完整藏文原文 · 德格版页 当前仅加载第 42 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་གི་བཀོད་པ་དང་། དེར་སྐྱེ་ཞིང་ཡོངས་སུ་དག་པ་དང་། བྱང་ཆུབ་སེམས་དཔའ་རྣམས་ཞིང་ནས་ཞིང་དུ་འདོང་བ་དང་། དེ་བཞིན་གཤེགས་པ་མཆོད་པ་དང་། མཆོད་པ་དེའི་མཐུ་དང་། སེམས་ཅན་རྣམ་པར་དགོད་པ་དང་། བསྐལ་པ་འདི་སྙེད་ཅིག་གིས་སངས་རྒྱས་སུ་འགྱུར་
D60.042.0049b01.01རོ་ཞེས་བྱ་བ་དང་། བསྐལ་པ་འདི་སྙེད་ཅིག་ཏུ་སངས་རྒྱས་བཅོམ་ལྡན་འདས་རྣམས་བཞུགས་པར་འགྱུར་རོ་ཞེས་བྱ་བ་དང་། སངས་རྒྱས་བཅོམ་ལྡན་འདས་དེ་དག་གི་ཉན་ཐོས་འདུས་པ་ནི་འདི་སྙེད་ཅིག་ཏུ་འགྱུར་རོ་ཞེས་བྱ་བ་དང་། དེ་དག་ཡོངས་སུ་མྱ་ངན་ལས་འདས་ནས་དམ་པའི་ཆོས་
D60.042.0049b02.01བསྐལ་པ་འདི་སྙེད་ཅིག་ཏུ་གནས་པར་འགྱུར་རོ་ཞེས་དེ་བཞིན་གཤེགས་པས་ལུང་བསྟན་པ་མཛད། ཅི་ཞིག་ལས་དགོངས་ཏེ་སེམས་ཅན་རྣམས་ཉེ་བར་ལེན་པ་མེད་པས་མྱ་ངན་ལས་འདའ་བར་འགྱུར་རོ་ཞེས་བཅོམ་ལྡན་འདས་ཀྱིས་དགོངས་པ་མཛད་སྙམ་སྟེ། དེ་ནས་མིའམ་ཅིའི་
D60.042.0049b03.01རྒྱལ་པོ་ལྗོན་པ་དེ་ལྟ་བུའི་ཐེ་ཚོམ་སྐྱེས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་ཞུ་བ་ཞུས་པ། རྒྱལ་བའི་གསུང་ནི་ཐོས་གྱུར་ནས། །ཤེས་རབ་ཆེ་མངའ་བདག་དོགས་སྐྱེས། །སྟོང་པ་ཉིད་དང་ལུང་
D60.042.0049b04.01བསྟན་པ། །བདེ་གཤེགས་བདག་གིས་དེ་མ་འཚལ། །གསུང་བའི་ཟླ་བ་ཆོས་ཀྱི་དབྱིངས། །འགྱུར་མ་མཆིས་ལ་སྟོང་པ་དང་། །རང་བཞིན་མེད་གསུང་ཇི་ལྟ་བུ། །མཆོད་པ་འདི་ཅི་གང་ཟག་མཆོག །སྐྱེ་བའང་མ་མཆིས་བྱང་ཆུབ་ཏུ། །སེམས་བསྐྱེད་པ་ནི་ཇི་ལྟ་བུ། །
D60.042.0049b05.01སྐྱེས་བུ་མཆོག་གིས་བཀའ་སྩལ་པའི། །ལྡེམ་པོ་ངག་དེ་བདག་མ་འཚལ། །མི་དབང་བདག་པོ་ཇི་ལྟར་ན། །འགག་པ་མ་མཆིས་འཆི་འཕོ་གསུང་། །དེ་ནི་ཡང་དག་ལུང་བསྟན་པས། །ཐུབ་པ་བདག་གི་ཐེ་ཚོམ་ཁུམ། །སྒྱུ་མ་འདྲ་ལ་ལྷར་སྐྱེ་ཞེས། །གསུངས་པ་དེ་ནི་ཇི་
D60.042.0049b06.01ལྟ་བུ། །ལྡེམ་པོར་གསུངས་པ་འདི་དག་ཀྱང་། །ཤཱཀྱ་སེང་གེ་བདག་མ་འཚལ། །གནས་པའང་མཆིས་པ་མ་ལགས་ལ། །དགེ་བཤེས་བསྟེན་གསུང་ཇི་ལྟ་བུ། །ལྡེམ་པོར་གསུངས་པ་འདི་དག་ཀྱང་། །སྐྱེས་བུ་ཁྱུ་མཆོག་བདག་མ་འཚལ། །གཡོ་བའང་མ་མཆིས་
D60.042.0049b07.01