ་པར་སྨིན་དང་འབྲས་བུ་དག །དེ་དག་མ་ལུས་ཁྱོད་ཀྱིས་མཁྱེན། །ལྷའི་བུ་ཁམས་ལ་ཡང་དག་ཞུགས་པས་གསོལ་པ། ཁམས་གང་ལ་ནི་བསྟེན་བགྱིད་ཅིང་། །འགྲོ་བ་ཅི་འདྲ་འདོད་བགྱིད་པ། །
D60.042.0105b04.01དེ་ཡང་ཁྱོད་ཀྱིས་ཐོགས་མེད་མཁྱེན། །དེ་ཕྱིར་ཁྱོད་ནི་མཁས་པས་མཆོད། །ལྷའི་བུ་ལམ་མངོན་པར་ཤེས་པས་གསོལ་པ། ཁམས་གང་ལ་ནི་བསྟེན་བགྱིས་པས། །འགྲོ་བ་ཅི་འདྲ་མཆི་བ་ཡི། །སེམས་ཅན་རྣམས་ཀྱི་ལམ་དག་ཀྱང་། །ཡེ་ཤེས་མཁས་པ་ཁྱོད་ཀྱིས་མཁྱེན། །
D60.042.0105b05.01ལྷའི་བུ་ལམ་ལ་མི་འཇིགས་པས་གསོལ་པ། སེམས་ཅན་ལོག་པ་ཉིད་ངེས་ཤིང་། །མྱ་ངན་འདས་འགྲོ་སྐལ་མེད་པ། །ཕུང་པོ་གསུམ་པོ་དེ་དག་ལ། །ཁྱོད་ཀྱི་ཡེ་ཤེས་ངེས་པར་འཇུག །ལྷའི་བུ་ལམ་གྱིས་ངེས་པར་བྱུང་གིས་གསོལ་པ། སེམས་ཅན་ཡང་དག་ཉིད་ངེས་ཏེ། །
D60.042.0105b06.01ངན་འགྲོར་འགྲོ་བའི་སྐལ་མེད་པ། །དེ་ལ་འཇིག་རྟེན་སྒྲོན་མ་ཁྱོད། །རྟོགས་པ་ཐོགས་པ་མེད་པར་འཇུག །ལྷའི་བུ་ལམ་ལ་མོས་པས་གསོལ་པ། མ་ངེས་ཕུང་པོར་གྱུར་པ་ལ། །གང་ཟག་གང་རྣམས་གནས་པ་རྣམས། །དེ་ལ་ངན་སོང་ངན་འགྲོ་དང་། །མྱ་ངན་འདས་པའང་ཁྱོད་
D60.042.0105b07.01