完整藏文原文 · 德格版页 当前仅加载第 42 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
བ་མཐའ་ཡས་རྣམ་པར་འགྲེལ་པར་འགྱུར། །རྒྱལ་བ་དེ་དག་མཚན་དུ་འགྱུར་བ་ནི། །རང་བྱུང་ཆོས་ལ་རྣམ་དེས་རྒྱལ་པོའོ། །དེ་ལྟར་རྒྱལ་བས་དགའ་ལྡན་ལྷ་རྣམས་ཀྱི། །བསམ་པ་མཁྱེན་ཏེ་འགྲོ་ལ་བསྟན་མཛད་པ། །དེ་ཐོས་ནས་ནི་ལྷར་བཅས་འཇིག་རྟེན་ཡང་། །ཡི་རངས་གྱུར་
D60.042.0066b01.01ཅིང་སྟོབས་ཀྱང་ཐོབ་པར་འགྱུར། །དགའ་ལྡན་པ་ལུང་བསྟན་པའི་ལེའུ་སྟེ་བཅུ་བདུན་པའོ།། །།དེ་ནས་དེའི་ཚེ་རབ་འཕྲུལ་ལ་སོགས་པ་འཕྲུལ་དགའ་བ་བྱེ་བ་ཕྲག་བདུན་ཅུས་ལྷ་མ་ཡིན་རྣམས་ནས་དགའ་ལྡན་རིས་ཀྱི་བར་གྱི་ལྷ་དེ་དག་གི་མཆོད་པ་ཡང་མཐོང་།
D60.042.0066b02.01ལུང་བསྟན་པ་ཡང་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ནས་ཡང་དག་པའི་མཐའ་ལ་གནས་ཤིང་དེ་བཞིན་ཉིད་ལ་ཐེ་ཚོམ་མེད་པར་གྱུར་ནས་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་
D60.042.0066b03.01འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསུངས་པའི་དོན་བདག་གིས་འཚལ་བ་ལྟར་ན། ཆོས་ཐམས་ཅད་ནི་ཡང་དག་པའི་མཐའ་དང་། སྒྲིབ་པ་མ་མཆིས་པའི་མཐའ་དང་། མཐའ་ཡས་པའི་མཐའ་དང་།
D60.042.0066b04.01མི་གནས་པའི་མཐའ་དང་། མི་ཟད་པའི་མཐའ་དང་། མི་གཉིས་པའི་མཐའ་སྟེ། མཐའ་མ་མཆིས་པའོ། །བཅོམ་ལྡན་འདས་དེ་ལ་མ་ནོར་བའི་སླད་དུ་ཡང་དག་པའི་མཐའ་ཞེས་བགྱིའོ། །ཚད་མ་མཆིས་པའི་སླད་དུ་མཐའ་ཡས་པའི་མཐའ་ཞེས་བགྱིའོ། །ཆགས་པ་མ་མཆིས་པའི་སླད་དུ་
D60.042.0066b05.01སྒྲིབ་པ་མ་མཆིས་པའི་མཐའ་ཞེས་བགྱིའོ། །ངོ་བོ་ཉིད་མ་མཆིས་པའི་སླད་དུ་མི་གནས་པའི་མཐའ་ཞེས་བགྱིའོ། །འབྱུང་བ་མཆིས་པའི་སླད་དུ་མི་ཟད་པའི་མཐའ་ཞེས་བགྱིའོ། །རོ་གཅིག་པའི་སླད་དུ་མི་གཉིས་པའི་མཐའ་ཞེས་བགྱིའོ། །མཐའ་མ་མཆིས་པའི་སླད་དུ་མཐའ་མ་མཆིས་པ་ཞེས་
D60.042.0066b06.01བགྱིའོ། །བཅོམ་ལྡན་འདས་ཡང་དག་པའི་མཐའ་འདི་ནི་ཐམས་ཅད་ཀྱི་རྗེས་སུ་སོང་བ་ལགས་ཏེ། ཆོས་གང་ཡང་དག་པའི་མཐའ་མ་ལགས་པའི་ཆོས་དེ་གང་ཡང་མ་མཆིས་སོ། །བཅོམ་ལྡན་འདས་བྱང་ཆུབ་ཅེས་བགྱི་བ་འདི་ནི་ཡང་དག་པའི་མཐའ་སྟེ། བྱང་ཆུབ་གང་ཞེ་ན། བཅོམ་ལྡན་
D60.042.0066b07.01