完整藏文原文 · 德格版页 当前仅加载第 42 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
བམ་པོ་བཅུ་གཅིག་པ། ལྷའི་བུ་ཆོས་ཀྱིས་འཕགས་ཀྱིས་གསོལ་པ། སངས་རྒྱས་ཆོས་ཀྱིས་མངོན་འཕགས་ཤིང་། །འཇིགས་པ་མེད་པར་འདུལ་མཛད་པའི། །གསུང་པའི་མཆོག་གྱུར་ཁྱོད་མཐོང་ནས། །བརྟུལ་ཞུགས་མཆོག་ཅན་བྱང་ཆུབ་ཚོལ། །ལྷའི་བུ་
D60.042.0114a01.01ཆོས་འཛིན་གྱིས་གསོལ་པ། ཐུབ་པ་ཟབ་ཅིང་བལྟ་དཀའ་བའི། །ཆོས་ནི་ཁྱོད་ཀྱིས་རབ་བསྟན་པ། །ཁྱོད་ཀྱི་སྲས་ཀྱིས་ཐོས་གྱུར་ནས། །དེ་དག་བླ་མེད་བྱང་ཆུབ་ཚོལ། །ལྷའི་བུ་ལྟ་བ་མེད་པས་གསོལ་པ། ཁྱོད་ཀྱི་སེང་གེའི་གསུང་ཐོས་ནས། །ཁྱོད་ཀྱི་སྲས་པོ་དཔའ་དེས་པ། །
D60.042.0114a02.01ལུས་དང་སྲོག་ལ་མི་ལྟ་བར། །བྱང་ཆུབ་དོན་དུ་གཉེར་བ་བགྱིད། །ལྷའི་བུ་གཞན་དུ་མི་སེམས་པའི་བློ་གྲོས་ཀྱིས་གསོལ་པ། ཐུབ་པ་བསྙེངས་པ་མི་མངའ་བ། །ཁྱོད་ཀྱི་དམ་ཆོས་འདི་ཐོས་ནས། །གཞན་དུ་སེམས་པ་མ་མཆིས་པར། །བརྟུལ་ཞུགས་མཆོག་ཅན་བྱང་ཆུབ་
D60.042.0114a03.01ཚོལ། །ལྷའི་བུ་གཞན་དུ་མི་འགྲོ་བས་གསོལ་པ། མི་དབང་ཁྱོད་ཀྱི་གསུང་ཐོས་ནས། །ཐེག་པ་གཉིས་པོ་སྤང་བགྱིས་ཤིང་། །ལམ་གཞན་དུ་ནི་མི་མཆི་བར། །བླ་ན་མེད་པའི་བྱང་ཆུབ་ཚོལ། །ལྷའི་བུ་ཉེ་བར་གནས་ཀྱིས་གསོལ་པ། །སེང་གེའི་ང་རོ་འདི་བསྒྲགས་པ། །རྒྱལ་
D60.042.0114a04.01བའི་སྲས་ཀྱིས་ཐོས་གྱུར་ན། །བྱང་ཆུབ་མཆོག་ལ་ཉེར་གྱུར་ཅིང་། །དེ་དག་རྐང་གཉིས་དམ་པར་འགྱུར། །ལྷའི་བུ་སྤོབས་པ་ཉེ་བར་གྱུར་པས་གསོལ་པ། གྲགས་ཆེན་ཁྱོད་ཀྱིས་གསུང་བརྗོད་པའི། །སྤོབས་པ་དེ་ནི་ཐོས་གྱུར་ནས། །སངས་རྒྱས་ཆོས་ལ་ཁྱོད་ཀྱི་སྲས། །ཀུན་ཀྱང་
D60.042.0114a05.01དགའ་བ་རབ་ཏུ་བསྐྱེད། །ལྷའི་བུ་སྤོབས་པ་ཐོབ་པས་གསོལ་པ། འཇིགས་མེད་ཁྱོད་ཀྱིས་གསུང་བསྒྲགས་པ། །མ་སྨད་སྲས་ཀྱིས་ཐོས་གྱུར་ན། །དེ་དག་སྤོབས་པ་ནམ་དུ་ཡང་། །སངས་རྒྱས་ཉིད་ལས་ཕྱིར་མི་ལྡོག །ལྷའི་བུ་རྟག་ཏུ་རབ་དགས་གསོལ་པ། འཇིགས་མེད་
D60.042.0114a06.01ཁྱོད་ཀྱིས་གསུང་བསྒྲགས་པས། །སྟོབས་ཆེན་ཁྱོད་ཀྱི་སྲས་ཀྱི་རྣམས། །རྟག་ཏུ་རབ་ཏུ་དགའ་འགྱུར་ཅིང་། །མ་སྨད་དེ་དག་བྱང་ཆུབ་ཚོལ། །ལྷའི་བུ་ཡིད་ཞུམ་པ་མེད་པས་གསོལ་པ། ཁྱོད་ཀྱིས་གསུང་བསྒྲགས་ཐོས་གྱུར་ནས། །རྐང་གཉིས་དམ་པ་ཁྱོད་ཀྱི་སྲས། །དགའ་ཞིང་
D60.042.0114a07.01