完整藏文原文 · 德格版页 当前仅加载第 42 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
མ་བསྟན་ཏེ། །སྒྱུ་མ་སྨིག་རྒྱུ་མིག་ཡོར་དང་། །བྲག་ཅ་ལྟ་བུར་ཁྱོད་ཀྱིས་བསྟན། །ལྷའི་བུ་དུས་གསུམ་དཔོག་གིས་གསོལ་པ། འདྲེན་པ་ཁྱོད་ཀྱི་མཁྱེན་པ་ནི། །དུས་གསུམ་པོ་དག་ཀུན་དུ་ཡང་། །སྒྱུ་མ་ལྟ་བུར་མཁྱེན་པས་ན། །ཁྱོད་ཀྱི་དབང་པོ་ཆགས་མི་མངའ། །ལྷའི་བུ་མོས་པ་ཡོངས་སུ་རིག་པར་
D60.042.0117b01.01བྱེད་ཀྱིས་གསོལ་པ། གང་གི་ནུབ་མོ་དཔའ་ཁྱོད་ཀྱིས། །བྱང་ཆུབ་མངོན་དུ་བགྱིས་གྱུར་པ། །དེ་དུས་ཚུན་ཆད་མོས་པ་ལ། །བྲི་བར་གྱུར་པར་ཡོང་མི་གདའ། །ལྷའི་བུ་མོས་པ་ཡང་དག་ཐོབ་ཀྱིས་གསོལ་པ། འཇིག་རྟེན་སྒྲོལ་མའི་མོས་པ་ནི། །བར་དུ་རྒྱུན་ཆད་མི་འགྱུར་ཏེ། །རྟག་པར་ཁྱོད་ཀྱི་མོས་པ་
D60.042.0117b02.01དེས། །ཁྱོད་ཀྱི་སྲས་རྣམས་མོས་པ་ཆེ། །ལྷའི་བུ་མོས་པས་མངོན་འཕགས་ཀྱིས་གསོལ་པ། ཆབ་ལས་པད་མ་ཇི་བཞིན་དུ། །ཁྱོད་ནི་མོས་པས་མངོན་དུ་འཕགས། །འཇིག་རྟེན་དག་གིས་མི་གོས་ཏེ། །པད་མ་ཆབ་ཀྱིས་ཇི་བཞིན་ནོ། །ལྷའི་བུ་མོས་པས་ཡོངས་སུ་གྲོལ་གྱིས་གསོལ་པ།
D60.042.0117b03.01འཇིག་རྟེན་མགོན་དང་མོས་པ་ནི། །ཆོས་ཀྱི་དབྱིངས་ཞེས་བརྗོད་པ་སྟེ། །གཉིས་མེད་གཉིས་སུ་བགྱིད་མ་མཆིས། །སྨད་པ་མེད་པ་ཁྱོད་ཀྱིས་གཟིགས། །ལྷའི་བུ་བརྩོན་འགྲུས་ཡང་དག་ཐོབ་ཀྱིས་གསོལ་པ། གཟི་བརྗིད་ཆེན་པོ་བརྩོན་འགྲུས་ཀྱིས། །བྱང་ཆུབ་ཡང་དག་བརྙེས་པར་གྱུར། །མཛད་
D60.042.0117b04.01པ་མཛད་ཀྱང་མགོན་པོ་ཁྱོད། །བརྩོན་འགྲུས་བཏང་བ་ཡོང་མ་མཛད། །ལྷའི་བུ་དྲན་པ་ཕུན་སུམ་ཚོགས་པས་གསོལ་པ། དཔའ་བོ་ཆེན་པོའི་དགོངས་པ་ནི། །ཐམས་ཅད་ཀུན་གྱི་རྗེས་སུ་འཇུག །མཛད་པ་མཛད་ཀྱང་མགོན་པོ་ཁྱོད། །དགོངས་པ་བྲི་བ་ཡོང་མ་མཆིས། །ལྷའི་བུ་སེམས་མཉམ་པར་
D60.042.0117b05.01བཞག་པས་གསོལ་པ། མགོན་པོ་རྟག་ཏུ་མཉམ་བཞག་སྟེ། །སེམས་ཅན་རྣམས་ཀྱི་སྤྱོད་པ་མཁྱེན། །འདྲེན་པ་སྤྱོད་པའི་དབང་གིས་ནི། །སེམས་ཅན་རྣམས་ལ་ཆོས་ཀྱང་སྟོན། །ལྷའི་བུ་ཤེས་རབ་ལྷུར་ལེན་གྱིས་གསོལ་པ། འཇིག་རྟེན་སྒྲོན་མར་གྱུར་ཁྱོད་ཀྱི། །ཡེ་ཤེས་རྒྱ་མཚོའི་མཐའ་
D60.042.0117b06.01མ་ནི། །བསྐལ་པ་བྱེ་བར་བརྗོད་བགྱིས་ཀྱང་། །སངས་རྒྱས་རྣམས་ཀྱིས་བཤད་མི་སྤྱོད། །ལྷའི་བུ་རྣམ་པར་གྲོལ་བ་ལ་མཁས་པས་གསོལ་པ། རྣམ་པར་གྲོལ་དང་མ་གྲོལ་བ། །གང་སླད་ཁྱོད་ཀྱིས་མ་བརྙེས་པས། །མཚུངས་པ་མེད་པ་ཁྱོད་ལ་ནི། །རྣམ་གྲོལ་ཡོངས་སུ་ཉམས་མི་མངའ། །
D60.042.0117b07.01