完整藏文原文 · 德格版页 当前仅加载第 42 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །མཆོག་ཏུ་འཛིན་པའི་སྦྱིན་པ་སྨོད་ཅིང་མཆོག་ཏུ་འཛིན་པ་མེད་པའི་སྦྱིན་པ་བསྔགས་པར་འགྱུར་རོ། །མཆོག་ཏུ་འཛིན་པའི་ཚུལ་ཁྲིམས་ལ་དམོད་ཅིང་མཆོག་ཏུ་འཛིན་པ་མེད་པའི་ཚུལ་ཁྲིམས་བསྔགས་པར་འགྱུར་རོ། །དེས་དེའི་ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་བག་ལ་
D60.042.0124b01.01ཉལ་དང་བཅས་པར་སྤོང་བར་འགྱུར་རོ། །ཡང་ན་དེ་ལ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྟོན་ཏེ། དེ་བསྒོམས་པས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་འགྱུར་རོ། །དེ་ལ་ཐབས་ལ་མཁས་པ་ཡང་སྟོན་ཏོ། །དེ་དང་ལྡན་པས་མྱུར་དུ་ཐམས་ཅད་མཁྱེན་པ་ཉིད་དུ་ངེས་པར་འབྱུང་
D60.042.0124b02.01བར་འགྱུར་རོ། །ཀུན་ཏུ་རྒྱུ་དག་དེ་ལ་སེམས་ཅན་དམྱལ་བ་ནས་ཤི་འཕོས་པའི་གང་ཟག་གིས་ནི་དགེ་བའི་བཤེས་གཉེན་ལ་བརྟེན་ཏེ། དུས་གསུམ་མཉམ་པ་ཉིད་མཉན་པར་བྱའོ། །ཐོས་ནས་ཀྱང་ཤས་ཆེར་གནས་པར་བྱ་སྟེ། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་
D60.042.0124b03.01དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དག་ན་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། འཁོར་བཞི་བོ་མང་པོ་ཡོད་པ་དག་ཏུ་གནས་པར་བྱ་ཞིང་དེ་དག་དང་འགྲོགས་པར་བྱའོ། །དེས་འགྲོ་བ་བྱས་ཏེ་གོམས་པའི་རྗེས་སུ་འགྲོ་བས་ཆོས་
D60.042.0124b04.01ཐམས་ཅད་ནི་དངོས་པོ་མེད་པའི་ངོ་བོ་ཉིད་དོ་ཞེས་དུས་གསུམ་མཉམ་པ་ཉིད་མངོན་དུ་འགྱུར་རོ། །ཀུན་ཏུ་རྒྱུ་དག་དེ་ལ་དུད་འགྲོའི་སྐྱེ་གནས་ནས་ཤི་འཕོས་པའི་གང་ཟག་གིས་ནི་དགེ་བའི་བཤེས་གཉེན་ལ་བརྟེན་ཏེ། གཏི་མུག་གི་གཉེན་པོར་བསྟན་བཅོས་ལ་མཁས་པའི་སྐྱེ་བོ་དང་ལྷན་ཅིག་
D60.042.0124b05.01དགའ་བར་གནས་པར་བྱའོ། །དེས་དེའི་གཏི་མུག་སྤོང་བར་འགྱུར་ཏེ། དེས་བསྟན་བཅོས་དེ་དང་བསྟན་བཅོས་ཤེས་པ་དེ་དག་རང་བཞིན་གྱིས་ཡང་དག་པར་བརྟག་པར་བྱའོ། །དེའི་ཕྱིར་དེ་ལ་བསྟན་བཅོས་དང་བསྟན་བཅོས་ཤེས་པ་རྣམས་ཀྱང་རང་བཞིན་མེད་དོ། །རང་བཞིན་མེད་
D60.042.0124b06.01དོ་ཞེས་བྱ་བར་སྣང་བར་གྱུར་ཏེ། དེས་དེ་ལ་དུས་གསུམ་མཉམ་པ་ཉིད་མངོན་དུ་འགྱུར་ཞིང་མྱུར་དུ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རོ། ཀུན་ཏུ་རྒྱུ་དག་དེ་ལ་གཤིན་རྗེའི་འཇིག་རྟེན་ནས་ཤི་འཕོས་པའི་གང་ཟག་གིས་ནི་གང་ལ་རྟེན་ན་དེའི་སྦྱིན་པའི་བློ་སྐྱེ་བར་འགྱུར་བ་དང་།
D60.042.0124b07.01