完整藏文原文 · 德格版页 当前仅加载第 42 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་བུ་མཚན་མ་མེད་པ་ལ་དགའ་བས་གསོལ་པ། །གང་གིས་མཚན་མ་རྣམ་བཤིག་པ། །དེ་དག་སངས་རྒྱས་ཆོས་ལ་དགའ། །བླ་མའི་གནས་ལ་གནས་པ་སྟེ། །སེམས་ཅན་ཀུན་གྱི་མཆོད་རྟེན་ལགས། །ལྷའི་བུ་མཚན་མ་མེད་པ་ལ་རྟེན་པས་གསོལ་པ། ཞི་
D60.042.0100b01.01ལ་སྤྱོད་ཅིང་རྣམ་གྲོལ་བ། །སངས་རྒྱས་འཇིག་རྟེན་བླ་ན་མེད། །འབྱུང་པོ་ཀུན་གྱི་སྐྱབས་དང་རྟེན། །དཔུང་གཉེན་དེ་བཞིན་གནས་ཀྱང་ལགས། །ལྷའི་བུ་མཚན་མ་མེད་པ་ལ་མོས་པས་གསོལ་པ། མཚན་མ་མེད་ལ་མོས་གྱུར་ཅིང་། །ཞི་བ་དགྲ་ལས་རྒྱལ་གྱུར་
D60.042.0100b02.01པ། །སངས་རྒྱས་རྒལ་བ་འགྲོ་སྒྲོལ་བ། །དེ་དག་ཚད་ནི་ག་ལ་མཆིས། །ལྷའི་བུ་སྨོན་པ་མེད་པ་རྟོགས་ཀྱིས་གསོལ་པ། མགོན་པོ་གང་དག་སྨོན་ལམ་ནི། །རྣམ་པ་ཀུན་ཏུ་མི་དམིགས་པ། །དེ་དག་འཇིག་རྟེན་བྲལ་བ་སྟེ། །སངས་རྒྱས་འཇིག་རྟེན་ནང་ནས་བྱུང་། །
D60.042.0100b03.01ལྷའི་བུ་སྨོན་པ་མེད་པ་ལ་སྟེན་པས་གསོལ་པ། ཞི་བའི་ཐུགས་དང་ལྡན་པ་ཁྱོད། །སྲིད་པ་རྣམས་སུ་སྨོན་མི་མཛད། །སྲེད་པ་ཡོངས་སུ་ཆད་པས་ན། །སངས་རྒྱས་འཇིག་རྟེན་ཡོང་མི་གོས། །ལྷའི་བུ་སྨོན་པ་མེད་པས་སྐྱེས་ཀྱིས་གསོལ་པ། གང་གིས་སྲིད་པ་ཡོངས་
D60.042.0100b04.01བཅོམ་པ། །དེ་དག་གཟི་མཆོག་སྐྱེས་པ་སྟེ། །དེ་དག་འཇིག་རྟེན་མགོན་པོའི་སྲས། །རང་གི་ཡབ་ལ་ཕྱག་ཀྱང་འཚལ། །ལྷའི་བུ་སྨོན་པ་མེད་པས་བསྐྱེད་ཀྱིས་གསོལ་པ། ཁྱོད་ཀྱི་སྲས་རྣམས་མ་སྨད་པ། །སྲེད་པ་ཡོངས་སུ་བཅད་པས་ན། །སྲིད་པ་འཇིག་
D60.042.0100b05.01བགྱིད་སྲིད་པ་ལ། །དེ་དག་སྨོན་པ་མི་བགྱིད་དོ། །ལྷའི་བུ་སྨོན་པ་མེད་པས་ཡོངས་སུ་གྲོལ་བས་གསོལ་པ། གང་དག་སྨོན་པ་མི་བགྱིད་པ། །གཟི་ལྡན་ཁྱོད་ཀྱི་སྲས་ཀྱི་རྣམས། །རེ་བ་བཏང་ཞིང་བཅིངས་གྲོལ་བ། །དེ་དག་ཡོངས་སུ་གྲོལ་བར་འགྱུར། །ལྷའི་བུ་སྨོན་
D60.042.0100b06.01པ་མེད་པས་བྱུང་གིས་གསོལ་པ། གང་གིས་སྲེད་པ་རབ་བཅོམ་པ། །དེ་དག་མྱ་ངན་དགོན་པ་རྒལ། །དེ་དག་མི་སྐོམ་ཟང་ཟིང་མེད། །དཔའ་ཆེན་ཁྱོད་ལ་དེང་ཕྱག་འཚལ། །ལྷའི་བུ་སྨོན་པ་མེད་ལ་ངེས་པས་གསོལ་པ། གང་གིས་སྲིད་དང་སྡུག་བསྔལ་དང་། །བདེ་
D60.042.0100b07.01