完整藏文原文 · 德格版页 当前仅加载第 42 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
དངོས་པོ་རྣམས་ནི་དངོས་མེད་རང་བྱུང་གསུང་། །བྱང་ཆུབ་གང་ཡང་མཚན་མར་མི་དམིགས་ཏེ། །བྱང་ཆུབ་ཕྱོགས་ཀྱི་ཆོས་རྣམས་དེ་བཞིན་ནོ། །སངས་རྒྱས་གང་ཡང་མཚན་མར་མི་དམིགས་ཏེ། །བྱང་ཆུབ་སེམས་དཔའ་མཚན་མས་རྟོགས་མི་འགྱུར། །
D60.042.0070a01.01མི་མཁས་གང་དག་མཚན་མར་མངོན་ཞེན་པ། །དེ་དག་བྱང་ཆུབ་འཚང་རྒྱར་སེམས་བསྐྱེད་ཀྱང་། །མཚན་མར་སྤྱོད་ཅིང་སྤྱོད་ཡུལ་ལོག་པ་སྟེ། །བློ་གྲོས་ངན་པས་བྱང་ཆུབ་ལམ་མི་སྤྱོད། །མཚན་མ་སུས་སྤངས་སངས་རྒྱས་སྤྱོད་ཡུལ་ལ། །སྤྱོད་པ་དེ་དག་སངས་རྒྱས་
D60.042.0070a02.01བསྟན་ལ་མཁས། །མཚན་མ་དེ་བཞིན་མཚན་མ་མེད་སྤངས་ཏེ། །སྟོང་དང་མི་སྟོང་དེ་བཞིན་དམིགས་མེད་པ། །མཁས་པ་དེ་དག་བྱང་ཆུབ་ལམ་ལ་སྤྱོད། །དེ་དག་བྱང་ཆུབ་དམ་པ་ཞི་བ་འཐོབ། །ཕས་ཀྱི་རྒོལ་བ་ཀུན་གྱི་སྤྱོད་ཡུལ་མིན། །གནས་དེ་ཉན་ཐོས་རྣམས་
D60.042.0070a03.01ཀྱིས་བགྲོད་བྱ་མིན། །རང་རྒྱལ་རྣམས་ཀྱང་དེ་ལ་མི་འགྲོ་སྟེ། །རྣམ་གྲོལ་སེམས་ལྡན་ཟག་མེད་ཐ་བ་མེད། །དགྲ་བཅོམ་བསྟན་པ་འདི་ལ་གང་བརྩོན་དང་། །དེ་བཞིན་རང་རྒྱལ་སྐྱོབ་པར་གྱུར་པ་དག །མཁས་པའི་སྤྱོད་ཡུལ་དེ་ལ་སྤྱོད་ཡུལ་མེད། །གོ་འཕང་དེ་ནི་མཚན་
D60.042.0070a04.01མ་སྤྱོད་པ་དང་། །ཉི་ཚེའི་སྟོང་པ་ཉིད་ལ་སྒོམ་པ་དང་། །གང་རྣམས་སྟོང་པས་སྟོང་ཞེས་སྟོང་སྨྲ་དང་། །ཆོས་ཀུན་རང་བཞིན་ཡོད་སྨྲས་འཐོབ་མི་ནུས། །སངས་རྒྱས་མ་སྨད་རྣམས་ཀྱི་བསླབ་པ་ལ། །སློབ་དང་རྣམ་བྲལ་སློབ་པ་སློབ་པའི་རྣམས། །མཁས་དེ་རྟོགས་པ་མེད་
D60.042.0070a05.01པས་བྱང་ཆུབ་རྟོགས། །སྟོན་པས་བསྟན་པ་བཞིན་དུ་དགྱེས་བྱེད་ལགས། །སངས་རྒྱས་རྐང་གཉིས་གཙོ་བོ་བསྟོད་པས་ན། །བདག་ཅག་བསོད་ནམས་མི་ཆུང་གང་ཐོབ་དེས། །འགྲོ་བ་བྱང་ཆུབ་དམ་པ་འཚང་རྒྱ་ཞིང་། །མི་ཤེས་སྟོན་མཛད་སངས་རྒྱས་འགྲུབ་པར་ཤོག །དེ་
D60.042.0070a06.01ནས་བཅོམ་ལྡན་འདས་ཀྱིས་དེའི་ཚེ་ལྷའི་རྒྱལ་པོ་དབང་སྒྱུར་ལ་སོགས་པ་གཞན་འཕྲུལ་དབང་བྱེད་རིས་ཀྱི་ལྷ་ཁྲག་ཁྲིག་ཕྲག་བརྒྱད་ཅུ་པོ་དེ་དག་གི་ལྷག་པའི་བསམ་པ་ཐུགས་སུ་ཆུད་ནས་སྐྱེ་བོ་ཕལ་པོ་ཆེ་དེ་དག་གི་དགེ་བའི་རྩ་བ་བསྐྱེད་པའི་ཕྱིར་དེའི་ཚེ་འཛུམ་པ་མཛད་དོ། །དེ་ནས་
D60.042.0070a07.01