完整藏文原文 · 德格版页 当前仅加载第 42 函德格 36b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་བྱས་པ་དེ་བཞིན་དུ་མཆོད་པ་རྒྱ་ཆེར་བྱས་སོ། །དེ་ནས་དེ་དག་གིས་རོལ་མོ་སིལ་སྙན་བྱེ་བ་ཕྲག་དགུ་བཅུ་རྩ་དྲུག་པོ་དེ་དག་བྱས་པའི་སྒྲས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྒྱས་པར་གང་བར་གྱུར་ཏེ། སེམས་ཅན་གང་དག་གིས་རོལ་མོའི་སྒྲ་དེ་ཐོས་པ་དེ་དག་ཐམས་ཅད་ཀྱང་བླ་ན་
D60.042.0036b01.01མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། ནོར་བུ་སྐར་མདོག་གི་བླ་རེ་དག་དང་། རིན་པོ་ཆེ་སྣ་བདུན་གྱི་ལྡ་ལྡི་དེ་དག་དང་། དྲིལ་བུ་གཡེར་ཀའི་དྲ་བ་དེ་དག་དང་། ཁྲུང་ཁྲུང་རྐང་དེ་དག་རླུང་གིས་བསྐྱོད་པ་ལས་འདི་ལྟ་སྟེ། དཔེར་ན་རོལ་མོ་སིལ་སྙན་ཡན་ལག་བརྒྱད་དང་ལྡན་པ་
D60.042.0036b02.01མཁས་པས་དཀྲོལ་བ་དེ་ལྟ་བུར་སྙན་ལ་དེ་ལྟ་བུར་ཡིད་དུ་འོང་ཞིང་མཉན་ན་བདེ་བའི་སྒྲ་བྱུང་བར་གྱུར་ཏོ། །སྒྲ་དེས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྒྱས་པར་གང་བར་གྱུར་ཏེ། སེམས་ཅན་གང་གིས་རྒྱན་གྱི་སྒྲ་དེ་དག་ཐོས་པར་གྱུར་པ་དེ་དག་ཐམས་ཅད་ཀྱང་། བླ་ན་མེད་པ་ཡང་
D60.042.0036b03.01དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །དེ་ནས་ཀླུའི་བུ་མོ་དེ་དག་གིས་མེ་ཏོག་རྣམ་པ་སྣ་ཚོགས་ཀྱི་ཆར་དང་། སྤོས་ཆུ་རྣམ་པ་སྣ་ཚོགས་ཀྱི་ཆར་མངོན་པར་ཕབ་པར་གྱུར་ཏེ། མེ་ཏོག་གི་ཆར་དེ་བབ་པའི་ཚེ་སྤོས་ཀྱི་དྲི་ཞིམ་པོའི་ངད་བྱུང་སྟེ། འགྲོ་ཞིང་ལྡོག་གོ །སྤོས་ཆུའི་ཆར་དེ་བབ་པས་
D60.042.0036b04.01ཀྱང་སེར་སྐྱའི་གནས་ཀྱི་གྲོང་ཁྱེར་ཆེན་པོའི་ཁོ་ར་ཁོར་ཡུག་ཏུ་དཔག་ཚད་དྲུག་ཅུ་ཚུན་ཆད་སྤོས་ཆུའི་རྫབ་ཏུ་གྱུར་ཏེ། སྤོས་ཀྱི་དྲི་དེས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྒྱས་པར་གང་བར་གྱུར་ཏོ། །སེམས་ཅན་གང་གིས་སྤོས་ཀྱི་དྲི་དེ་ཚོར་བར་གྱུར་པ་དེ་དག་ཐམས་ཅད་ཀྱང་བླ་ན་མེད་པ་
D60.042.0036b05.01ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །དེ་ནས་ཀླུའི་བུ་མོ་དེ་དག་གིས་གདུགས་བྱེ་བ་ཕྲག་དགུ་བཅུ་རྩ་དྲུག་དང་། རྟ་བྱེ་བ་ཕྲག་དགུ་བཅུ་རྩ་དྲུག་དང་། རོལ་མོ་སིལ་སྙན་བྱེ་བ་ཕྲག་དགུ་བཅུ་རྩ་དྲུག་པོ་དེ་དག་གིས་བཅོམ་ལྡན་འདས་ལ་མཆོད་པ་བྱས་ནས་རྒྱན་ཐམས་
D60.042.0036b06.01ཅད་དང་ལྡན་པ་དེ་དག་བར་སྣང་གི་ནམ་མཁའ་ལ་འཁོད་དེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། ཐལ་མོ་སྦྱར་ནས་བཅོམ་ལྡན་འདས་ལ་ཕྱག་འཚལ་ཞིང་ཕྱོགས་གཅིག་ཏུ་འཁོད་པར་གྱུར་ཏོ། །དེའི་ཚེ་ཚིགས་སུ་བཅད་པ་འདི་དག་ཀྱང་སྨྲས་སོ། །
D60.042.0036b07.01