完整藏文原文 · 德格版页 当前仅加载第 42 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
མདུན་ན་བཞུགས་པར་མཐོང་། །དེ་ནི་རྒྱལ་བའི་སངས་རྒྱས་མ་འདྲེས་མཚན། །བཅོམ་ལྡན་འདས་ཀྱིས་གསུང་གཅིག་བརྗོད་པ་ལ། །སྐྱེ་བོ་བསམ་པ་ཇི་བཞིན་སོ་སོར་འཚལ། །ཐུབ་པ་ཁྱོད་ཀྱི་གསུང་དེ་དེ་ལྟར་འབྱུང་། །དེ་ནི་རྒྱལ་བའི་སངས་རྒྱས་མ་
D60.042.0027a01.01འདྲེས་མཚན། །བཅོམ་ལྡན་འདས་ཀྱིས་གསུང་གཅིག་བརྗོད་པ་ལ། །འཁོར་གྱིས་ཐ་དད་གསུང་དུ་རྣམ་འཚལ་ཅིང་། །འགྲོ་བས་རང་དོན་ཅི་ལྟ་བཞིན་དུའང་འཚལ། །དེ་ནི་རྒྱལ་བའི་སངས་རྒྱས་མ་འདྲེས་མཚན། །གསུང་གཅིག་རབ་ཏུ་བརྗོད་པ་མཛད་པས་ནི། །གཅིག་ལ་
D60.042.0027a02.01འཇོག་གི་གཞན་ནི་དགག་པར་མཛད། །འདྲེན་པ་སུ་དག་མ་བསླབས་རྟོག་པར་མཛད། །དེ་ནི་རྒྱལ་བའི་སངས་རྒྱས་མ་འདྲེས་མཚན། །ལྷ་མ་ཡིན་གྱི་དབང་པོ་རྣམ་པར་སྣང་བྱེད་ཀྱིས་ཇི་ལྟར་བྱས་པ་དེ་བཞིན་དུ་ལྷ་མ་ཡིན་གྱི་དབང་པོ་བཏང་བཟུང་གིས་ཀྱང་། བཅོམ་ལྡན་འདས་ལ་
D60.042.0027a03.01མཆོད་པ་བྱས་ནས་རིན་པོ་ཆེ་སྣ་བདུན་གྱི་ཤིང་རྟ་ལ་ཞོན་ཏེ། བཅོམ་ལྡན་འདས་ལ་ལན་གསུམ་སྐོར་བ་བྱེད་ཅིང་མུ་ཏིག་དམར་པོས་སྙིམ་པ་བཀང་སྟེ་གཏོར་ནས་ཚིགས་སུ་བཅད་པ་དག་གིས་བཅོམ་ལྡན་འདས་ལ་མངོན་པར་བསྟོད་པ། རྒྱགས་དང་ང་རྒྱལ་སྡིག་པའི་ལྟ་བ་སྤྱོད་པ་གང་། །
D60.042.0027a04.01ཡིད་དགའ་རབ་ཏུ་དང་བས་མི་དབང་བདེ་གཤེགས་ཀྱི། །བློ་ལ་མངོན་པར་དགའ་བ་དེ་དག་བག་མཆིས་ཏེ། །མཚུངས་མེད་བསྙེན་བཀུར་བགྱིད་པ་དེ་དག་སྟོན་པའི་སྲས། །ཆོས་རྣམས་འདི་དག་ངོ་བོ་ཉིད་ཀྱིས་མ་མཆིས་ཏེ། །རྨི་ལམ་དགའ་བ་ཐམས་ཅད་ཚད་མ་མ་ལགས་འདྲ། །
D60.042.0027a05.01རྨི་ལམ་དགའ་སྤྱོད་མ་མཆིས་ཀྱང་ནི་འདུ་ཤེས་མཆིས། །དེ་ལྟར་རྒྱལ་བས་ཆོས་རྣམས་ཐམས་ཅད་རབ་ཏུ་གཟིགས། །སྟོན་ཀའི་སྤྲིན་དང་མཚུངས་ཤིང་ཆུ་ཡི་ཟླ་བ་འདྲ། །བྱིས་པའི་བློ་ལྡན་རྣམས་ཀྱི་ཡིད་ནི་རྨོངས་པར་བགྱི། །གང་དག་རྟག་ཏུ་བག་མཆིས་བདེ་གཤེགས་བློ་
D60.042.0027a06.01མངའ་བ། །མཁས་པའི་སྐྱེ་བོ་དག་ལ་འདི་ནི་རྨོངས་མི་བགྱིད། །རྒྱལ་བ་ཁྱོད་ཀྱི་བསྟན་ལ་རྟག་ཏུ་བག་མཆིས་གང་། །མི་མཆོག་དམ་པ་དེ་དག་མི་དལ་ཡོད་མི་མཆི། །ཆོས་རྣམས་ཐམས་ཅད་རྨི་ལམ་འདྲ་བར་རྣམ་བརྟགས་ནས། །ཡང་དག་མཐོང་བ་དེ་དག་ཏིང་འཛིན་
D60.042.0027a07.01