完整藏文原文 · 德格版页 当前仅加载第 42 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ནས་ཉོན་མོངས་སྤྱོད་བགྱིད་ཅིང་། །ཀུན་ནས་ཉོན་མོངས་མ་འཚལ་ན། །དམ་པའི་ཆོས་ནི་ཤེས་མི་ནུས། །དེ་སྐད་བདེ་བར་གཤེགས་པས་གསུངས། །ལྷའི་བུ་སྡིག་མཐོང་གིས་གསོལ་པ། སྡིག་པ་རྣམས་ལ་བསྟེན་བྱས་ཀྱང་། །དགེ་བ་མི་འགྲིབ་གང་སྨྲ་བ། །
D60.042.0115a01.01དེ་ནི་ཐར་ཆོས་སྐལ་མེད་ཅེས། །རྐང་གཉིས་དམ་པ་ཁྱོད་ཀྱིས་གསུངས། །ལྷའི་བུ་གདུལ་བར་བྱ་བས་གསོལ་པ། ཆགས་པ་གདུལ་བར་གང་འདོད་དང་། །ཞེ་སྡང་གཏི་མུག་འདུལ་འདོད་པས། །ཐུབ་པའི་སྤོབས་པ་ཅི་འདྲ་བ། །དེ་ལྟ་བུར་ནི་ནན་ཏན་བགྱི། །ལྷའི་བུ་ཀུན་ནས་ཉོན་མོངས་པ་དག་
D60.042.0115a02.01པས་གསོལ་པ། དག་དང་ཀུན་ནས་ཉོན་མོངས་པ། །མི་མཁས་གང་རྣམས་མི་ཤེས་པ། །དེ་དག་སྟོན་པ་སངས་རྒྱས་མིན། །དེ་སྐད་དྲང་སྲོང་མཆོག་གིས་གསུངས། །ལྷའི་བུ་ཐར་པ་ལ་བརྩོན་གྱིས་གསོལ་པ། །ཉོན་མོངས་འགྲིབ་པར་འགྱུར་བའི་ཆོས། །རྒྱལ་བ་ཡིས་ནི་གང་
D60.042.0115a03.01བསྟན་པ། །དེ་བསྟེན་ཉོན་མོངས་མི་ཟད་ཅེས། །ཁྱོད་ལ་རྒོལ་བ་ཡོང་མ་མཆིས། །ལྷའི་བུ་ཐར་པ་ལ་མངོན་པར་ཕྱོགས་པས་གསོལ་པ། ཆོས་གང་ཉོན་མོངས་གང་གི་རྣམས། །ཟད་འགྱུར་ཐུབ་པས་བསྟན་པ་ལ། །ཡང་དག་བརྩོན་བྱས་མི་ཟད་ཅེས། །རྒོལ་བ་འདི་ནི་ཡོང་མི་
D60.042.0115a04.01དམིགས། །ལྷའི་བུ་རྣལ་འབྱོར་ལ་མངོན་པར་བརྩོན་པས་གསོལ་པ། རྒྱལ་བ་ཁྱོད་ཀྱིས་ཉན་ཐོས་ལ། །གང་གི་དོན་དུ་ཆོས་བསྟན་པ། །དེ་བརྩོན་བགྱིས་པས་མི་འཐོབ་ཅེས། །འདི་ན་ཁྱོད་ལ་རྒོལ་མ་མཆིས། །ལྷའི་བུ་མི་འཇིགས་དཔལ་གྱིས་གསོལ་པ། འདོད་ཆགས་སྤང་ཕྱིར་
D60.042.0115a05.01མི་སྡུག་པ། །བསྟན་ལ་ཡང་དག་བརྩོན་བགྱིས་ན། །འདོད་ཆགས་ཟད་པར་མི་འགྱུར་ཞེས། །ཁྱོད་ལ་རྒོལ་བ་ཡོང་མ་མཆིས། །ལྷའི་བུ་འགྲོ་བ་མེད་པ་རབ་ཏུ་ཤེས་ཀྱིས་གསོལ་པ། ཤིན་ཏུ་བསྙེངས་པ་མི་མངའ་བས། །ཞེ་སྡང་སྤང་ཕྱིར་བྱམས་གསུངས་པ། །དེ་བསྒྲུབས་སེལ་
D60.042.0115a06.01བར་མི་འགྱུར་ཞེས། །དགྲ་འཇོམས་ཁྱོད་ལ་རྒོལ་མ་མཆིས། །ལྷའི་བུ་མིག་རྣམ་པར་དག་གིས་གསོལ་པ། ཤེས་རབ་གཏི་མུག་སྤང་བའི་ཕྱིར། །གསུངས་པ་དེ་ལ་བསྟེན་བགྱིས་ཀྱང་། །གཏི་མུག་སེལ་བར་མི་འགྱུར་ཞེས། །འདི་ན་ཁྱོད་ལ་རྒོལ་མ་མཆིས། །ལྷའི་བུ་རྣམ་པར་
D60.042.0115a07.01