完整藏文原文 · 德格版页 当前仅加载第 42 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ཀླུའི་བུ་མོ་དེ་དག་གི་མཆོད་པ་ཡང་མཐོང་། ལུང་བསྟན་པ་ཡང་ཐོས། ཡོངས་སུ་རྫོགས་པར་ཡང་རིག་ནས་ཀླུའི་རྒྱལ་པོ་དགའ་བོ་དང་། ཉེ་དགའ་ལ་སོགས་པ་ཀླུ་བྱེ་བ་ཕྲག་དགུ་བཅུ་ངོ་མཚར་ཐོབ་པར་གྱུར་ཏེ། འདི་ལྟར་དེ་བཞིན་གཤེགས་པ་དེ་སེམས་ཅན་ཐམས་ཅད་ཀྱི་བསམ་པ་མཁྱེན་ཅིང་བཅོམ་
D60.042.0039b01.01ལྡན་འདས་དེ་ལ་མི་མཁྱེན་པ་འམ། མ་གཟིགས་པའམ། མ་གསན་པའམ། མངོན་དུ་མ་མཛད་པ་གང་ཡང་མེད་ཅིང་བཅོམ་ལྡན་འདས་ཀྱི་ཆོས་ནི་ལེགས་པར་གསུངས་པ། ཡང་དག་པར་མཐོང་བ། རིམས་ནད་མེད་པ། དུས་ཆད་པ་མེད་པ། ཉེ་བར་གཏོད་པ། འདི་མཐོང་བ་ལ་དོན་ཡོད་པ། མཁས་པ་རྣམས་
D60.042.0039b02.01ཀྱིས་རང་གིས་རིག་པར་བྱ་བ་ནི་ངོ་མཚར་རྨད་དུ་བྱུང་བ་སྟེ། དེ་བཞིན་གཤེགས་པ་དེ་ནི་རྫུ་འཕྲུལ་ཆེ་ཞིང་མཐུ་ཆེ་བ་མངའ་བའོ། །འདི་ལྟར་བུད་མེད་དུ་གྱུར་པ། རྒོད་པ། མི་བརྟེན་པ། མི་གནས་པ་རྣམས་ཀྱིས་ཀྱང་བཅོམ་ལྡན་འདས་ཀྱིས་ཆོས་བསྟན་པ་ཡོངས་སུ་ཤེས་པ་དང་། དེ་ལྟར་བཅོམ་ལྡན་འདས་ཀྱི་
D60.042.0039b03.01སློབ་མ་དགེ་འདུན་ཡང་ལེགས་པར་ཞུགས་པ། དྲང་པོར་ཞུགས་པ། རིགས་པར་ཞུགས་པ། འཐུན་པར་ཞུགས་པ། འདི་ལྟར་བུད་མེད་དུ་གྱུར་པ་འདོད་ཆགས་དང་། ཞེ་སྡང་དང་། གཏི་མུག་མི་བཟད་པ་དང་ལྡན་པ་རྣམས་ཀྱང་། བཅོམ་ལྡན་འདས་ཀྱི་གསུང་རབ་ལ་འཇུག་པ་ནི་ངོ་མཚར་ཆེའོ་སྙམ་སྟེ། ངོ་མཚར་ཐོབ་པ་དེ་དག་གིས་
D60.042.0039b04.01བཅོམ་ལྡན་འདས་ལ་མཆོད་པའི་ཕྱིར་འཛམ་བུའི་གླིང་རྒྱ་མཚོའི་རིའི་མཐས་གཏུགས་པ་ཐམས་ཅད་སྤོས་ཀྱི་སྤྲིན་ཆེན་པོས་ཀུན་ནས་ཡོག་པར་བྱས་ཏེ། ཐམས་ཅད་དང་ལྡན་པའི་འཇིག་རྟེན་འདི་སྤོས་ཀྱི་ངད་ཀྱིས་ཁྱབ་པར་བྱས་སོ། །སྤོས་ཀྱི་དྲིའི་ངད་དེས་ཀྱང་སངས་རྒྱས་ཀྱི་ཞིང་ཐམས་ཅད་རྒྱས་པར་གང་བར་གྱུར་ནས།
D60.042.0039b05.01སེམས་ཅན་གང་དག་གིས་སྤོས་ཀྱི་དྲི་དེ་ཚོར་བར་གྱུར་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །བཅོམ་ལྡན་འདས་ལ་མཆོད་པ་བྱ་བའི་ཕྱིར་སེར་སྐྱའི་གནས་ཀྱི་གྲོང་ཁྱེར་ཆེན་པོ་ཐམས་ཅད་ཀྱང་དཔག་ཚད་དྲུག་ཅུ་ཚུན་ཆད་མུ་ཏིག་དམར་པོས་པུས་མོ་ནུབ་
D60.042.0039b06.01ཙམ་དུ་རྒྱས་པར་གང་བར་བྱས་སོ། །ནྱ་གྲོ་དྷའི་ཀུན་དགའ་ར་བ་དེ་ཡང་རིན་ཐང་མེད་པའི་ནོར་བུ་རིན་པོ་ཆེས་ཆལ་པར་བཀང་ངོ་། །ཀླུའི་མེ་ཏོག་གི་འདུན་ཁང་རྒྱར་དཔག་ཚད་དྲུག་ཅུ་ཡོད་པ། རིན་པོ་ཆེ་སྣ་བདུན་གྱི་ཀ་བ་དང་ལྡན་པ་དག་མངོན་པར་སྤྲུལ་ཏོ། །ཀླུའི་རོལ་མོ་སིལ་སྙན་དཔག་ཏུ་མེད་པ་དག་ཀྱང་
D60.042.0039b07.01